ಮದುವೆ ಮಾಡ್ಸು

ತುಂಬಾ ತುಂಟಿ ಹುಡುಗಿ ಇವಳಮ್ಮ
ಇವಳ ಜೊತೆ ಲಗ್ನ ಮಾಡ್ಸು ಬೇಗ ಬಾರಮ್ಮ
ಬಲು ಹುಚ್ಹು ಹುಡ್ಗ ನೀ ಕೇಳೋ ಭೂಪ
ನಿನ್ನ ಮುಖಕೆ ಮದುವೆ ಬೇಕೇ! ಹೋಗೋ ಬೆಪ್ಪ

ಮುಂದೆ ಹೋದರೆ ಅವಳು ನನ್ನ ಹಿಂದೆ ನಡೆವಳು
ಮುಂದೆ ಬಿಟ್ಟರೆ ಅವಳ ತಿರುಗಿ ನೋಡಿ ನಗುವಳು
ಬಿಟ್ಟು ಬಟ್ಟಲ ಕಣ್ಣ, ಇಟ್ಟು ಪ್ರೀತಿಯ ಮನಸ
ಕೊಟ್ಟು ಪ್ರೇಮದ ಪತ್ರ, ನಾಚಿ ನೀರಾಗುವಳು

ಕನಡಿಲಿ ಒಂದ್ಸರಿ ನೋಡ್ಕೋ ಹೋಗೋ ಮುಖವ
ನಸುಗಪ್ಪು ನಾಚುವ ಚಲುವ, ಆಸ್ಟ ದಂತ ವಕ್ರನೆ
ಹುಡುಗಿ ಮೇಲೆ ಮನಸು ಇಟ್ಟು, ಕನಸ ಕಾಣೋದು ಬಿಟ್ಟು
ದುಡಿಯೋ ದಾರಿ ಹುಡುಕೋ ಹೋಗೋ ಬೆಪ್ಪ ಲೆ ತಿಪ್ಪ

ಚಂದುಲ್ಲೇ ಚಲುವೆ ಅವಳು ಮುದ್ದಾದ ಮೊಗದವಳು
ಕುಡಿ ನೋಟದ ಅಂಚಿನಲ್ಲಿ ಹರಣಿಗಳ ಹೋಲುವಳು
ಇಂಥ ಬೆಡಗಿಯ ಜೊತೆ, ಇಟ್ಟು ಮದುವೆಯ ಮುಹೂರ್ತ
ಕಟ್ಟಿಸಿ ತಾಳಿ ಅಕ್ಷತೆ ಹಾಕಿ ಹರಸಮ್ಮ ನನ್ನಮ್ಮ ನೀ

ಶನಿ ಗ್ರಹ ನಿನ್ನ ಹೆಡೆತಲೆ ಮೇಲೆ ಕೂತಿದ್ದಾನೆ
ರಾಹು ಕೇತು ಕುಜ ಎಲ್ಲ ಅಡ್ಡ ದಿಡ್ಡಿ ನಿಂತಿದ್ದಾರೆ
ಗ್ರಹಣ ಹಿಡಿದ ನಿನ್ನ ಮುಖದ ಸೊಬಗ ನೋಡಿ
ಪಾಣಿಗ್ರಹಣಕ್ಕೆ ಬರುವಳೇನೋ? ಬೆಪ್ಪ ಹೋಗಪ್ಪ

ಸುನಡತೆಯ ಸುಂದರಿ, ಚಂದಿರನ ಹೊಲುವಳು
ಕನಸಲಿ ನನಸಲ್ಲು ನನ್ನ ಅವರಸಿ ನಿಂತಿಹಳು
ಸೇರಿಸಿ ಕಣ್ಣಲಿ ಕಣ್ಣು, ಸರಸಿ ಮುಂಗುರುಳ
ಕರೆಸಿ ಗುಲಾಬಿ ಗುಚ್ಛ ಕೊಟ್ಟು ಕೊಂಡಾಡುವಳು

ಆಟ ಆಡಿಸುತ ಹಾಗೆ ಮಾಡಿದಾಳೆ ನಿನ್ನ ತಿಪ್ಪ
ತಿಳಿಯದೆ ಹೋದೆ ನೀ ಈ ಭೂಮಿಲಿ ಬಲು ಬೆಪ್ಪ
ಹುಚ್ಚು ಬಿಡೋ ವರ್ಗು ಮದುವೆ ಆಗೋದಿಲ್ಲ
ಮದುವೆ ಅಗೋ ವರ್ಗು ಹುಚ್ಚು ಹೋಗೋದಿಲ್ಲ
ಸುಮ್ನೆ ಯಾಕೋ ತಲೆ ತಿಂತಿ ಹೋಗಪ್ಪ ನೀ ಬೆಪ್ಪ

ಸ್ಕಂದಗಿರಿ

ಇಬ್ಬನಿ ತುಂಬಿದ ಬೆಟ್ಟದಲಿ
ಮೊಬ್ಬು ಬೆಳಕಿನ ಆ ಸಮಯದಲಿ
ತಬ್ಬಿಕೊಂಡು ಮೋಡಗಳ ಆಕಾಶದಲಿ
ಉಬ್ಬಿ ಉದಯಿಸಿದೆ ನೀ ಪೂರ್ವದಲಿ

ತುಂಬಿ ತುಳುಕಿದ ಆ ಹಾಲ್ಗಡಲಲ್ಲಿ
ಚಂದದಿ ಬೀಸುವ ಮಧುರ ತಂಗಾಳಿಯಲಿ
ಅಂಬುಜ ಬಳಕುತ ನಾಚುತ ಇಣುಕುತಲಿ
ಹೊಂಬಣ್ಣವ ಬೀರುತ ಬಂದ ಈ ಭುವಿಯಲ್ಲಿ

ಕಣ್ಣ ಮುಚ್ಚಾಲೆ ಮೋಡದಲ್ಲಿ ಆಡುತಲಿ
ಸಣ್ಣ ಬೆಳಕಿನ ಕಿರಣವ ಹರಡುತಲಿ
ಬಣ್ಣ ಬಣ್ಣವ ತುಂಬುತ ಆಗಸದಲ್ಲಿ
ಸ್ವರ್ಗವನ್ನೇ ಸೃಷ್ಟಿಸಿದೆ ಈ ಧರೆಯಲ್ಲಿ

ಸ್ಕಂದ ಗಿರಿಯ ಹಸಿರ ತಪ್ಪಲಲ್ಲಿ
ಮಂಜು ಆವರಿಸಿದ ಮುಂಜಾವಿನಲಿ
ಬಂದ ಜನರನು ಕೈಬೀಸಿ ಕರಿಯುತಲಿ
ಹೊಸ ದಿಗಂತವ ತೋರುತ ಹರುಷದಲಿ
ತುಂಬಿದೇ ಉತ್ಸಾಹ ನಮ್ಮ ಮನಸಲಿ

ಮೆಲ್ಲ ಮೆಲ್ಲನೆ

ಮೆಲ್ಲ ಮೆಲ್ಲನೆ ನೀ ಬಾರೆ ನನ್ನಯ ಗೆಳತಿ
ಮೆಲ್ಲ ಮೆಲ್ಲನೆ ಬಂದು ಗಲ್ಲವ ಸವರುತ
ಮುತ್ತನ್ನೇ ಸುರಿಸಿ ನನ್ನ ಕನಸನ್ನು ತುಂಬುತ ...... ಪ

ಅಂದದ ಮೊಗವನ್ನು ಇಂದು ನೀ ತೋರುತ
ಮಂದಗಮನೆ ನೀನು ನಗುವನ್ನು ಬೀರುತ
ಮೆಲ್ಲ ಮೆಲ್ಲನೆ ನೀ ಬಾರೆ ನನ್ನಯ ಗೆಳತಿ ೧

ಬಳ್ಳಿಯಂತೆ ಬಳುಕುತ ಚಂದದಿ ನಲಿಯುತ
ಮರವನ್ನು ಏರಿದಂತೆ ನನ್ನ ನೀ ಬಳಸುತ
ಮೆಲ್ಲ ಮೆಲ್ಲನೆ ನೀ ಬಾರೆ ನನ್ನಯ ಗೆಳತಿ ೨

ಮೋಹದ ಪಾಶಕ್ಕೆ ಸಿಲುಕಿ ನೀ ಕುಣಿದಾಡುತ
ಪ್ರೀತಿ ಮಳೆ ಸುರಿಸಿ ನನ್ನನು ಅನುಸಿರಿಸುತ
ಮೆಲ್ಲ ಮೆಲ್ಲನೆ ನೀ ಬಾರೆ ನನ್ನಯ ಗೆಳತಿ ೩

ಹಸಿರಲ್ಲಿ ಹಸಿರಾಗಿ ಉಸಿರಲ್ಲಿ ಉಸಿರಾಗಿ
ಕನಸಲ್ಲೂ ನನಸಲ್ಲು ನನ್ನ ಹೃದಯ ಆವರಿಸುತ
ಮೆಲ್ಲ ಮೆಲ್ಲನೆ ನೀ ಬಾರೆ ನನ್ನಯ ಗೆಳತಿ ೪

ಚಂದುಳ್ಳಿ ಚಲುವೆ ನಿನ್ನ ಸನಿಹವ ಬಯಸುತ
ಹಾರಿ ಬರುವ ನನ್ನ ಸಂತೋಷ ಪಡಿಸುತ
ಮೆಲ್ಲ ಮೆಲ್ಲನೆ ನೀ ಬಾರೆ ನನ್ನಯ ಗೆಳತಿ ೫

ಪ್ರೀತಿ

ಹದಿ ಹರೆಯದ ಪ್ರೇಮ ಪ್ರೀತಿ
ಆಗುವುದು ಕೆಲವು ಹಲವು ರೀತಿ
ರೋಜ್, ಗಿಫ್ಟ್, ಕಾರ್ಡ್ ಕೊಟ್ಟರೆ
ಮುಳಕೆ ಒಡೆಯುವುದು ಆಗಲೇ ಪ್ರೀತಿ
ಮುಂದೆ ಹೋಗಿ ಹಿಂದೆ ತಿರುಗಿ ನೋಡಿದರೆ
ಸುರು ಆಗುವುದು ಹೊಸ ಕನಸಿನ ಪ್ರೀತಿ
ಕಣ್ಣಲಿ ಕಣ್ಣು ನೆಟ್ಟು ನೋಡಿದರೆ
ಸುರಿಯುವುದು ಮೋಹದ ಪ್ರೀತಿ
ಪಾರ್ಕು ಮರ ಸುತ್ತಿದಾಗ
ನೆಲೆಯುವುದು ಘಾಡವಾದ ಪ್ರೀತಿ
ಸಿನಿಮಾಕೆ ಹೋದರೆ ಮುಗುದೇ ಹೋಯಿತು
ಜೀವನ ವೆಲ್ಲ ಆಗುವುದು ಭಲೇ ಫಜೀತಿ

ಹಾರುವ ಹಕ್ಕಿಗಳು

ಹಾರುತಿವೆ ಹೊಸ ಹಕ್ಕಿಗಳಿಂದು
ತಿಳಿಯ ನೀಲಿ ಆಗಸಕ್ಕಿಂದು
ಮಂಜು ಮೋಡ ದಾಟಿ ದೂರ
ಹೊಸ ಲೋಕ ಹುಡುಕುವೆ ವೆಂದು

ಎಲ್ಲೊ ಹುಟ್ಟಿ ಎಲ್ಲೊ ಬೆಳೆದು
ಗೂಡು ಬಿಟ್ಟು ಅಲಿಯುತ ದಿನವು
ಸುಮಧುರ ಕನಸನ್ನು ನೆನೆದು
ಹಾರುವುದು ಹೊಸ ಗೆಳೆತನ ಬೆಸೆದು

ಆಸೆ ತುಂಬಿದ ಕಣ್ಣುಗಳಲ್ಲಿ
ತೇಲುತ ಸವಿ ತಂಗಾಳಿಯಲ್ಲಿ
ಸುಂದರ ಸರಸಮಯ ಸವಿಯಲ್ಲಿ
ಹಾರುವವು ಭಾವನ ದಿಗಂತದಲ್ಲಿ

ಹದ್ದು ಗಿಡುಗದ ಭಯವನೆ ತೊರೆದು
ಬಿಸಿಲು ಚಳಿ ಮಳೆಯನ್ನೇ ಅಳಿದು
ಕಂಡ ಕನಸು ನನಸಾಗಿಸಲು
ಹಾರುವವು ಜೀವನ ಮಧುರವಾಗಿಸಲು

ಕಸ ಕಡ್ಡಿ ಹೆಕ್ಕಿ ತೆಗೆದು ಜೋಡಿಸಿ
ಕಟ್ಟುವವು ಹೊಸ ಗೂಡೊಂದು
ಕಾವು ಕೊಟ್ಟು ಮರಿಯನು ಮಾಡಿ
ಹಾರುವವು ಕಾಳು ಹುಡುಕಲೆಂದು

ಮುತ್ಸಂಜೆಗೆ ಮೊದಲು ಗೂಡಿಗೆ ಮರಳಿ
ತಂದ ಕಾಳು ಮರಿಗಳಿಗೆ ಉಣಬಡಿಸಿ
ಮುಂಜಾವಿಗೆ ಚಿಲಿಪಿಲಿ ಗುಟ್ಟುತ, ಮರಳಿ
ಹಾರುವವು ಜೀವನದ ಪಾಠವ ತಿಳಿಸಿ

ಮೆರಗು

ಒಲವೆ ನಿನ್ನ ಚಲುವ ಹೇಗೆ ವರ್ಣಿಸಲಿ
ಬಣ್ಣಿಸಲು ಕವನಗಳು ಸಾಲವು ಎಂದೆಂದು

ಹಾಕಿದ ಬಟ್ಟೆಗೆ ಹೊಸ ಮೆರಗು ನೀಡುವಿ
ಹಣೆಯ ಕುಂಕುಮಕ್ಕೆ ರೂಪ ಕೊಡಿಸುವೆಯೋ
ಬಟ್ಟಲು ಕಣ್ಣಅರಳಿಸಿ ಯಾಕೆ ನೀ ನೋಡುವಿ
ವಜ್ರದ ಮೂಗುತಿಗೆ ಹೊಳಪು ಕೊಡಿಸುವೆಯೋ

ನೀ ನೆಡೆದ ದಾರಿಯಲಿ ಪರಿಮಳವ ಸೂಸುವಿ
ಎಲ್ಲರೂ ತಿರುಗಿ ನೋಡುವ ಹಾಗೆ ಮಾಡುವಿಯೋ
ನಿನ್ನ ನೋಡಿದ ಹುಡುಗರ ಹಳ್ಳಕ್ಕೆ ಬೀಳಿಸುವಿ
ಮೆಲ್ಲಗೆ ನಸುನಕ್ಕು ನೋವ ಮರೆಸಿ ಬಿಡುವಿಯೋ

ಪೂರ್ಣ ಚಂದಿರನ ನೀ ಹಗಲಿನಲಿ ತೋರಿಸುವಿ
ನಿನ್ನ ಹೊಳಪಿನಿಂದ ರಾತ್ರಿ ಪ್ರಭೆಯ ತರಿಸುವಿಯೋ
ಅನಂಗನಾದರೂ ಅವನ ಮಂಗ ಮಾಡಿಬಿಡುವಿ
ನಿನ್ನ ಗುಣ ದಿಂದ ಎಲ್ಲವನ್ನು ಗೆದ್ದು ಬಿಡುವಿಯೋ

ಇದ್ದರೇನು?

