ನಿನ್ನೊಲವ

ತೋರಿದ ಹುಸಿಕೂಪ,
ಬೀರಿದ ಮುಗುಳುನಗೆ,
ನಿಡಿದಾ ಆ ಸಲುಗೆ,
ನಾಟಿ ನನ್ನೆದೆಯು ,
ನಿನ್ನೊಲವ ಬಯಸಿದೆ ನನಗರಿಯದೆ.


ಆರೈಕೆಯ ನುಡಿಯು
ತೋರಿಕೆ ಇಲ್ಲದ ಪ್ರೀತಿ
ತೆರೆದು ಆಸರೆಯ ಬಾಹು
ವರಸಿದ ಆ ಕಣ್ಣಿರು
ನಿನ್ನೊಲವ ಬಯಸಿದೆ ನನಗರಿಯದೆ.

ನೀರೆರೆದು ಗೆಳೆತನಕೆ
ಸೇರಿದೆ ಹೃದಯವನು
ಇಣುಕಿದಾ ಕುಡಿನೋಟ
ಮರೆಮಾಚಿದಾ ಮನಸು
ನಿನ್ನೊಲವ ಬಯಸಿದೆ ನನಗರಿಯದೆ.


ಕಾಡದಿರು ನನ್ನನು
ಇರಲಾರೆ ಬಿಟ್ಟು ನಿನ್ನನು
ಸುಳಿಯೊಳಗೆ ಸಿಕ್ಕು
ಬಸವಳಿದಾ ಮನಸು
ನಿನ್ನೊಲವ ಬಯಸಿದೆ ನನಗರಿಯದೆ

ಚಂದ್ರ

ತಿರುಗಿ ತಿರುಗಿ ಚಂದ್ರ

ಭುವಿಗೆ ಹತ್ತಿರ ಬಂದ

ನೀಲಿ ಆಕಾಶದಲ್ಲಿ

ಯಾರು ಹಚ್ಚಿದರು ಈ ಲಾಂದ್ರ || ಪ ||

ಕಾಲ ಕಲವ ಸರಿಸಿ

ದೇಶ ದೇಶವ ಸುತ್ತಿ

ಸುಸ್ತುಗಿ ಬಂದ್ಯಾ ನೀ

ನಮ್ಮುರ ಆಕಾಶ ಅರಸಿ || ೨ ||

ಮುದ್ದು ಮಕ್ಕಳಿಗೆ

ಪೆದ್ದು ಮಾಮಾ ನಾಗಿ

ನಸು ನಗುತ ನಭದಲ್ಲಿ

ಬಂದ್ಯಾ ದೊಡ್ಡ ಮೊಗದವನಾಗಿ ||2 ||

ಸಮುದ್ರ ರಾಜನ ಮಗಳ

ಮೋಹಕ್ಕೆ ಮರುಳಾಗಿ

ಉಕ್ಕಿ ಏರುವ ಅಲೆಗಳ ಮುತ್ತಿಕ್ಕಲು

ಬಂದ್ಯಾ ಸೊಗಸಾದ ಬೆಳಕಾಗಿ ||3|