** ಹಿಂದಿನಂತೆ **

ಹತ್ತುತಲೆಯ ರಾವಣನೇ 

ಒತ್ತಾಸೆಯ ನೀನು ಹೇರಲಾರೆ 

ಕತ್ತು ಸೀಳಿಸಿ ಹೂವನು ಸುರಿಸಿದರೆ 

ಚಿತ್ತ ಗೆಲ್ಲಲಾರೆ, ಸೀತಾ ಹೃದಯ ಪಡಿಯಲಾರೆ 

ಪ್ರೀತಿಯ ಮದದಲ್ಲಿ ಭಂದಿಸಿ ಕರೆತಂದೆ 

ಪ್ರತೀಕ್ಷಿಸುತಿಹೆ ಬರುವನು ರಾಮ ಮುಂದೆ 

ಪ್ರೇಮಾಯಣದಾ ಗಾಯಕಿ ನಾ ಅಂದುಕೊಂಡೆ 

ಪ್ರಾಯಶ್ಚಿತ್ತಕೂ ಬದುಕಿರದೆ ಸಾಯುವೆ ಕಣ್ಣಮುಂದೆ 

ಯುಗ ಯುಗಗಳು ಬಂದು ಸರಿದರೇನು 

ಯುವ ಸಮೂಹ ತೋರುತ್ತಿದೆ ರಾವಣನಂತೆ 

ಯಾವ ಸನ್ಯಾಸಿಯೂ  ಕಾಮವ  ಗೆಲ್ಲದಂತೆ 

ಯಾಕಾಗಿದೆ ಈ ರೀತಿ ಬರುವನೇ ರಾಮ ಹಿಂದಿನಂತೆ !!! 

ಮೊಗತುಂಬಾ

ಹೆರಳಿನ ಮಧ್ಯದ ಕುಂಕುಮ ಚಂದ 

ಹಣೆಯ ಮಧ್ಯದ ಬಿಂದಿಯು  ಚಂದ್ರ 

ಹೊಳೆವ ತುಟಿಯ ಕೆಂಪಿನ ಅಂದ 

ಹೊಸ ಸೀರೆ ಸೆರಗಿದೆ ಕೆಂಬಣ್ಣದಿಂದ 

ಹುಬ್ಬು ಡೊಂಕಾಗಿದೆ ಬೀದಿಗೆ ಚಂದ್ರ 

ಹೆರಳಿಲ್ಲದ ಮುಂಗುರುಳ ಮುಖಾರವಿಂದ 

ಹಳದಿ ಲೋಹ ಆವರಿಸಿ ಮೊಗತುಂಬಾ 

ಹಿತವಾಗಿ ಮುಚ್ಚಿದೆ ರೆಪ್ಪೆ ನಾಚಿಕೆಯಿಂದ 

ಹೆಣ್ಣೆನುವೆ  ನಾನು ತುಸು ಗರ್ವದಿಂದ 

ಹಣ್ಣು ದೊರೆಯದು ಹೊಗಳಿಕೆಯಿಂದ 

ಹಲವು ರೀತಿ ಗೆಲ್ಲು ನನ್ನ ಪ್ರೀತಿಯಿಂದ 

ಹಗಲಿರಿಳು ಜೊತೆಇರುವ ಆನಂದದಿಂದ  

ನೆನಪಿನ ಪತ್ರ

ಖುಷಿಯಾಗಿದೆ ಪತ್ರವ ನೋಡಿ 

ಹುಸಿ ಇಲ್ಲದ ಕಿರುನಗೆಯು ಮೂಡಿ 

ರಸಿಕತೆಯ ಆ ದಿನಗಳು ಕಾಡಿ  

ಬಿಸಿಯಾಗಿದೆ ಮೈ ಏನು ಮಾಡ್ಲಿ 

ಹಸಿರು ತುಂಬಿದ ತೋಟಕೆ ಹೋಗಿ 

ಉಸಿರು ಉಸಿರಲಿ ಬೆರೆತೆ ನನಗಾಗಿ  

ಬೆಸೆತು ಹೃದಯಗಳ ಸೊಗಸಾಗಿ 

ಹೊಸತು ಹಾಡನು ಹಾಡಿದೆ ಹಿತವಾಗಿ 

ತಾಸಿಗೊಂದು ಈ ನೆನಪಿನ ಪತ್ರ 

ವಾಸಿ ಮಾಡುತಿದೆ ಹಳೆ ಗಾಯ ಮಿತ್ರ 

ತುಸು ಯೋಚಿಸದೆ ಬಂದ್ಬಿಡು  ಹತ್ರ 

ವಾಸ ಮಾಡುವ ನಲಿಯುತ ಸರ್ವತ್ರ.