ಪ್ರೀತಿ ಇಲ್ಲದ ಮನಸು
ಮೋಹ ಇಲ್ಲದ ಕನಸು
ನೀತಿ ಇಲ್ಲದ ಬದುಕು
ಇದ್ದರೇನು ಇಲ್ಲದೆ ಇದ್ದರೇನು

ಮುನ್ನೋಟ ಇಲ್ಲದ ಬುದ್ದಿ
ಮಾತಿನಲ್ಲಿ ಇಲ್ಲದ ಧ್ರುಡತಿ
ಕಲಿಕೆಯಲ್ಲಿ ಇಲ್ಲದ ಸಿದ್ಧಿ
ಇದ್ದರೇನು ಇಲ್ಲದೆ ಇದ್ದರೇನು

ತಾಳ ಇಲ್ಲದಾ ಸಂಗೀತ
ಮೇಳ ಇಲ್ಲದಾ ಮದುವೆ
ಕಾಳು ಇಲ್ಲದಾ ತೆನೆಯು
ಇದ್ದರೇನು ಇಲ್ಲದೆ ಇದ್ದರೇನು

ಹಣ ಇಲ್ಲದಾ ತ್ಯಾಗ
ಗುಣ ಇಲ್ಲದಾ ಭೋಗ
ಕರುಣೆ ಇಲ್ಲದಾ ಯೋಗಿ
ಇದ್ದರೇನು ಇಲ್ಲದೆ ಇದ್ದರೇನು

ಸುಗ್ಗಿ

ಮುಂಗಾರು ಮಳೆಯು ಬಂತು
ನವಿರಾದ ಉಸಿರು ತಂತು
ಹನಿ ಹನಿಯು ಉದುರಿದಂತೆ
ಕರಿ ಮೋಡ ಕರಗಿ ಹೋಯಿತು

ಬೀಜಗಳು ಮೊಳಕೆ ಒಡೆದು
ತಳಿರ ಚಿಗುರು ಮೂಡಿ ಬಂತು
ಭುವಿಯ ಈ ಹಸಿರ ಉಡುಗೆ
ಕಣ್ಣಿಗೆ ತಂಪು ತಂಪು ತಂತು

ತಿಳಿ ಬಿಸಿಲು ಸ್ವಾದ ಹೀರಿ
ಗಿಡ ಬಳ್ಳಿ ಮರವೇ ಆಯಿತು
ಬಣ್ಣ ಬಣ್ಣ ದಿಂದ ಕುಡಿದ
ಹೂವು ನೆಲಕೆ ಶೃಂಗಾರ ಮಾಡಿತು

ದುಂಬಿಗಳು ಹಾರಿ ರಸವ ಹೀರುತ
ಹೂವಿಗೆ ಜೀವದ ಉಸಿರ ತುಂಬಿತು
ತೆನೆ ತೆನೆಯು ಒಡೆದ ಸವಿಗೆ
ಗಿಡ ಗಿಡವು ನಾಚುತ ಬಾಗಿ ನಿಂತಿತು

ಮಂದಹಾಸ ಮೂಡಿಸಿ ನಮಗೆ
ದಸರಾ ಹಬ್ಬದ ಸಡಗರ ತಂತು
ಸುಗ್ಗಿಯಾ ಹಾಡಿನ ಜೊತೆಗೆ
ಕುಣಿದಾಡುವ ಸಮಯ ತಂತು

ಒಲಿದ ಹೃದಯಗಳಿಗೆ
ಪಿಸು ಮಾತು ಮೂಡಿ ಬಂತು
ಹಸನಾದ ಬದುಕಿಗಿಂದು
ಹೊಸತಾದ ಬೆಳಕು ತಂತು

ಎತ್ತನದಿಂದ ಎತ್ತ

ಎಂದೂ ಇರದ ಅನುಭಂದ ಏಕೆ ಇಂದು
ಏರುತಿದೆ ಎತ್ತರಕೆ ಸಮಯ ಸವಿದಂತೆ
ಕನಸಿನಲಿಯು ಕಾಣದ ರೂಪದ ಈ ಅಂದ
ಎತ್ತನದಿಂದ ಎತ್ತ ಸಾಗುವುದು ಈ ಸಂಭಂದ

ಎಂಥ ಸಮಯದಲ್ಲೂ ಜೋತೆಗೆ ಇರುವ ಇವರು
ಏನುಬೇಕಾದರೂ ಇಲ್ಲ ಎನ್ನುದವರು ಇವರು
ಎಲ್ಲರಿಗೂ ಇದ್ದರು ಒಬ್ಬರಂತೆ ಒಬ್ಬರಲ್ಲ
ಎತ್ತನದಿಂದ ಎತ್ತ ಸಾಗಿದರು ಇವರು ಸಿಗುವರೆಲ್ಲ

ಹಿಂದೆಯೂ ಇರುವುದು ನಾಳೆಯೂ ದೊರೆಯುವುದು
ಮುಂದು ಹೇಗೆ ಎಂದು ಯಾರಿಗೂ ತಿಳಿಯದು
ಹಿಂದೆತಿರುಗಿ ನೋಡುತ ನಡೆವ ಈ ಜೀವನ
ಎತ್ತನದಿಂದ ಎತ್ತ ಸಾಗುವುದು ಈ ಪಯಣ

ಭರಚುಕ್ಕಿ

ಮೋಹದ ಮನಸು ಕನಸು ಕಾಣುತ
ಭರದಿಂದ ಭೋರ್ಗರೆಯುತ ಧರೆಗೆ ಇಳಿದಂತೆ
ಮೊದಲ ಪ್ರೀತಿಯು ಆವರಿಸಿದಾಗ
ಮುತ್ತುಗಳ ರಾಸಿ ಬಿಡಿಬಿಡಿಯಾಗಿ ಮೈ ಮೇಲೆ ಬಿದ್ದಂತೆ
ನಲ್ಲ , ನಲ್ಲೆಯರು ಜೊತೆಗೂಡಿ ನಲಿವ ಹನಿಗಳಿಗೆ
ಕಿರಣಗಳ ಸೋಕಿ ಕಾಮನ ಬಿಲ್ಲು ಮೂಡಿದಂತೆ
ಹಸಿರ ಸೀರೆ ಉಟ್ಟು ಹಸಿರ ಬಳೆ ತೊಟ್ಟ
ಪ್ರಕೃತಿಗೆ ಸಿಂಚನ ಸುರಿಸಲು ಧುಮುಕಿ ಬಂದಂತೆ
ಆ ವಯ್ಯಾರದ ನಡುಗೆಗೆ ಮನಸೋತು
ಶಿವನೇ ಜಡೆ ಬಿಚ್ಚಿ ತಲೆಯ ಮೇಲೆ ಧರೆಸಿದಂತೆ
ಮಿಂದ ಮನಸುಗಳು ಧನ್ಯತೆ ಹೊಂದಲು
ಧರಣಿಗೆ ಬಂದ ಜಾನ್ಹವಿಯಾ ಬಳುಕಿನ ಆ ನೋಟ
ಸ್ವರ್ಗದ ಹೊಸಲಿಗೆ ಬಿಳಿ ರಂಗೋಲಿ ಇಟ್ಟಂತೆ
ತಿಳಿ ಹಾಲಿನಿಂದ ಭುವಿಗೆ ಅಭಿಷೇಕ ಮಾಡಿದಂತೆ

ಹುಡುಕಾಟ

ಹುಡುಕಾಟವೇ ಜೀವನ
ಹೊಡೆದಾಟದ ಮಧ್ಯ
ಗೆದ್ದವನ ಜೀವನ ಪಾವನ

ಏನು ಬೇಕು ಎಂದು ಗೊತ್ತಿಲ್ಲದೆ
ಇರುವುದ ಬಿಟ್ಟು ಇಲ್ಲದಿರುವುದನು
ಎಲ್ಲೆಲ್ಲಿಯೂ ಹುಡುಕುವುದೇ ಜೀವನ

ನಮಗಾಗಿ ಅಲ್ಲ ದಿದ್ದರು ..
ಅವರಿಗಾಗಿ ಎಲ್ಲವನು ಕೊಟ್ಟು..
ಹೊಸತೊಂದನ್ನು ಹುಡುಕುವುದೇ ಜೀವನ

ಅಳೀದು ಉಳಿದುದರ ಜೊತೆಗೆ
ಹೊಂದಿಕೊಂಡು ಮತ್ತೆ ಬದುಕಿಗಾಗಿ
ಕನಸು ಕಾಣುತ ಹುಡುಕದುವುದೇ ಜೀವನ!

ಈಗ ನೋವಿನ ಒಳ ಮನಸು ತೋರಿಸದೇ .
ನಗುವಿನ ಮುಖವಾಡ ಧರಿಸಿ
ಮಗದೊಂದು ಲೋಕವ ಹುಡುಕುವುದೇ ಜೀವನ

ಬಂದದೆಲ್ಲವ ಸ್ವೀಕರಿಸಿ ಅನುಭವಿಸಿ
ಇಂದು ಇನ್ನೊಬರಿಗೆ ಮಾದರಿಯಾಗಿ
ಮುಂದೆಯೂ ಹುಡುಕುತ ಸಾಗುವುದೇ ಜೀವನ..

ಪ್ರದೀಪ

ಬರದ ಊರಿಗೆ ಹೇಳದೆ ಹೋದೆ
ಮರೆಯದ ಪ್ರೀತಿಯ ಸುರಿಸಿ ನಮಗೆಲ್ಲ

ನೋವಲ್ಲು ಸುಖ ಪಡುವ ಪಾಠವ ಹೇಳಿ
ಅಗಲಿಕೆಯ ನೋವು ಕೊಟ್ಟು ಹೋದೆ ನಮಗೆಲ್ಲ

ಕನಸಿನ ಲೋಕದಲಿ ತೇಲಿದ ನೀನು
ಕನಸನ್ನು ಕೊಟ್ಟೆ ಹೋದೆಯಾ ನಮಗೆಲ್ಲ

ದಿನ ಹಗಲು ರಾತ್ರಿ ನೋಡದೇ ಹೇಗಿರಲಿ
ನಿನ್ನಯ ಹೆಸರನು ಈ ಚಾಟ್ ಬ್ರೌಸೆರ್ನಲ್ಲಿ

ಹರಟೆಯ ಹೊಡೆಯದೆ ಕಾಲನು ಎಳೆಯದೆ
ಹೇಗೆ ಕಳೆಯಲಿ ದಿನ ನಿನ್ನ ತುಂಟ ನಗುವಿಲ್ಲದೇ

ಓದಿ ವಿಮರ್ಶಿಸುವರಾರು ನನ್ನ ಕವನದ ಸಾಲು
"ಸೂಪರ್ ಮಗ" ಎಂದು ಇನ್ನಮೇಲೆ ಹೇಳುವರಾರು

ಜೀವದ ಗೆಳೆಯ ಎಂದೆಯಾ ನೀನು
ಜೀವ ಇರುವ ವರೆಗೆ ನಿನ್ನ ಮಾರೆಯಲಾರೆ ನಾನು

ಮುಕ್ತಿಯ ಕಾಣಲೆಂದು ಬಂದೆ ಈ ಭೂಮಿಗೆ ನೀನು
ಮುಕ್ತನದೆ ಇಂದು, ಚಿರ ಶಾಂತಿ ಸಿಗಲಿ ಎಂದು ಹಾರೈಸುವೆ ನಾನು .

ಪ್ರಖರವಾಗಲಿ ದೀಪ ಪ್ರದೀಪನ ಹೆಸರಲಿ
ಬೆಳಗುತಿರಲಿ ನಿನ್ನ ಹೆಸರು ಹಗಲು ಇರುಳಿನಲ್ಲಿ
: ಪ್ರೀತಿಯಿಂದ ಪ್ರಭಂಜನ

ನೀನು

ಮನಸೆಲ್ಲವು ನೀನು
ಕನಸಲ್ಲಿಯು ನೀನು
ನನ್ನಲಿಯು ನೀನು
ಎಲ್ಲಿ ಎಲ್ಲಿಯೂ ನೀನು

ಸೂರ್ಯನ ಕಾಂತಿಯಲಿ ಇರುವ
ಹೊಳೆವ ಹೊಂಗಿರಣ ನೀನು
ವಜ್ರಗಳು ಮಿನುಗುವಂತೆ
ಮಿನುಗುವ ತಾರೆ ನೀನು

ಚಂದಿರನ ತಂಪು ನೀನು
ಮಂದಾರ ಕುಸುಮವು ನೀನು
ಇಂದಿರನು ನಾಚುವಂತ
ಸೌಂದರ್ಯದ ಕಡಲು ನೀನು

ಒಲವೆಂಬ ಸ್ನೇಹದ ಗುಡಿಯ
ಸುಂದರ ಕೆತ್ತನೆ ನೀನು
ಶಿಲ್ಪಿಯ ಮನಸಲಿ ಬಂದ
ಸೊಗಸಾದ ಕಲ್ಪನೆ ನೀನು

ಪ್ರಕ್ರುತಿಯಾ ಹಸಿರಿನ ಸೊಬಗ
ಸುರಿಸುವ ಕನ್ನಿಕೆ ನೀನು
ಸುರಿವ ಮಳೆ ಗಾಳಿಯಂತೆ
ಉಲ್ಲಸ ತರುವೆ ನೀನು

ಉಸಿರಲಿ ಉಸಿರಾದೆ ನೀನು
ಹೆಸರಲ್ಲಿ ಹೆಸರದೆ ನೀನು
ಮೃದುವಾದ ನವಿಲು ಗರಿಯ
ನವಿರಾದ ಸ್ಪರ್ಶ ನೀನು

ಹಸಿರು

ಮನಸು ಹಗುರಾಗಲು
ಬೆಳಕು ಹರಿಯಬೇಕು ಹೃದಯದಲ್ಲಿ
ಹೃದಯ ಹಸನಾಗಲು
ಕನಸು ಕಾಣಬೇಕು ಇರುಳಲ್ಲಿ
ಇರಿಳು ಸೋಗಸಾಗಲು
ಸಂಗಾತಿ ಇರಬೇಕು ನನಸಲ್ಲಿ
ನನಸು ಹಸಿರಾಗಲು
ಪ್ರೀತಿಯ ಮಳೆಯು ಸುರಿಯಬೇಕು ಭುವಿಯಲ್ಲಿ
ಭುವಿಯು ಸುಂದರವಗಿರಲು
ನಾವು ಪರಿಸರ ಕಾಪಾಡಬೇಕು ಪ್ರತಿದಿನದಲ್ಲಿ

ವಿನೂತನ ಸೃಷ್ಟಿ

ಮುಂಗಾರು ಮೂಡಗಳಂತೆ
ಹರಿವ ಬಿರುಸಾದ ಮಾತಿನ ಚಲುವೆ ..
ಮಳೆಯ ಸಿಂಚನ ದಂತೆ
ಉಲ್ಲಾಸ ಕೊಡುವ ಪ್ರೀತಿಯ ಒಲವೆ

ಇಂಪಾದ ಮಾತಿನ ಮೋಹಕ ರೂಪ
ಅಡಿಯಿಂದ ಮುಡಿಯ ವರೆಗೆ
ನಸು ನಕ್ಕು ನಲಿದಾಡುತ
ಕುಣಿವ ನವಿಲಿನಂತೆ ನಿನ್ನ ನಡುಗೆ

ಮುಂಜಾನೆಯ ಕೆಂಪು ಕಿರಣದಿಂದ
ಇಬ್ಬನಿಯ ಹನಿಯಂತೆ ಹೊಳೆವ ನೋಟ
ಹೂವಿನ ಅಂದಕೆ ಮಾರು ಹೋದ ದುಂಬಿಯಂತೆ
ಹೇಳುವೆ ಪ್ರೀತಿಯ ಗೆಳೆತನದ ಪಾಠ

ಆಗಸದಲಿ ಹೊಳೆವ ಚಂದಿರನಂತೆ
ತಂಪೆರೆವ ಪ್ರೇಮದ ಚಿಕ್ಕ ಹೃದಯ
ಈಗತಾನೇ ಚಿಗುರಿದ ಎಲೆಯಂತೆ
ನವಿರಾದ ಅನುಭವ ಕೊಡುವ ನಿನ್ನ ಸನಿಹ

ಆರಿಸಿದರು ಸಿಗದ ಅನುಭಾವಕೆ ಬಾರದ
ನನಗಾಗೆ ಉದಯಿಸಿದ ವಿನೂತನ ಸೃಷ್ಟಿ
ಹನಿ ಹನಿ ಕೂಡಿ ಹಳ್ಳ, ನದಿ ಹರಿದಂತೆ
ಧುಮುಕಿ ಹರಿದು ಕೊಡು ನನ್ನ ಕನಸಿಗೆ ಪುಸ್ಥಿ

:ಪ್ರಭಂಜನ ಮುತ್ತಿಗಿ

ತೋರಿಸುತಿದ್ದೆ

ಏನು ತಿಳಿಸಲಿ ಪ್ರಿಯೆ
ನಿನ್ನ ಅಷ್ಟು ದೂರ ಇಟ್ಟುಕೊಂಡು
ಹಾಗೇ ಸುರಿಸುವೆ ಪ್ರೀತಿಯ ಮಳೆಯನ್ನ
ನೀ ಬಂದರೆ ನನ್ನ ಹುಡುಕಿಕೊಂಡು

ದೂರ ನಿಂತು ಮತನಾಡದೆ ಹತ್ತಿರ ಬಂದರೆ
ತೋರಿಸತಿದ್ದೆ ಲಗು ಬಗೆ ಇಂದ ನುಡಿವ ನನ್ನ
ಹೃದಯ ಕವಾಟದ ಬಾಗಿಲಿನ ಚಿಲಕ ತೆಗೆದು
ನನಗಾಗಿ ಮಿಡಿಯುವ ಒಳಗಿರುವ ನಿನ್ನ ಬಿಂಬವನ್ನ

ಆದರದಿಂದ ಬಂದು ಬಿಗಿದಪ್ಪಿದರೆ
ತೋರಿಸುತಿದ್ದೆ ನಿನ್ನ ಉಸಿರ
ಏರಿಳಿತಗಳ ಮಧ್ಯ ಬರುವ ಆ ಲಯದ
ಸ್ವರದಲ್ಲಿ ಅಡಗಿರುವ ಸ್ಪಂದಿಸುವ
ನನ್ನ ಮನಸಿನ ತುಡಿತವನ್ನ

ಮೈ ಮರೆತು ಸುಮ್ಮನೆ ಚುಂಬಿಸಿದ್ದರೆ
ತೋರಿಸುತಿದ್ದೆ ನಿನ್ನ ಪ್ರೀತಿಯ
ದುಗುಡದ ಒಳಗಿನ ಸರಸ ಸಲ್ಲಾಪದ
ಮಂಥನದಿಂದ ಬಂದ ಅಮೃತದ
ಸವಿಯ ಸುಧೆಯ ಆ ರುಚಿಯನ್ನು

ಕಾಂತಿಯ ಕಣ್ಣಿನಿಂದ ಒಮ್ಮೆ ನೋಡಿದರೆ
ತೋರಿಸತಿದ್ದೆ ಅದರೋಳಗಿನ ರೇಖೆಗಳ
ಪ್ರತಿಬಿಂಬದ ಸೃಷ್ಟಿಯಿಂದ ಮೂಡಿಸುವ
ಕಾಮನ ಬಿಲ್ಲಿನ ಹಿಂದಿರುವ ಬಣ್ಣಗಳು ತುಂಬಿದ
ನೀ ಇರುವ ಆ ನನ್ನ ಕನಸಿನ ಲೋಕವನ್ನು

:ಪ್ರಭಂಜನ ಮುತ್ತಿಗಿ

ಇರುವುದೆಲ್ಲವ ಬಿಟ್ಟು

ಯಾವ ಉರಲಿ ನಡೆದೆ ಕೊನೆಯಲಿ
ನಿನ್ನ ಹುಡುಕುತ ಮೆಲ್ಲಗೆ
ಹಸಿರ ಹಾಸಿನ ಬೆಟ್ಟ ದಾಟಿದೆ
ನಿನ್ನ ಸುಳಿವು ಇಲ್ಲದೆ

ಮಂಜು ಮುಸುಕಿದ ಮೋಡದಲ್ಲಿಯು
ನಿನ್ನ ಕಾಣುತ ಹರುಷದಿ
ಗಾಳಿ ಬೀಸಲು ಕರಗಿ ಹೋಯಿತು
ಕನಸು ಸೊರಗಿತು ಆ ಕ್ಷಣದಲಿ

ದಟ್ಟ ಕಾಡಲು ಬಿಂಬ ಕಾಣಲು
ನಡೆದೆ ಅಂಜಿಕೆ ಇಲ್ಲದೆ
ಭ್ರಮೆಯ ರೂಪವು ಹಾರಿ ಹೋಗಲು
ಸುತ್ತಲು ಕತ್ತಲು ಆವರಿಸಿತು

ಹೆಜ್ಜೆ ಗುರಿತಿನ ಎಳೆಯ ಹಿಡಿದು
ಹೋದೆ ನದಿ ಅಂಚಿನ ಮರಳಲಿ
ಬಿಸಿಲು ಏರಲು ಕಾಣದಾಗಿತು
ಕವಲು ವಡೆಯಿತು ದಾರಿಯು

ಎಲ್ಲಿ ಹುಡುಕಿದರೇನು ನಿನ್ನನು
ಸಿಗುವುದೆಂದೋ ತಿಳಿಯದು
ಇರುವುದೆಲ್ಲವ ಬಿಟ್ಟು ನಿನ್ನನು
ಹುಡುಕದೆ ಜೀವನ ಸಾಗದು

:ಪ್ರಭಂಜನ ಮುತ್ತಿಗಿ

ಹನಿ

ಹನಿ
***********************
೧.
ನಿನ್ನ ಚಲುವ ವರ್ಣಿಸಿ ..
ಬರಿಯಬೇಕೆಂದುಕೊಂಡೆ ಒಂದು ಕವನ..
ನಿನ್ನ ನೋಡದೆ ಹೇಗೆ ವರ್ಣಿಸಲಿ
ಅ ನಿನ್ನ ಕಮಲ ನಯನ !..
೨.
ಹುಡುಗಿ : ಕವನಗಳು ಬೇಕು ..
ಮನ ಮೆಚ್ಹಿಸಲು ..
ಹುಡುಗ : ಕವನ ಬೇಡ, ಹೃದಯದಲಿ
ಜಾಗ ಕೊಡು .. ಸಾಕು ನಿನ್ನ ಅರ್ಚಿಸಲು...

೩ ನಿಮ್ಮ ಹೆಸರನು ಚಂದ್ರನ ಮೇಲೆ
ಬರಿಯುವ ಅಸೆ
ಆದರೆ ಏನು ಮಾಡುವುದು
ಅಸೆ ಬಂದ ದಿನ ಅಮಾವಾಸೆ

೪ ನೀನಿಲ್ಲದೆ ನನಗೆ ಆಗದು ಬೆಳಕು
ನಿನ್ನ ಗೆಳತಿ ಎದುರಿಗೇ ಬಂದರೆ ಎಂಥ ಥಳಕು
ಅವಳನ್ನ ನಾನು ನೋಡಿದರೆ
ಆಗುವುದು ನಿನ್ನ ಮನಸು ಕೊಳಕು

ಲೀನ ವಾಗಿ ಹೋಗಲಿ

ತುಟಿಗೆ ತುಟಿ ಸೇರಿದಾಗ
ನವಿರಾದ ಸ್ಪರ್ಶದ ಕಚಗುಳಿ ..
ಪುಸು ಮಾತು , ಸಿಹಿ ನುಡಿ
ಹೊಸ ಸಂಚಲನ ಮಾಡಿಸುವುದು
ಮನಸಲ್ಲಿ ಅಲ್ಲೋಲ ಕಲ್ಲೋಲ..ಅದು
ಆಸೆಯ ಹೊಳೆ ಹರಿಯುವುದು
ಸ್ಪಟಿಕದ ನೀರಂತೆ ..
ಪ್ರೀತಿಯ ಸೆಲೆಯಾಗಿ
ಪ್ರೀಮದ ಸ್ಪೋರ್ತಿಯಾಗಿ
ನಾಡಿಯ ಮಿಡಿತವಾಗಿ
ಕವಲಿಲ್ಲದ ದಾರಿಯಲ್ಲಿ ...
ಲೀನ ವಾಗಿ ಹೋಗಲಿ.. ಪ್ರೀತಿ,
ಪ್ರೇಮ ಎಂಬ ಮಹಾ ಸಾಗರದಲ್ಲಿ.

ಕವನ

ಕವನಕ್ಕೆ ಬೇಕು ಪದ..
ಪದಕ್ಕೆ ಬೇಕು ಅರ್ಥ..
ಅರ್ಥ ಬರಲು ಮೂಡಬೇಕು
ಮನಸಿನಲ್ಲಿ ಅದರ ಆ ಆಕಾರ..
ಅದರಿಂದ ಹೊರ ಹೊಮ್ಮುವುದು
ಕವನಗಳ ಹೊಸ ಅವಿಸ್ಕಾರ ...

ಮತ್ತದೇ ಜೀವನ

*************************
ಇದ್ದು ಇಲ್ಲದವರು ಸಿಗುವರು ಬಹಳ...
ಇಲ್ಲದೆ ಇದ್ದವರು ಅತೀ ವಿರಳ..
ಇದ್ದು ಇಲ್ಲದವರು ಸಲ್ಲುವರು ಜಗದೊಳಗೆ
ಇಲ್ಲದೆ ಇದ್ದವರು.. ಗೆಲ್ಲವರು ಮನದೊಳಗೆ
ಸೋಲು ಗೆಳವುಗಳ ಮಧ್ಯೆ ಇದೆ ನಿರಾಕಾರ
ಇದ್ದವರ ಇಲ್ಲದವರ ಮಧ್ಯ ಅಂತರ ನಿರಂತರ
ಗೆಲ್ಲಲೇ ಬೇಕು ಎನ್ನುವರಿಗೆ ಬೇಕು ಹೊಸ ಪರಿಸರ
ಇದೆಲ್ಲದರ ನಡುವೆ ಉರುಳುತಿದೆ
ಮತ್ತದೇ ಜೀವನ ಹೊಸ ವರುಷ ಹೊಸ ಆರಂಭ!!!

ಪ್ರಕೃತಿ ದ್ವಂದ್ವ

ಕವನಗಳ ನಡುವೆ ನೆದದಿದೆ ಜಗ್ಗಾಟ
ನಾ ಸುಂದರ.. ನಾ ಹಂದರ ಈ ಪದದೊಳಗೆ..
ಹಗಲು ಇರುಳುಗಳ ನಡುವೆ ನೆದದಿದೆ ಪರದಾಟ..
ನಾ ಮುಂದು ನೀ ಮುಂದು ಈ ಓಟದೊಳಗೆ..
ಸುರಿವ ತಂಗಾಳಿ ಮಳೆ ನಡುವೆ ಹೊರಲಾಟ..
ನಾ ತಂಪು.. ನೀ ಬಿಸಿ ಈ ಪ್ರಕೃತಿ ಒಳಗೆ..
ಹೃದಯಗಳ ನಡುವೆ ನೆದದಿದೆ ಗುದ್ದಾಟ..
ನಾ ಹೆಚ್ಹು ನೀ ಹೆಚ್ಹು ಜಾಗ ಕೊಟ್ಟಿರುವೆ !..
ಮನಸುಗಳ ನಡುವೆ ನೆದದಿದೆ ಹೊಡೆದಾಟ
ನಾ ಕಡಿಮೆ ನೀ ಕಡಿಮೆ ನೋಯಿಸಿರುವೆ..
ಕಣ್ಣು ಕಣ್ಣುಗಳ ಒರೆನೋಟ ನಡುವೆ ಹೋರಾಟ
ನ ಮೊದಲು ನೀ ಮೊದಲು ಸೆರೆಹಿದಿದಿರುವೆ ನಿನ್ನ..
ಕವನದ ಒಳ ಕಣ್ಣಿನ ಹೃದಯ ಮನಸಿನೊಳಗೆ
ಹಗಲು ಇರುಳು ಸುರಿಉತಿದೆ ಮಳೆ ತಂಗಾಳಿ
ಈ ತೊಲಲಾಟದ ನಡುವೆ ಹುಡುಕುತಿದೆ..
ನಾ, ನೀ, ನೀ, ನಾ.. ಯಾರು .ಎಲ್ಲದರ ಒಳಗೆ!
ಆದರೆ .. ಎಲ್ಲಿಯೂ ಇಲ್ಲ ಸರಿ ಉತ್ತರ ಇದಕೆ...

ದೀಪಾವಳಿ

ಬಂತು ಮತ್ತೆ ದೀಪಾವಳಿ,

ಶರದ್ಋತುವಿನ ಚಳಿಯೊಂದಿಗೆ..
ತುಂತುರು ಹನಿ ಮಳೆಯಲ್ಲಿ..
ಕೆಸರಿನ ನಡು ರಸ್ತೆಯಲ್ಲಿ..

ಕೆಂಪು ಪಟಾಕಿಯ ಧಂ ಧಂ ಶಬ್ದ..

ಸುರ್ ಎಂದು ಹಾರುವ ರಾಕೆಟ್ ..

ಧೂಪನೆ ಮಳೆ ಕರದಂತೆ..

ಹೂಕುಂಡ... ಭೂಚಕ್ರ

ಸುರು ಸುರು.. ಎನ್ನುವ ದೀಪದ ಕಡ್ಡಿ..

ಯುಧ ನೆನಪಿಸುವ ಬಾಂಬ್ ಪಟಾಕಿ..

ಒಂದೇ ಎರಡೇ,

ಇವೆಲ್ಲದರ ಮಧ್ಯ

ಸಂಸ್ಕೃತಿ ನೆನಪಿಸುವ..

ಆಕಾಶ ಬುಟ್ಟಿ,..ಮಣ್ಣಿನ ಹಣತೆ..

ಬೆಚ್ಚಗಿನ ಬತ್ತಿ ತುದಿಯಲ್ಲಿ ಬೆಳಗುತಿದೆ ದೀಪ..

ಹೇಳುತಿದೆ ನೀತಿ..

ಜ್ಞಾನ ವೆಂಬ ದೀಪ ಉರಿಸಲು..

ಅಜ್ಞಾನ ಎಂಬ ಎಣ್ಣೆಯಿಂದ,

ಬತ್ತಿ ಎಂಬ ಅಹಂಕಾರವ ಸುಟ್ಟು,

ಪ್ರಕಶಿಸಲಿ ನಿಮ್ಮ ಮನೆ ಮನ....

ಎಷ್ಟೊಂದು ಅರ್ಥ ಗರ್ಭಿತ .. ಈ ದೀಪಾವಳಿ..

ನಮ್ಮ ಅಜ್ಞಾನ ಕೆಳರಿಯದಸ್ಟು.....ಈಗ...

ನಮ್ಮ ಅಹಂಕಾರ.. ನಿಳುಕದಸ್ಟು.. ಬೇಗ.. ಈಗ ಈಗ ...

ಹೇ, ದೀಪಾವಳಿ.. ವರುಷಕೊಮ್ಮೆ ಬೇಡ..

ಬರುತಾನೆ ಇರು ದಿನಕ್ಕೊಮ್ಮೆ..

ಎಲ್ಲರ ಮನದಲ್ಲಿ.. ಮನೆಗಳಲ್ಲಿ..

ಪ್ರಭಂಜನ ಮುತ್ತಿಗಿ

ಮುಖ ಕಮಲ

ಮುಂಗುರುಳು ನಾಚಿಸುವ
ನವಿರಾದ ನೈದಿಲೆಯ ಎರೆಡು ಎಳೆ ಕೇಶ
ಸುರಸುಂದರ ಸಿಂಧೋರ
ಬಿಲ್ಲು ಬೆರಗಗುವಂಥ ಹುಬ್ಬು
ಕೆನ್ದಾವರೆಯ ಒರಯಸುವ ಕಣ್ಣು
ಮುದ್ದಾಗಿ ತೀಡಿದ ಮೂಗು..
ಹಾಲ್ಗಲ್ಲದ ಮೇಲೆನ ಹವಳದ ತುಟಿ
ಮುಗುಳ್ನಗೆಯ ಮುಖಕೆ..ಸೋತು ಬಿದ್ದ ಕಿವಿಯೋಲೆ
ಪೂರ್ಣಿಮೆಯ ಹೋಲುವ ಈ ಮುಖ ಕಮಲ
ತಂಪು ಚೆಲ್ಲಿ ಸೂಸುತಿದೆ ಪ್ರಭೆಯ ಪ್ರಕಾಶ.
ಇಸ್ಟು ವರ್ಣಿಸಲು ಅಸದಳವಗುವ ಸೃಷ್ಟಿಯ
ಕಣ್ಮನ ತಣಿಸುವ ಸಮಿಪ್ಯ್ ನನ್ನದಾಗಿರಲಿ..
ಕಿಚ್ಹು ಹೆಚ್ಹಿಸುವ ಸೌಂದರ್ಯ ಕ್ಕಿಂತ ...
ಹುಚ್ಹು ಹಿಡಿಸುವ ಹೃದಯದಾಳದ ಮಾತು
ಮುಚ್ಹುಮರೆ ಇಲ್ಲದಯೇ ಸುರಿಯುತಿರಲಿ.

ನಗು

ನಗು ಶಬ್ದ ಕೇಳಿದರೆ
ಯಷ್ಟು ಉಲ್ಲಾಸ ಮನಸಲ್ಲಿ
ಇನ್ನು ನಕ್ಕರೆ..
ಮುಖದ ಸ್ನಾಯುಗಳ ಸಂಚಲನ
ಅದರ ಜೊತೆಗೆ ದಂತ ದರ್ಶನ
ಕಣ್ಣುಗಳ ಕಿರಿ ನೋಟ
ಧೀರ್ಗವಾದ ಉಸಿರಾಟ
ಕಿಲ ಕಿಲ ಶಬ್ದದ ನಿನಾದ
ಕೈ ಕಾಲುಗಳ ತಾಳ ಮೇಳ
ಜೊತೆಗಿರುವವರ ನಗಿಸುತ
ನಗುವ ಈ ನಗು ನಮಗೆ
ಎಸ್ಟು ಉಪಯೊಗ ... ಅದಕ್ಕೆ
ನೀನು ನಕ್ಕು ಬಿಡು..
ಉಳಿದವರ ನಗಿಸಿ ಬಿಡು..

ಪ್ರಕೃತಿ

ಬಿಸಿಲಿನ ಜೊತೆ ಮಳೆ ಬಂದ ಕ್ಷಣದಲಿ
ಆಕಾಶದ ಅಂಚಿನಲ್ಲಿ ಮೂಡುವ ಕಾಮನ ಬಿಲ್ಲು
ನಮ್ಮೆಲ್ಲರ ಕಣ್ಣ್ಮನ ಸೆಳೆಯುವುದು

ಹೂವಿನ ಮಕರಂದ ಹೀರಲು ಬರುವ
ಹಲವು ಬಣ್ಣಗಳಿಂದ ಕೊಡಿದ ಚಿಟ್ಟೆಗಳು
ಮಗುವಿಗೂ ಮಂದಹಾಸ ಮೂಡಿಸುವುದು

ಕಣ್ಣ ನೋಟದಲ್ಲೇ ಆಕರ್ಷಿತವಾಗುವ
ಅತಿಸುಂದರ ಬಣ್ಣಗಳ ಬಟ್ಟೆ ಧರಿಸಿದ ನಾರಿ
ಗೆಲ್ಲವಳು ಎಲ್ಲರ ಹೃದಯ ಬಾರಿ ಬಾರಿ

ಕಾನನದ ಮಧ್ಯದಲ್ಲಿ ಇರಿಲು ನಸು ಬೆಳಕಿನಲ್ಲಿ
ಹರಡಿರುವ ಹೂ, ಮರಗಳ ನೋಟ
ವಿಸ್ಮಯ ದ ಜೊತೆ ರೋಮಾಂಚನ ಮೂಡಿಸುವುದು

ಹೋಳಿ

ಚಲುವನ್ನೇ ಅಳಿದು
ಹೃದಯಗಳ ಗೆಲ್ಲು,
ಎಲ್ಲರ ಜೊತೆ ಜೊತೆಗೂಡಿ ,

ವಿವಿಧ ಬಣ್ಣಗಳ ಬಳಿದು.

ಆಡಲಿ ಬಣ್ಣಗಳ
ಜೊತೆ ಪ್ರೀತಿಯ ಚಲ್ಲಟ,
ಒಳ ಕಣ್ಣ ತೆರೆದು ಆಸ್ವಾದಿಸು

ಆ ಕಾಮನ ಬಿಲ್ಲಿನ ನೋಟ

ಪೂರ್ಣ ಚಂದಿರನ ಪ್ರಭೆಯಲ್ಲಿ

ತಿಳಿ ಹಾಲಿನಂತಹ ಹೊಳೆವ ಬಣ್ಣ

ಕಾಮ(ನ) ನಿಗ್ರಹ ಸಂಕೇತದ
ಹೋಳಿ ಓಕುಳಿ ತೊಳೆದ ಬಣ್ಣ

ತರಲಿ ಬಣ್ಣಗಳು ನಮ್ಮಲ್ಲಿ
ಚಿತ್ತಾರದ ಚಲುವಿನ ಹೂಮಳೆ
ಹೀಗೆ ನಿರಂತರ ಹರಿಯುತಿರಲಿ
ಎಲ್ಲಿ ಎಲ್ಲಿಯೂ ಬಣ್ಣ ಬಣ್ಣದಾ ಹೊಳೆ

ವಸಂತ

ಉದುರಿದ ಎಲೆಗಳ ರೆಂಬೆ
ಚಿಗುರೊಡೆದ ಕೊಂಬೆ
ಚೆಂದದ ಹೊಮುಡಿದ ರಂಭೆ
ತಿಳಿ ಹಸಿರ ಹೊಮ್ಬಣ್ಣ ಕಂಡೆ
ದುಂಬಿಯ ಝೇಂಕಾರ ನಾದ
ತಿಳಿ ಬಿಸಿಲಿನ ಸ್ವಾದ
ಕಂಗೊಳಿಸುವ ಚಗುರೆಲೆಯ ಕಂಪು
ಮನಸಿಗೆ ಕೊಡುವುದು ಇಂಪು
ಮಾವಿನ ಮರದ ಚಿಗುರ ತಿಂದು
ಸ್ವರ ಹಿಡಿದು ಹಾಡುವ ಹಾಡು..
ಬೀವಿನ ಸಿಹಿ ಕಹಿ ಯ ಜೊತೆಗೆ
ತೇಲಿಸಲಿ ಹುರುದಯ ಬಡಿತ..
ಆಸೆಗಳ ಚಿಗುರೋಡೆದು ಮನಸು
ಹೊರಹಕಲಿ ಹೊಚ್ಹ ಹೊಸ ಕನಸು
ಪ್ರೀತಿಯ ಹಸಿರನ್ನು ಹೊದಿಸಿ..
ಪ್ರೇಮದ ಕಂಪು ತೊಡಿಸಿ..
ಹೆಹೆಹೆ ಇದು ವಸಂತ
ಎಲ್ಲಿ ಎಲ್ಲಿಯೂ ಹೊಸ ದಿಗಂತ
ತಂದಿತು ಎಲ್ಲರಿಗೂ ಹರುಷ
ಸುರುವಾಯಿತು ಹೊಸ ವರುಷ
:ಪ್ರಭಂಜನ ಮುತ್ತಿಗಿ

ಉತ್ತರ

ಮನಸು ನುಡಿ ನುಡಿದಾಗ
ಹೃದಯ ಕೇಳುವುದೇಕೆ?
ಹೃದಯ ತೆರೆ ತೆರೆದಾಗ
ಮನಸು ಹಾರುವುದೇಕೆ?
ಪ್ರೀತಿ ಗರಿ ಕೆದರಿದಾಗ
ಪ್ರೇಮ ಉಕ್ಕುವುದೇಕೆ?
ಮುತ್ತು ಮಳೆ ಸುರಿದಾಗ
ಮಾತು ಮಾಯವಾಗುವುದೇಕೆ?
ಚಂದಿರನ ಆಕರ್ಷಣೆಯಿಂದ
ಸಾಗರ ಭೋರ್ಗರೆಯುವುದೇಕೆ ?
ಇದಕ್ಕೆಲ್ಲ ಉತ್ತರ ಇದ್ದರೂ 
ಅಗೋಚರವಾಗಿ ಇರುವುದು ಏಕೆ!

ಹೃದಯ ತುಂಬಾ

ಅತಿಯಾಗಿ ಮಾತು ಅದಲಾರೆ
ಅನುಭವದ ಕೊರತೆ ಇಂದ
ಹಾಗೆ ಸುಮ್ಮನೆ ಇರಲಾರೆ
ಬರಿಯಬೇಕು ನಿನ್ನ ಹೃದಯ ತುಂಬಾ


ಹುಟ್ಟು ಚಲುವೆ ನೀನು ಇಷ್ಟ ಪಡುವುದೇನು
ಪಟ್ಟು ಬಿಡದೆ ನಾನು ನೆರವೆರಿಸುವೇನು
ಇಟ್ಟ ಮನಸನು ಹೀಗೆ ಬಿಚ್ಚಿ ತೋರಿಸದೇ ಏಕೆ
ಕೊಟ್ಟು ಭಾವನೆಗಳ ನನ್ನ ಕೊಲ್ಲುವೆಯೇನು

ಕಿಚ್ಚು ತರಿಸುವ ಅಸೆ ಹೆಚ್ಚು ಹೇಳಲಾರೆ
ಅಚ್ಚು ಮೆಚ್ಚು ನೀನು ಈ ಧರೆಯೊಳಗೆ
ಹುಚ್ಚು ಹಿಡಿಸೋ ನಿನ್ನ ಮೋಹಕ ಮಾತಿಗೆ
ಮೆಚ್ಚಿ ಮನಸಾರೆ ಹಾರಾಡುವೆ ನಾನು

ಬಂದು ಹುಡುಗರು ನಿನ್ನ ಹೊಗಳುತ ಇರಲು
ಮಂದ ಹಾಸ ಬೀರುತ ವಿರಸದಿ ನೋಡು
ಮಂದಗಮನೆ ನಿನ್ನ ಮೃದು ಹೆಜ್ಜೆ ಇಡುತ
ಚಂದದಿ ಬಂದು ನನ್ನ ಹೃದಯವ ಸೇರು

:ಪ್ರಭಂಜನ ಮುತ್ತಿಗಿ

ಕಣ್ಣ ನೋಟ ಸಾಲದೇ

ಆ ಕಣ್ಣ ನೋಟ ಸಾಲದೇ
ನಿನ್ನ ಪ್ರೀತಿಸಲು
ಆ ನಗುವ ಮೊಗವ ಸಾಲದೇ
ನಾ ನಿನ್ನ ಮೋಹಿಸಲು

ಕರಿ ಕೋಗಿಲೆ ಚಿಗುರು ತಿನ್ನುತ
ಶ್ರುತಿ ಸೇರಿಸಿ ಕುಹೂ ಕುಹೂ ಎಂದಿತು
ನಿನ್ನ ಧ್ವನಿಯ ಸ್ವರವ ಹೊಗಳುತ
ನಸು ನಾಚಿ ತನ್ನ ಗಾನ ನಿಲ್ಲಿಸಿತು

ಹೂ ಕಾಂತಿಗೆ ಬೆರಗಾಗುತ
ಆ ದುಂಬಿ ಮಕರಂದ ಹುಡುಕಿ ಬಂತು
ನಿನ್ನ ರೂಪಕೆ ಮನ ಸೋಲುತ
ಜೇನನ್ನೇ ಸುರಿಸಿ ಹಾರಿ ಹೋಯಿತು

ಮುತ್ಸಂಜೆಯ ದತ್ತ ಮೋಡಗಳು
ಕಾನನಕೆ ಹೊಸ ಬೆಳಕು ತಂತು
ನಿನ್ನ ಸೋಕಿದ ತಂಗಾಳಿಯು
ಮೋಹದ ಮಳೆ ಸುರಿಸಿ ಹೋಯಿತು

ನಿನ್ನ ಪ್ರೀತಿಯ ಸವಿ ಮಾತಿಗೆ
ಏನೋ ಅರಿಯದ ಉತ್ಸಾಹ ಮೂಡಿತು
ಕನಸೋ ನನಸೋ ಗೊತ್ತಾಗದ ಹಾಗೆ
ಮನಸು ಹೃದಯಕೆ ಹೊಸ ಜೀವ ತಂತು

:ಪ್ರಭಂಜನ ಮುತ್ತಿಗಿ

ನಾನು IT ನೀನೂ IT ಇದುವೇ ನಮ್ಮ ಬದುಕೂ

ಏನಾಗಿದೆ ನಮಗೆ ?
ಸರಿಯಾಗಿ ಉಟಾ ಇಲ್ಲ, ಸರಿಯಾದ ನಿದ್ದೆ ಇಲ್ಲ
ಕೆಲಸವೇ ಪ್ರಪಂಚ ಎಲ್ಲ...ಇದು ಜೀವನನ?
ಅಥವಾ ಬೇರೆ ಜೀವನ ಇದೇಯಾ?

ದಿನ ಬೆಳಿಗ್ಗೆ ಎದ್ದು.. ಬೆಡ್ ಕಾಫೀ ..
ಸೀದಾ ಬಾತ್ ರೂಮ್..ಸಿಕ್ಕ ಬಟ್ಟೆ.. ಲ್ಯಾಪ್ಟಾಪ್ ಬ್ಯಾಗು ..
ಪಿಕ್ ಅಪ್ ಪಾಯಿಂಟ್..ಆಫೀಸ್.. ಕ್ಯಾಂಟೀನ್
ಇಡ್ಲಿ - ಕಾಫೀ - ವಡ - ದೋಸೆ -
ಪೊಂಗಲೇ - ಖಾರಭಾಥ್.

ಮತ್ತದೆ ಯಾಹೂ, ಗೂಗಲ್.. ರೇಡಿಫ್ಫ್..
ಟೈಮ್ಸ್ ಆಫ್ ಇಂಡಿಯಾ....
ಎಲ್ಲದರ ಮಧ್ಯ ಮಧ್ಯ ಮೊಬೈಲ್ ಫೋನ್..ರಿಂಗಾಯನ
ಕೋಡಿಂಗ್.. ಟೆಸ್ಟಿಂಗ್.. ಕ್ವಾಲಿಟಿ ..
ಅವಾಗ ಅವಾಗ ಕಾಫೀ ಬ್ರೇಕ್..
ಸಹ ಕೆಲಸಗಾರರ ಜೊತೆ ಸ್ವಲ್ಪ ಹರಟೆ..
ಕೆಲಸಕಿಂತ ಜಾಸ್ತಿ ಮೀಟಿಂಗ್..

ಸಾಯಂಕಾಲ ಅದ್ರೆ ಸಾಕು ಕಾಂಫ್ಫೆರನ್ಚೆ ಕಾಲ್ ...
ಹೇಯ್ WHATS THE STATUS..!
ಅದು ಮುಗಿದ ಮೇಲೆ ಗಳೆಯ,, ಗೆಳತಿ..
ಗಂಡ ಹೆಂಡತಿ.. ಕಿವಿ ಕಚಾಟ....
ಎಲ್ಲಿ ಇದಿಯ.. ಯಾವಾಗ ಸಿಗೋಣ..
ಯಾವ hotel ಇತ್ಯಾದಿ...

ಮನೆಗೆ ಬಾ TV ನೋಡದು.. ಸ್ವಲ್ಪ ಉಟ..
ಮತ್ತೆ INTERNET.. MAIL
CHECK . S.M.S..
ವೀಕೆಂಡ್ ಸಿನಿಮ.. ಪಾರ್ಕ್.. ಅಥವಾ ಟ್ರಿಪ್...
ಇಸ್ಟೇನಾ ಜೀವನ!..

.ಕ್ರಿಯಾಶೀಲತೆ ಏನು ಇಲ್ಲಿ... !!!
ಎದ್ದೇಳಿ .. ಜೀವನ ಬರೇ ಇದಲ್ಲ.. !
ಬೇರೆ ಏನು ಅಂಥ ಹೇಳೋಕು ನಮಗೆ ಗೊತ್ತಿಲ್ಲ..
ನಾನು IT ನೀನೂ IT ಇದುವೇ ನಮ್ಮ ಬದುಕೂ ......

: ಪ್ರಭಂಜನ ಮುತ್ತಿಗಿ

.ಪ್ರೀತಿಯ ಅಲೆಯಲ್ಲಿ

ಸ್ವಾತಿ ಮಳೆಹನಿಯ ಹೊಳಪಿನಂತೆ..
ತುಟಿಯಂಚಿನಲಿ ಜಾರುವ ಆ ಮಿಂಚು

ಕಾನನದ ಮಧ್ಯ ಹೊಳೆವ ಇಬ್ಬನಿಯಂತೆ
ನಾಚಿ ಮುದುಡುವ ಆ ಮುಗುಳ್ನಗೆ

ಹಸಿರ ಹಾಸಿನ ಮೇಲೆ ತಿಳಿ ಬೆಳಕು ಬಿದ್ದಂತೆ
ಬೀಳುವ ಆ ನಿನ್ನ ಒರೆ ನೋಟ!

ಹಸಿರ ಎಲೆ, ತುದಿಯಲ್ಲಿ ಹನಿ ಹಿಡಿದಂತೆ
ನೀ ನನ್ನ ಸೆರೆ ಹಿಡಿದರೆ ಹೃದಯದಲ್ಲಿ.. .!

ಜೇಡರ ಬಲೆಯಲ್ಲಿ ಸೆರೆ ಸಿಕ್ಕ ಹುಳುವಿನಂತೆ
ಪ್ರೀತಿಯ ಅಲೆಯಲ್ಲಿ ತೇಲಾದುವೆ, ಓ ಪ್ರಿಯೆ !

ನಿನ್ನ ಪ್ರೇಮದ ವರ್ಷ ಧಾರೆಯಲ್ಲಿ
ಆತ್ಮೀಯತೆ ಎಂಬ ಹೊಳೆಯಲ್ಲಿ

ಹೃದಯ ಒಡೆಯವ ವರೆಗೆ ..
ಪ್ರೀತಿಯ ರಕ್ತ ಹರಿಯುವ ವರೆಗೆ
ಕೊನೆ ಉಸಿರು ಇರುವ ವರೆಗೆ!

:ಪ್ರಭಂಜನ ಮುತ್ತಗಿ

ಎಲ್ಲಿರುವೆ ಗೆಳತಿ

ಮುಂಗಾರು ಮಳೆ ಮುಂಚೆ
ತಂಗಾಳಿ ಬೀಸಿದ ಹಾಗೆ
ತಂಪು ಕೊಡುವ ಆ ನಿನ್ನ ಮುಗುಳ್ನಗೆ!
ಇಂಪು ಸುರಿಸುವ ಸಂಗೀತದಂತೆ

ಬಂಗಾರದ ಅಂಗಡಿಯಲ್ಲಿ
ಗೊಂಬೆ ಅಲಂಕರಿಸಿದ ಹಾಗೆ
ಇಂಬು ಕೊಡುವ ಅ ನಿನ್ನ ಚಲುವು
ಸೌಂದರ್ಯಕ್ಕೆ ಕಲಶ ಇಟ್ಟಂತೆ

ಮಂಪರು ಬಂದ ಮನಸಿಗೆ
ತುಂತುರು ಹನಿ ಸುರಿಸಿ
ಕಂಪು ತುಂಬುವ ಆ ನಿನ್ನ ಪ್ರೀತಿ
ಕಂಗಳಿಗೆ ಕಾಂತಿ ಹರೆಸಿದಂತೆ

ಮಿಂಚುವ ಮೋಡಗಳ ಹಿಂದೆ
ಜಿಂಕೆಯಂತೆ ನೀ ಹಾರಿ ಮರೆಯದಾಗ
ನಿಂತ ನೀರಲ್ಲಿ ಕಲ್ಲು ಎಸೆದಂತೆ!
ಮಂಗಳನ ಅಂಗಳದಲಿ
ತಿಂಗಳು ಕಳೆದಂತೆ!

:ಪ್ರಭಂಜನ ಮುತ್ತಗಿ

ಏನ್ ಕಮ್ಮಿ

ಏನು ಕಮ್ಮಿ ಪ್ರಿಯೆ ನಿನ್ನಲ್ಲಿ ..
ಅಂದವಾದ ನಗು .. ಚಂದವಾದ ಮೊಗ
ನವಿರಾದ ನೈದಿಲೆಗೆ ಹೊಂದಿಕೊಂಡ ಕೇದಿಗೆ
ಕೆನ್ದಾವರೆಯಂಥ ಕಣ್ಣು.. ಕೇಸರಿಯ ಕಾಂತಿಯ ಮೈಬಣ್ಣ
ವಜ್ರದ ಮುಗುತಿಯೇ ಬೆರಗಾಗುವ ಸಂಪಿಗೆಯಂಥ ಮೂಗು
ಹಾಲ್ಗಲ್ಲದ ನಡುವೆ ಮಿನುಗುವ ಹವಳದ ತುಟಿ ..
ಪ್ರ್ರೀತಿ ತುಂಬಿದ ಹೃದಯ .. ಹಸನಾದ ಪಿಸುಮತು. .
ಹಿತವಾದ ನೋಟ, ಜಿಂಕೆಯಂತೆ ಓಟ ..
ಸ್ವಲ್ಪ ಕೋಪ .. ಆಮೇಲೆ ಸರಸ ಸಲ್ಲಾಪ ..
ವಾಹ್, ಇಷ್ಟು ಸುಂದರವಾದ ಗೆಳತಿ ಇರುವಾಗ ..
ನಾನು ಏನ್ ಕಮ್ಮಿ ! ???

:ಪ್ರಭಂಜನ ಮುತ್ತಗಿ

ಮನದ ಒಡತಿ

ಮುಂಜಾವಿನ ನಸು ಬಿಸಿಲಿನ ಮಂಜಿನಲ್ಲು
ಮುಸ್ಸಂಜೆಯ ನವಿರಾದ ಕಂಪಿನ ತಂಪಿನಲ್ಲೂ
ಬೆಳದಿಂಗಳ ಸುಂದರ ಮಧುರ ಕಿರಣದಲ್ಲೂ
ಮನ ಮೋಹಕ ಸಿಹಿ ತಂಗಾಲಿಯಲ್ಲೂ
ಚುಮು ಚುಮು ಕೊರೆಯುವ ಚಳಿಯಲ್ಲೂ
ಜ್ಹುಳು ಜ್ಹುಳು ಹರಿಯುವ ನೀರಿನಲ್ಲೂ
ಹಸಿರ ಕಾನನದ ದಟ್ಟ ಬೆಟ್ಟ ಗುದ್ದಗಳಲ್ಲೂ
ಭೋರ್ಗರೆವ ಕಡಲ ಅಳ ಕಿನರೆಯಲ್ಲೂ
ಶುಭ್ರವಾದ ತಿಳಿ ನೀಲಿ ಆಗಸದಲ್ಲೂ
ಸುಖ ನಿದ್ರೆಯ ಸವಿಯಾದ ಕನಸಿನಲ್ಲೂ
ನಿನ್ನನ್ನೇ ಕಾಣುವೆ ನಾನು ಎಲ್ಲೆಲ್ಲೂ,
ಗೆಳತಿ ನೀನೆ ನನ್ನ ಮನದ ಒಡತಿ
ಯಾವಾಗ ನನ್ನ ಹಿಂದೆ ನೀ ಬರುತಿ?

:ಪ್ರಭಂಜನ ಮುತ್ತಗಿ

ನಿಷ್ಕಳಂಕ ಪ್ರೀತಿ

ಕನಸಿನ ಗೆಳತಿ ...
ಯಾಕೆ ಬರೇ ಕನಸಲ್ಲಿ ಕಾಡಿಸ್ತಿ ..
ಮೊಬೈಲ್ಲಿ, ಚಾಟ್ಲಿ, ಎಸ್ಟೊಂದು ಮಾತನಾಡುತಿ ..
ಎದುರಿಗೆ ಬಾರದೆ ನನ್ನ ಗಡ ಗಡ ನಡುಗಿಸುತಿ
ಹೇಗೆ ದೂರ ಇದ್ದು ಯಾಕೆ ಪ್ರಾಣ ತಿನ್ನುತಿ?
ಹೃದಯವೆಂಬ ಅರಮನೆಗೆ ನೀ ಒಡತಿ !...
ನಿನ್ನ ಹೃದಯದಲ್ಲಿ ಎಂದು ಜಾಗ ಕೊಡುತಿ ..
ಅಸ್ಟೊಂದು ಬಳುಕುತ ನೆಡಿತಿ,
ಓರೆನೋಟದೊಂದಿಗೆ ಮುಗುಳ್ನಗುತಿ
ಪಿಸುಮತಿನಿಂದ ಆಕರ್ಷಿಸುತಿ,
ಕಣ್ಣಲ್ಲೇ ಪ್ರಪಂಚ ತೋರಿಸ್ತಿ,
ಕನಸಲ್ಲಿ, ಸ್ವಲ್ಪ ಜಾಸ್ತಿನೇ ಆಟ ಅಡಿಸ್ತಿ,
ಆಟದೊಳಗು ಎಸ್ಟೊಂದು ಮಜಾ ಕೊಡುತಿ ..
ಸುಮ್ನೆ ಕೊಡಬಾರದೇ ನಿರಂತರ ನಿಷ್ಕಳಂಕ ಪ್ರೀತಿ !???

ಕವನದ ಕನ್ನೆ

ಅಕ್ಷರಗಳು ಮರೆತು ಹೋದವು
ನೀ ಸುಳಿಯದೇ ನನ್ನ ಕಣ್ಣಲ್ಲಿ,
ಪದಪುಂಜಗಳು ಹೊಳೆಯದೆ ಹೋದವು
ನೀನಿರದೆ ನನ್ನ ಕನಸಲ್ಲಿ.
ಲೀಖನಿ ಬರೆಯದೇ ಹಾಳೆಯಲಿ ಹೊರಲಾಡಿತು
ನೀಬಾರದೆ ನನ್ನ ಮನಸಲ್ಲಿ
ಬರೆದ ಸಾಲುಗಳು ಅರ್ಥವಿಲ್ಲದೆ ಹೋದವು
ನೀನಿಲ್ಲದೆ ನನ್ನ ಹೃದಯದಲ್ಲಿ
ನಿನ್ನ ಹೊಗಳಿಕೆ ಇಲ್ಲದೆ ಸೊರಗಿ
ಕಾವ್ಯ ರಸವೇ ಹೋಯಿತು ಕವನದಲ್ಲಿ
ಬೆಳಕಾಗು ನೀ ಮನಕೆ, ಕವನದ ಕನ್ನೆ
ಬರಡಾಗದಿರಲಿ ಕವನಗಳು ಈ ಜನುಮದಲ್ಲಿ

:ಪ್ರಭಂಜನ ಮುತ್ತಗಿ

ಸ್ಫೂರ್ತಿಯ ಚಿಲುಮೆ

ಹೇಗೆ ಒಪ್ಪಿಸಲಿ ಪ್ರಿಯೆ
ನನ್ನ ಕವನದ ಸ್ಫೂರ್ತಿ ನೀನೆಂದು
ಗುಡ್ಡ, ಗಿಡ, ಬಳ್ಳಿ, ಹಸಿರು, ಎಲೆ, ನೀರು,
ಗಾಳಿ, ಸರೋವರ, ಪ್ರಕೃತಿಯಲ್ಲಿ ನೀನು
ತಲೆ, ಕೈ, ಕಾಲು, ನೋಟ, ಆಟ, ಮಾತು,
ಉಸಿರು, ನಡೆತೆ ಆಕರ್ಷಣೆಯಲ್ಲಿ ಇರುವೆ ನೀನು
ಅಸೆ, ಯೋಚನೆ, ಕನಸು, ಮನಸು, ಹೃದಯ,
ಪ್ರೀತಿಯಲ್ಲಿ ಇರುವ ಜೀನಿನ ಹನಿಯ ಮಧುರ ನೀನು
ಹೇಳಲಾಗದೆ ಬರೆದ ಅಕ್ಷರ, ಪದ, ಸಾಲುಗಳೇ ಕವನಗಳು
ಸಾರುತಿವೆ ಈ ಸೃಷ್ಟಿಯ ಸ್ಫೂರ್ತಿಯ ಚಿಲುಮೆ ನೀನು

ಸ್ಪ೦ದಿಸಿದೆ ನಿನಗಾಗಿ

ಮನದ ತುಡಿತಕೆ ಇ೦ದು ನನಗರಿಯದೆ..
ಒಲವೆ೦ಬ ಪ್ರೀತಿ ಸುಧೆಯ ಸುರಿಸಿ...

ಹೃದಯ ಸ್ಪ೦ದಿಸಿದೆ ಪ್ರಿಯೆ ನಿನಗಾಗಿ ....
ನಿನ್ನ ಮುಗುಳ್ನಗೆಯ ಮಾಯೆ ತು೦ಬಿಕೊ೦ದು

ಬೆಳದಿಂಗಳ ನೆನಪಿನ ಅ೦ಗಳದಿ ...
ಮನ ಸ್ಪ೦ದಿಸಿದೆ ನಲ್ಲೆ ನಿನಗಾಗಿ ....

ಸ೦ಜೆ ಮಲ್ಲಿಗೆಯ ಸುವಾಸನೆಯ ಕ೦ಪಿನಲಿ...
ಸುಖ ನಿದ್ರೆಯ ರಾತ್ರಿಯ ಸುಮಧುರ ಕನಸಿನಲಿ,

ತನು ಸ್ಪ೦ದಿಸಿದೆ ಮನದನ್ನೆ ನಿನಗಾಗಿ ....
ತನು, ಮನ, ಹೃದಯಕ್ಕೆ ಸ್ಪಂದಿಸಿದೆ

ಅ೦ತರಾಳದ ಮಾತನು ಹೊರಸುಸುತ,
ಕವಿತೆಗಳ ಬರೆದೆ ಗೆಳತಿ ನಿನಗಾಗಿ

ಜೊತೆಗೂಡಿ ನಲಿಯುವ ಬಾ

ತುಂತುರು ಮಳೆ ಮಿತವಾಗಿ ಸುರಿದ
ಹಚ್ಚ ಹಸಿರು ಪಸರಿಸಿದ ಕಾನನದಲ್ಲಿ
ಚಿಗುರು ತಳಿರು ಹೂ ಕಂಗೊಲಿಸುತಲಿವೆ
ಮನಬಿಚ್ಚಿ ಜೊತೆಗೂಡಿ ನಲಿಯುವ ಬಾ

ಮಲ್ಲಿಗೆಯ ಸುವಾಸನೆ ಹರಡುತ
ಹಾರುವ ಚಕ್ಕ ಪುಟ್ಟ ದುಂಬಿಗಳ
ಸುಸ್ವರಕೆ , ಮನಸೋತು ಆಲಿಸುತ
ಬಳಕುತ ಜೊತೆಗೊಡಿ ನರ್ತಿಸುವ ಬಾ

ಗೊಲ್ಲನ ಕೊಳಲ ದ್ವ್ಹನಿ ಇಂಪಾಗಿ
ಮೆಲ್ಲನೆ ತಂಗಾಳಿಯಲಿ ತೇಲಿ ಬರಲು
ನಿಲ್ಲದೆ ಗೋವುಗಳು ಓಡಿಬರುವಂತೆ
ಓಡುತ ಜೊತೆಗೂಡಿ ಹಾಡುವ ಬಾ

ಸಂಜೆ ಸೂರ್ಯ ಆಗಸದಲಿ ಮೆಲ್ಲನೆ ಜಾರಲು
ಚಿಲಿ ಪಿಳಿ ಕಲವರದೊಂದಿಗೆ ಹಕ್ಕಿಗಳು
ಮನೆಯರಸಿ ಹಾರಿ ಬರುವಂತೆ
ಮನವರಿಸಿ ಜೊತೆಗೂಡಿ ಹಾರುವ ಬಾ

ಸಂಧ್ಯಾಕಾಲದಿ ಮಿಂದ ಹೃದಯಗಳು
ಅಂದದಿ ಹಿತವಾಗಿ ಕೈ ಹಿಡಿದು
ಪ್ರಪಂಚವನ್ನೇ ಮೈಮರೆತು ನಿಂತಂತೆ
ಆಸೆಯಲಿ ಜೊತೆಗೂಡಿ ಸೇರುವ ಬಾ

ಚಲಿಕಾಲ

ಹೊರಗೆ ತುಂಬಾ ಚಳಿ..ಗಾಳಿ ಮಳೆ..
ಹೆ ನನ್ನ ಗೆಳತಿ..
ಬೆಚ್ಚನೆಯ ಬಟ್ಟೆ ಹೊದ್ದು ..
ಹಚ್ಹಗೆ ನಿದ್ದೆ ಮಾಡು
ನಚ್ಚಿನ ಗೆಳೆಯ ಬರಲಿ ಕನಸಲ್ಲಿ
ನಿನ್ನ ಮೆಚ್ಚಿ ಮುದ್ದಾಡಲಿ ಮನದಲ್ಲಿ
ಸಿಹಿ ಅಪ್ಪುಗೆ ಯಿಂದ ಬಿಸಿಯೇರಿಸಲಿ..
ಸವಿ ಮುತ್ತುಗಳಿಂದ ಉಸಿರೀರಿಸಲಿ..
ನಿನ್ನ ಸ್ಪರ್ಶದಿಂದ ಮತ್ತೆರಿಸಲಿ..
ಮತ್ತೆ ಮತ್ತೆ ಇದನ್ನು ನೆನಪಿಸುವ
ಈ ತರದ ಚಲಿಕಾಲ ಬರುತನೇ ಇರಲಿ..

ಕಣ್ಣು ಮುಚ್ಚಾಲೆ

ಪ್ರೀತಿಗೆ ಸಿಲುಕಿಸಿ
ಎಲ್ಲೆಲ್ಲೋ ಹುದುಕಿಸಿದೆ

ಹೃದಯ ಅನುಸರಿಸಿ
ಹಿಂದೆ ಮುಂದೆ ಓಡಿಸಿದೆ

ಮೋಹ ಆವರಿಸಿ
ಅತಿಯಾಗಿ ಪ್ರಿತಿಸಿದೆ

ಪ್ರೆಮಂಕುರಿಸಿ ಬೆನ್ನ
ಬಿಡದೆ ಯಾವಾಗಲು ಸುತ್ತದಿದೆ

ಮನಸು ಸದಾ ನಿನ್ನನ್ನೇ
ಯೋಚಿಸುವಂತೆ ಮಾಡಿದೆ

ಕಣ್ಣಲ್ಲಿ ಕಣ್ಣು ಸೇರಿಸಿ
ಅತಿವಿನಯ ತೋರಿಸಿದೆ

ಅಂದದ ಮೊಗವ ಮುದ್ದಿಸಿ
ಅನುರಾಗ ಕರುಣೆ ಉಕ್ಕಿಸಿದೆ

ಆದರು ದಾರಿ ತಪ್ಪಿಸಿ
ಊರೆಲ್ಲ ಯಾಕೆ ಓಡಾಡುವೆ?

* ಚಾಟಿಂಗ್ ಎಫೆಕ್ಟ್*

ಚಾಟಿಂಗ್ ನಲ್ಲಿ ಒಂದು

ಹುಡ್ಗಿನ ಭೇಟಿ ಮಾಡಿದ್ದೆ
ಮೀಟಿಂಗ್ ಮಾಡೋಣ ಅಂತ
ಒಂದು ಪಾರ್ಕ್ಗೆ ಕರದಿದ್ದೆ


ಕಡು ನೀಲಿ ಬಣ್ಣದ ಪ್ಯಾಂಟು
ಧರಸಿ ವೈಟ್ ಶರ್ಟ್ ಹಾಕಿದ್ದೆ
ನಸುಗಂಪು ಕುಸುರಿ ಚೂಡಿ
ಧಿರಿಸಿ ಬರೋಕೆ ಹೇಳಿದ್ದೆ


ಕೆಲಸ ಕಾರ್ಯ ಮುಗ್ಸಿ
ರೋಜು ತೊಗಂಡು ಬಂದಿದ್ದೆ
ಕನಸ ಕಾಣೋ ಮನಸ
ಪೋಜು ಕೊಡ್ತಾ ಕಾಯ್ತಿದ್ದೆ


ಹೆಸರು ವಯಸ್ಸು ಹೈಟು
ವ್ಯೈಟ್ ಎಲ್ಲ ಕೇಳಿದ್ದೆ
ಹಸಿರ ಗಿಡದ ಮಧ್ಯ
ಗೇಟ್ ಹತ್ರ ನಿಂತಿದ್ದೆ


ಕಡ್ಲೆ ಕಾಯಿ ಮುಸುಕಿನ
ಜೋಳ ಎಲ್ಲ ತಿಂದಿದ್ದೆ
ಸೌತೆ ಕಾಯಿ ಪಾಪ್ಕಾರ್ನ್
ಆಗ್ಲೇ ಖಾಲಿ ಮಾಡಿದ್ದೆ


ಕಾದು ಕಾದು ವಾಚ್
ನೋಡಿ ಸುಸ್ತಾಗಿ ಹೋಗಿದ್ದೆ
ಕೆರೆಯ ಪಕ್ಕದ ಬೆಂಚ್ಮೇಲೆ
ಬಂದು ಮಸ್ತಾಗಿ ಮಲಗಿಬಿಟ್ಟೆ



ಯಾವಾಗ ಬಂದಳೋ ಹುಡುಗಿ
ನಂಗೆ ಗೊತ್ತೇ ಆಗಲಿಲ್ಲ
ಎದ್ದು ನೋಡೋ ಹೊತ್ತಿಗೆ
ಪರ್ಸು, ಚೈನು, ವಾಚ್ ಕಾಣಲಿಲ್ಲ!


ಪರ್ಸೂ, ವಾಚ್, ಚೈನು ಹೋಯ್ತು
ಹೋಗ್ಲಿ ಸುಮ್ನೇ ಇರಬಾರದೆ
ಮತ್ತೆ ಸಂಜೆ ಹೊಸ ಹುಡ್ಗಿ
ಜೊತೆ ಚಾಟಿಂಗ್ ಸುರುಮಾಡಿದೆ


:ಪ್ರಭಂಜನ ಮುತ್ತಿಗಿ

* ಪ್ರೀತಿಸು ಪ್ರಿಯೆ *

ಪ್ರೀತಿಸು ಪ್ರಿಯೆ ಮನವು ಸೋಲುವ ಮುನ್ನ 

ಪ್ರೆಮಿಸು ನನ್ನ ಕನಸು ಮಾಸುವ ಮುನ್ನ ||ಪ || 

ತಂಪು ತಂಗಾಳಿ ಮುದದಿ ಸೋಕಿದಂತೆ 

ನೀ ಜೊತೆ ಇದ್ದರೆ ಹಗಲು ಇರಿಳು 

ಸಂಪಾಗಿ ಸುರಿದ ಮಳೆಯಲ್ಲಿ ಮಿಂದಂತೆ 

ನಿನ್ನ ಸನಿಹ ಸದಾ ಮುದ ಕೊಡುವುದು 

ಸಾಗರದ ಅಲೆಯು ಏರಿ ಇಳಿದಂತೆ 

ನಿನ್ನ ವೈಯಾರದ ಆ ನಡುಗೆಯು 

ಇಬ್ಬನಿಯು ಮೈತಾಕಿ ಕಚಗುಳಿ ಇಟ್ಟಂತೆ 

ನಿನ್ನ ಮೋಹದ ಆ ಆಲಿಂಗನವು 

ಹೃದಯದ ಮಾತು ಮೆಲ್ಲನೆ ನುಡಿದಂತೆ 

ನೀ ನುಡಿವ ನುಡಿಯ ಅನುರಾಗವು 

ಮನಸಿನ ಪಲ್ಲವಿಯ ರಾಗಕ್ಕೆ ತಕ್ಕಂತೆ 

ನೀ ನಗುವ ನಗು ಅತಿ ಮದುರವು 

ನೀಲಿ ಆಗಸದ ತಿಳಿ ಬೆಳದಿಂಗಳಂತೆ 

ನಿನ್ನೊಳಗೇ ಇದೆ ನನ್ನ ಕನಸು 

ನದಿಗಳು ಕಡಲ ಒಡಲು ಹೊಕ್ಕಂತೆ 

ನೀ ನನ್ನ ಸೇರಿದರೆ ಎಂಥ ಸೊಗಸು 

:ಪ್ರಭಂಜನ ಮುತ್ತಿಗಿ -- 

* ನಿನ್ನ ನೆನಪು *

ಒಲವಲಿ ನಿನ್ನ ಬಯಸಿ ಹಾಡಿದೆ ಹಂಸ 

ನಲಿಯುತ ನಗುತ ನಾ ನೀಡಿದೆ ಮನಸ 

ಕನಸುಗಳ ಕಾಣುತ ಕಳೆದೆ ಪ್ರತಿ ದಿವಸ

ಮರೆತು ಹೋಯಿತೇ, ನಮ್ಮ ಪ್ರೀತಿಯ ಆ ಸರಸ..

ಸ್ವರಗಳು ಲಯದಲಿ ತುಂಬದೆ ಎದೆಯಲಿ

ಬೇರೆಯದೇ ಮನದಲಿ, ಹರಿಯದೆ ಸುಧೆಯಲಿ 

ಪ್ರೀತಿಯು ಮನಸಲಿ, ಇಲ್ಲದೆ ಹೃದಯದಿ 

ಮೂಹದಿ ನೋಡದೆ, ಕೊಲ್ಲುವೆ ಪ್ರೇಮದಿ    

ಮಿಡಿದರು ಹೃದಯ ಸೂಸದೆ ಸೃತಿಯಲಿ

ಪ್ರೀತಿಯ ನಿನಾದದ ಜೊತೆ ನುಡಿಯದ ತಂತಿ

ಅನುರಗದಿ ಕವನವ ಬರಿಯದೆ ಪದಗಳು

ಚಲಿಸದೆ ಮನದಲಿ ಹಳೆಯೇ ಬರಿದು

ಕನಸು ನೀನ್ ನನಗೆ ನೆನಪು ನಾನ್ ನಿನಗೆ

ಒರೆನೋಟದ ಜೊತೆಗೆ ಹೋಯ್ತು ಆ ಮುಗುಳ್ನಗೆ

ತಿಳಿಸಲಿ ಹೀಗೆ ಪ್ರಿಯೆ ನಿನಗೆ, ನನ್ನ ಪ್ರೇಮದ ಪರಿಯ

ಬರಿದಾಗಿ ಹೋಯಿತೇ ನಿನ್ನ ಪ್ರೀತಿಯ ಹೃದಯ

:ಪ್ರಭಂಜನ ಮುತ್ತಿಗಿ 

*****ರಸಿಕತೆ ತಂತು ****

ಇರಳು ಸರಿದ ಸರಿ ರಾತ್ರಿ ಬಾನಿನಲಿ

ತುಸು ಮೆಲ್ಲನೆ ಬೀಸುವ ಸವಿ ತಂಗಾಳಿ 

ಮಾವು, ತೆಂಗು ಗರಿ ಎಲೆಗಳ  ಕಲರವ

ಅಂಬುಧಿಯಲ್ಲಿ ತುಂಬು ಬೆಳಕು ಚಂದಿರ 

ಅಂಚು ಅಂಚಿನಲಿ ಫಳ ಫಳ ಹೊಳೆದು 

ಸಹಗಮನೆಯಂತೆ ಮಿನುಗುವ ತಾರೆಗಳು 

ರಂಭೆಯನು ನಾಚಿಸುವ ನಾರಿಯ ರೂಪದಿ

ಊರ್ವಶಿಯನು ಹೋಲುವ ಆಕಾರ ಸ್ವರೋಪದಿ 

ಜಿಂಕೆಯಂತೆ ಜಿಗಿದು, ಒಲವಿನ ಚಿತ್ರ ಬಿಡಿಸುತ 

ಬಾನಂಗಳದಿ ಮೂಡಿತು ಚಂದದ ಕೋಲ್ಮಿಂಚು 

ನಿತ್ಯ ಪ್ರೇಮಿಗಳಿಗೆ ಮಂದಹಾಸ ಮೂಡಿಸುತ 

ಆಗಸಕೂ ಶರವೇಗದಿ  ರಸಿಕತೆ ತಂತು

:ಪ್ರಭಂಜನ ಮುತ್ತಿಗಿ 

* ಮನ ತುಂಬಿ *

ಹಸಿರ ಹೂ ಗಿಡ ಮರ ಕಾಣದ ಹಾಗೆ 

ಕಣ್ಣು  ತುಂಬ ನೀ ತುಂಬಿದೆ ಹೇಗೆ?

ಪರಿಮಳ ಸೂಸುವ ಗಂಧ ತಾಕದ ಹಾಗೆ 

ಉಸಿರ  ಮಧುರ ನೀ ತುಂಬಿದೆ ಹೇಗೆ? 

ನಿನ್ನ ಚಲುವ ಸಿರಿಯ ಹೊಗಳದ ಹಾಗೆ  

ಮಾತು ಮರೆಸಿ ಮೂಗನ ಮಾಡಿದೆ ಹೇಗೆ?

ನೀರು ಹಸಿವೆ ನಿದಿರೆ ಪರಿವಿಲ್ಲದ ಹಾಗೆ  

ಉದರ ತೃಷೆಯ ನೀ ತಣಿಸಿವೆ ಹೇಗೆ?

ಹರಿವ ರಕ್ತ ಸಣ್ಣ ಕಣವು ಚಲಿಸದ ಹಾಗೆ 

ಈ ಪುಟ್ಟ ಹೃದಯ ನೀ ತುಂಬಿದೆ ಹೇಗೆ?

ಮನಸು ಬೇರೆಡೆ ಚಲಿಸದ ಹಾಗೆ 

ಕನಸು ತುಂಬ ನೀ ತುಂಬಿದೆ ಹೇಗೆ?

:ಪ್ರಭಂಜನ ಮುತ್ತಿಗಿ 

**ನೀನಿಲ್ಲದೆ **

ನೀನ್ ಇಲ್ಲದಾ ಇರುಳು,

ಜಲವಿಲ್ಲದಾ ಮರಳು 

ನಿನ್ದಲ್ಲದ ಪ್ರೀತಿ

ವ್ಯರ್ಥ ಆ ಬದುಕಿನ ರೀತಿ   

ನಿ ಬಡಿಸದ ಊಟ 

ರುಚಿ  ಇಲ್ಲದೆ ತಿನ್ನುವ ಕಾಟ 

ನಿನ್ನ ಬಳಸದ ಬಾಹು

ಗೆದ್ದಲು ಹಿಡಿದ ಗೂಡು 

ನಿನ್ನ ನೋಡದ ನಯನ 

ಚಂದ್ರ ನಿಲ್ಲದ ಗಗನ 

ನೀ ನಿರದಾ ಪ್ರಯಾಣ 

ರೆಕ್ಕೆ ಇಲ್ಲದಾ ವಿಮಾನ 

ನೀ ಓದದ ಕವನ

ಶಾಸ್ತ್ರ ವಿಲ್ಲದ ಪ್ರಮಾಣ   

ನೀ ಇರದ ಜೀವನ

ಕನಸಿಗೂ ಬರುವುದು ನಿಧನ 

ನೀ ಇರುವ  ನಾನು

ಪೂರ್ಣ ಚಂದಿರನ  ಬಾನು 

ನಾ ಇರುವ ನೀನು 

ಜೀವನ ತುಂಬಾ ಸಿಹಿ  ಜೇನು!

:ಪ್ರಭಂಜನ ಮುತ್ತಿಗಿ 

* ಪ್ರೀತಿ ಕನಸು *

ಸರ ಸರನೆ  ನೆಡೆದು  

ಬರ ಸೆಳೆದು  ನಗುವ 

ಒಲವಿನ  ಚಲುವೆ  ನೀನು 

ನಸು ನಗುತ ನಲಿದು

ಕುಣಿ ಕುಣಿದು ಬರುವ

ನಿಜ ಪ್ರೀತಿ ಕನಸು ನಿನು

ಲವ ಲವಿಕೆ ಇಂದ 

ಸ್ವರ ಹಾಡಿ ನಲಿವ  

ಹೃದಯದ ಲಯವೇ  ನೀನು 

ಪಿಸು  ಮಾತು ನುಡಿದು 

ತಂಪನ್ನು ಸುರಿಸೋ   

ಹಿತವಾದ ಮಳೆಯು ನೀನು

ಜಲ ಧಾರೆಯಂತೆ 

ಸೊಗಸಾಗಿ ಹರಿವ  ಹಸಿರ 

ಪ್ರಕೃತಿಯ ಸೊಬಗು  ನೀನು 

ತುಸು ತುಟ್ಟಿ ಆದರು

ಬುಸು ಗುಟ್ಟಿ  ತೊಡುವ  

ಸುವರ್ಣದ ತುಣುಕು  ನೀನು

ಅತಿ ಅಸೆ ಇಂದ 

ನಿನ್ನ ನೋಡುತಿರುವ

ಮೋಹನ ಮುರಳಿ ನಾನು.

:ಪ್ರಭಂಜನ ಮುತ್ತಿಗಿ 

*ಚಲುವು*

******ಚಲುವು

ಹೊಗಳಲು ನಿನ್ನ ಒಲವಿನ ಚಲುವು 

ಹುಡುಕುವೆ ಆ ಹೊಸ ಪದಗಳ ಕಡಲು  ||ಪ ||

ನಲಿತ ಹಾರುವ ಗುಂಗುರ ಮುಂಗುರುಳು

ಕಾಡಿಗೆ ತೀಡಿದ ಆ ಹುಬ್ಬಿನ ಬೆರಗು 

ಜಿಂಕೆಯ ಕಣ್ಣಿನ ಮಿಂಚಿನ  ಬೆಳಕು  

ಉಸಿರಿನ ನಾದಕ್ಕೆ ಹಿಗ್ಗುವ ಆ ಮೂಗು 

ಕುಣಿ ಬೀಳುವ ಮೃದು ಗಲ್ಲದ ಸೊಬಗು   

ಶಬ್ದದ ಅಲೆಗೆ ಬಾಗುವ ಆ ಕಿವಿಯು 

ಕೋಗಿಲೆ ಕಂಠಕ್ಕೆ ಹೊಂದುವ ಶ್ರುತಿಯು

ಕಂಪನು ಸೂಸುವ ಆ ಹವಳದ ತುಟಿಯು   

ನೀಳ ಕತ್ತಿಗೆ ಚಿಕ್ಕ ಸರ ವಜ್ರದ ಹರಳು   

ಭಾರಕ್ಕೆ ಬಾಗಿದ  ಆ ಉದ್ದದ ಜಡೆಯು 

ಸುಂದರ ಮೌನದ ಜೊತೆ ಪಿಸುಮಾತು 

ಅಂದದ ಪೂರ್ಣ ಚಂದಿರನ ಆ ಮೊಗವು 

ಸುರಿಯಲಿ ನಿನ್ನ ಪ್ರೀತಿಯ ಹೂ ಮಳೆಯು  

ಹೃದಯದಿ ಹರಿಯಲಿ ಆ ಸ್ಪೂರ್ತಿಯ ಸೆಲೆಯು

:ಪ್ರಭಂಜನ ಮುತ್ತಿಗಿ 

ಹುಡ್ಗಿನ್ ನೋಡೋಕೆ ಹೋಗಿದ್ದೆ

ಮದುವೆ ಆಗೋಣ ಅಂತ ಮೊದಲ

ಹುಡ್ಗಿನ್ ನೋಡೋಕೆ ಹೋಗಿದ್ದೆ

ಮದುವೆ ತಂಟೆ ಬೇಡ ಅಂತ

ತಪ್ಸ್ಕೊಂಡು ಓಡಿ ಬಂದು ಬಿಟ್ಟೆ

ಫೋಟೋ ದಲ್ಲಿ ಹುಡ್ಗಿನ ನೋಡಿ

ಅರ್ದ ಮನಸು ಕೊಟ್ಟುದ್ದೆ

ಮೊಬೈಲ್ಲಿ ನಲ್ಲಿ ಮಾತು ಕೇಳಿ

ಹೃದಯ ಟ್ಯೂನ್ ಮಾಡಿ ಇಟ್ಟಿದ್ದೆ

ಚಾಟಿಂಗ್ ನಲ್ಲಿ ಒಂದು ವಾರ

ಎಸ್ಟೊಂದು ಹರಟೆ ಮಾಡಿದ್ದೆ

ಅವಳ ಮೇಲೆ ಕವನ ಬರೆದು

ಕನಸು ಕೂಡ ಕಟ್ಟಿಬಿಟ್ಟೆ

ಹುಡುಗಿ ನೋಡೋ ದಿನ ಅಂತ

ಮನಸು ಹೃದಯ ಕುಣತಿತ್ತು

ಸಂಜೆ ತನಕ ಹುಡುಕಿ ಹುಡುಕಿ

ಕೊನೆಗೆ ಅವರ ಮನೆ ಸಿಕ್ಬಿಡ್ತು

ಹುಡುಗಿ ತೋರ್ಸೋ ವಿಷ್ಯ ಬಿಟ್ಟು

ಮದುವೆ ಮುಹೂರ್ತ ನೋಡಾಯ್ತು

ಮೊದಲು ಹುಡುಗಿ ಕರ್ಸಿ ಅಂತ

ಕೊನೆಗೆ ಹಠ ಹಿಡಿಯ ಬೇಕಾಯಿತು

ಅಂತು ಇಂತೂ ಹುಡುಗಿ ಬಂದ್ಲು

ಅತಿ ವೈಯಾರ ಮಾಡ್ಕೊಂಡು

ಅವಳನ್ನ ತಲೆ ಎತ್ತಿ ನೋಡೋಕೆ

ಆಗದೆ ನಾಚಿಕೆಯಿಂದ ಕುತ್ಕೊಂಡೆ

ಸೀರೆ ಉದ್ಸಿ ಮೇಕಪ್ ಜೊತೆಗೆ

ಮಲ್ಲಿಗೆ ಹೂವು ಬಳೆ ತೊಡ್ಸಿದ್ರು

ಕೈಯಲ್ಲಿ ಸ್ವೀಟ್ ತಟ್ಟೆ ಹಿಡ್ಕೊಂಡು

ನಕ್ಕಗ್ಲೆ ಅರ್ಧ ಸತ್ಯ ಗೊತ್ತಾಯ್ತು .

ದೃಷ್ಟಿ ಗೋಡೆ ಮೇಲೆ ಇದ್ರೂ

ಮಾತು ನನ್ನ ಜೊತೆಗೆ ನೆಡೆತ್ತಿತು

ಉಬ್ಬು ಹಲ್ಲ ಮುಖ ನೋಡಿ

ತುರಿಮಣೆ ಕನಸು ಬಿದ್ದುಬಿಡ್ತು

ಜಾತಕ ಮಾಚ್ ಅಂತ ಬಂದು

ತಲೆನೋವೆ ಆಗಿಹೋಯ್ತು

ಸ್ವಲ್ಪ ಹೊತ್ತು ಅಲ್ಲೇ ಇದ್ರೆ

ಜೀವನ ಕೊರಗೋ ಹಗೆ ಅಗ್ತಿತು

:ಪ್ರಭಂಜನ ಮುತ್ತಿಗಿ

ತೇಲುತ ಸಾಗುವ

ಮೊದಲ ರಾತ್ರಿಯಲಿ

ಕನಸಿನ ಲೋಕದಲಿ

ತೇಲುವ ಸುಖ ನಿದ್ರೆ 

ಪ್ರಿಯೆ ನಮಗೆ ಬಾರದಿರಲಿ 

ಆ ಮಧು ಮಂಚದಲಿ 

ಮಲ್ಲಿಗೆಯ ಕಂಪಿನಲಿ 

ಮಾತನಾಡುವ ಸಮಯ 

ನಲ್ಲೆ ನಮಗೆ ಬಾರದಿರಲಿ 

ಚುಮು ಚುಮು ಚಳಿಯಲ್ಲಿ 

ಬೀಸುವ ತಂಗಾಳಿಯಲ್ಲಿ 

ದೂರ ದೂರ ಇರುವ ಕಷ್ಟ 

ಚಲುವೆ ನಮಗೆ ಬಾರದಿರಲಿ 

ಅತ್ತೆ ನಾದಿನಿ ಕಾಟ 

ಇತ್ತ ಮಾವನ ಆಟ 

ತಪ್ಪಿಸಿ ಓಡಾಡುವ ಪಾಠ 

ಗೆಳತಿ ನಮಗೆ ಬಾರದಿರಲಿ 

ಮೇಲೆ ಆಕಾಶದಲಿ 

ಆ ನದಿ ನೀರಿನಲಿ 

ತೇಲುತ ಸಾಗುವ 

ನಾವು ಜೀವನ ಪಯಣದಲಿ

:ಪ್ರಭಂಜನ ಮುತ್ತಿಗಿ

ಕಳೆದು ಹೋಗುವಂತೆ ಮಾಡು

ಕಳೆದು ಹೋಗುವಂತೆ ಮಾಡು 

ನಿನ್ನ  ಹೊಗಳಿಕೆಯ  ಪ್ರೀತಿಯಲ್ಲಿ 

ಮನಸು  ಹಾರುವಂತೆ  ಮಾಡು  

ನಿನ್ನ  ಸವಿ ಮಧುರ  ಮಾತಿನಲ್ಲಿ !

ಕನಸು ಕಾಣುವಂತೆ ಮಾಡು

ನಿನ್ನ ಪ್ರೇಮದ ಪರಿಯಲ್ಲಿ 

ಕಣ್ಣು  ಚಲಿಸದಂತೆ  ಮಾಡು 

ನಿನ್ನ  ನೋಟದ  ಆಕರ್ಷಣೆಯಲ್ಲಿ 

ಮಾತು  ಮರೆಯುವಂತೆ  ಮಾಡು  

ನಿನ್ನ  ಹೃದಯ  ಬೆರಸಿ  ನನ್ನಲ್ಲಿ 

ಹೃದಯ ಬಡಿತ ಏರು ವಂತೆ ಮಾಡು

ನಿನ್ನ ಮುದ್ದಿನ ಆ ಸಿಹಿ ಸವಿಯಲ್ಲಿ !!

ನನ್ನ  ಜೊತೆ ಇರುವಂತೆ ಮಾಡು  

ನಿನ್ನ  ಪ್ರೀತಿ ಪ್ರೇಮ ಪ್ರಣಯದಲ್ಲಿ!  ;)

:ಪ್ರಭಂಜನ ಮುತ್ತಿಗಿ

ಸಾಧ್ಯವೇ ರಾಧೆ!

ಎಷ್ಟು ಚಲುವೆ ನನ್ನ ಈ ಮುದ್ದು ರಾಧೆ

ಸೃಷ್ಟಿಸಿದ ನಾನೇ ಇಂದು  ಮಾರು ಹೋದೆ ||ಪ||

ಆಕಳು ಕಾಯುವ ನೆಪದಲಿ ಯಮುನೆಯ 

ದಡದಲ್ಲಿ ಕೊಳಲನು ಉದುತ ಕುಳಿತು 

ಮುರುಳಿಯ ನಾದದಿ ಹೊಮ್ಮುವ ಸ್ವರದಲಿ

ನಿನ್ನ ಕಂಡಿದ್ದು ಹೇಳದಿರಲು ಸಾಧ್ಯವೇ ರಾಧೆ! ೧ 

ಗೋವರ್ಧನ ಗಿರಿಯ ಎತ್ತಿದ ಸಮಯದಿ

ಕಾಳಿಂಗನ ಹೆಡೆಯ ಮೇಲೆ ಕುಣಿದ ಕ್ಷಣದಲಿ

ಕಂಸನ ಸೊಕ್ಕನ್ನು ಅಡಗಿಸಿ ತುಳಿದಾಗ 

ನಿನ್ನ ನೆನಪು ಇರದಿರಲು ಸಾಧ್ಯವೇ ರಾಧೆ ! ೨ 

ನನಗಾಗಿ ಪ್ರತಿ ದಿನವು ನಿರಂತರ  ಜಪಿಸಿ 

ಹಗಲು ಇರಿಳು ನಾ ಬರುವುದೇ ನಿರೀಕ್ಷಿಸಿ 

ಕಾದು ಕಾದು ಕುಳಿತ ನಿನ್ನ ಮೋಹದ ಪ್ರೀತಿಗೆ 

ಮನಸು ಸೋಲದಿರಲು ನನ್ನಿಂದ ಸಾಧ್ಯವೇ ರಾಧೆ!  ೩ 

ನಯನ ಮನೋಹರ ಮಧುರೆಯ ಸೊಬಗಲಿ 

ಎಲ್ಲೆಡೆ ನಿನ್ನ ಕಾಣುವ  ನೆನಪಿನ ಕಡಲು 

ತುಂಬಿ ಬರುತಲಿದೆ ನನ್ನ ಪ್ರೀತಿಯ ಒಡಲು  

ನಿನ್ನ  ಅರಸಿ ನಾ ಬಾರದಿರಲು ಸಾಧ್ಯವೇ ರಾಧೆ! ೪ 

ಕಣ್ಣಿನ ಕಾಂತಿಯಲಿ ಹೊಳೆವ ಮಿಂಚು ನೀನು 

ಮೋಹಕ ನಗುವಿನಲ್ಲಿ ಇರುವ ಚಲುವೆ ನೀನು 

ಕನಸು ಮನಸು ಹೃದಯದಲ್ಲಿ ತುಂಬಿರುವೆ ನೀನು  

ನೀ ಇಲ್ಲದೆ ನಾ ಇರಲು ಸಾಧ್ಯವೇ ರಾಧೆ!

:ಪ್ರಭಂಜನ ಮುತ್ತಿಗಿ

ನನ್ನದಲ್ಲವೇ

ನಿನ್ನ ಪ್ರೀತಿಯ ಸೆಲೆಯು 

ಹೀಗೆ ಹರಿಯುತಲಿರಲು

ಹೇಗೆ ನಿದ್ರಿಸಲಿ ಚಲುವೆ 

ನಿನ್ನ ಸಣ್ಣ ಆಸೆಗಳ 

ಹೇಗೆ ತೀರಿಸಲೆಂದು 

ಹಗಲು ಇರಿಲು ನಾನು ಹುಡುಕುತಿರುವೆ 

ಮೊನ್ನೆ  ನಡು ರಾತ್ರಿಯಲ್ಲಿ 

ನನ್ನ ನೋಡಲು ಬಯಸಿ

ನೀ ಕರೆದಾಗ ನಾ ಬರಲಿಲ್ಲವೇ 

ನದಿಯ ಜ್ಹುಳು ನಾದದಲಿ 

ಮನಸು ಹರಿಯಲು ಬಿಟ್ಟು

ಕನಸು ಕಾಣುತ  ಮೈ ಮರೆಯಲಿಲ್ಲವೇ 

ಬೆಟ್ಟದ ತುದಿ ಅಂಚಿನಲಿ 

ನೆಟ್ಟು ಕಣ್ಣ ನಿನ್ನ ಮೇಲೆ 

ಗಾಳಿಗೆ ತೇಲಿ ನಾ ಉರಿಳಿ ಬೀಳಲಿಲ್ಲವೇ 

ಸಾಗರದ ಏರು ಅಲೆಗಳಲಿ 

ಮಧುರ ಆ ಕ್ಷಣದಲ್ಲಿ 

ಲಯಕೆ ತಕ್ಕ ಹಗೆ ನನ್ನ ಕುಣಿಸಲಿಲ್ಲವೇ

 

ಪ್ರೇಮಿಗಳ ದಿನದಂದು

ಮುತ್ತು ಕೊಡುವೆನು ಎಂದು

ಕರೆಸಿ ಮುತ್ತಿನ ಹಾರ ನೀ ಕೊಡಲಿಲ್ಲವೇ 

ಚಿಗುರು ತಿನ್ನ ಬೇಕೆಂದು 

ಮರವ ಏರಿಸಿ ಕೊನೆಗೆ

ಕೋತಿ ಎಂದು ಕಲ್ಲು ನೀ ಹೊದೆಯಲಿಲ್ಲವೇ 

     

ನಿನ್ನ ಜೀವನ ಪೂರ್ತಿ 

ಹೇಗೆ ಇರಲಿ ನಗುವು ನಲಿವು 

ಅದರ ಸವಿ ಸವಿವ ಬಯಕೆ ನನ್ನದಲ್ಲವೇ

:ಪ್ರಭಂಜನ ಮುತ್ತಿಗಿ 

ಯೋಚಿಸದೆ

ಯೋಚಿಸದೆ ನಿನಗೆ ಮನಸನು ಕೊಟ್ಟೆ

ಸವಿ ಪ್ರೀತಿಯ ಗುಂಗಿನಲಿ

ಮರೆಮಾಚದೆ ನಾ ನನ್ನ ಹೃದಯದ ಮಾತು

ಹೇಳದೆ  ಎದುರಿನಲಿ 

ಆ ನೋಟದ ಹಿಂದಿನ ಮೋಹವ  

ನಾ ಅರಿಯದೆ ಹೋದೆ  ಇರುಳಿನಲಿ 

ನೆರಳಲ್ಲಿ ನಿನ್ನಯ ಬಿಂಬವ ನಾ

ಹುಡುಕುತ ಹೊರಟೆ ಹಗಲಿನಲಿ  

ಸಿಹಿ ಮಾತಿನ ದ್ವನಿಯ ಆರಿಸಿ

ನಡೆದೆ ಕವಲೋಡೆದಾ  ದಾರಿಯಲಿ 

ನಿದಿರೆ ಹಸಿವೆ ತೃಷೆ ಪರಿವಿಲ್ಲದೆ  

ಇರುವೆ ನಿನ್ನ  ಕಾಣದೆ  ಕನಸಿನಲಿ  

ಮರೆಯಾಗಿ ಹೋದೆ ನನ್ನ ಪ್ರೀತಿಯ

ಮೊಳಕೆ ವಡೆವ ಆ  ಸಮಯದಲಿ 

ಎಲ್ಲಿ ಹೀಗೆ ಹುಡುಕಲಿ ನನ್ನ ಸ್ಪೂರ್ತಿಯ 

ಚಿಲುಮೆ  ಈ ವಿಶಾಲ ಪ್ರಪಂಚದಲಿ      

ಕಾಯುವೆ ನಾ ಉಸಿರುವ ವರೆಗೂ 

ಮನಸನು ಬಿಚ್ಹಿ ಮಾತನಾಡಲು ನಿನ್ನಲ್ಲಿ 

ನನಸಲ್ಲೂ  ಹಿತವಾಗಿ  ಬಾಳುವ ಬಾ 

ಜೊತೆಗೊಡಿ ಪ್ರೀತಿಯ ಈ ಪಯಣದಲಿ 

:ಪ್ರಭಂಜನ ಮುತ್ತಿಗಿ