*ಚಲುವು*

******ಚಲುವು

ಹೊಗಳಲು ನಿನ್ನ ಒಲವಿನ ಚಲುವು 

ಹುಡುಕುವೆ ಆ ಹೊಸ ಪದಗಳ ಕಡಲು  ||ಪ ||

ನಲಿತ ಹಾರುವ ಗುಂಗುರ ಮುಂಗುರುಳು

ಕಾಡಿಗೆ ತೀಡಿದ ಆ ಹುಬ್ಬಿನ ಬೆರಗು 

ಜಿಂಕೆಯ ಕಣ್ಣಿನ ಮಿಂಚಿನ  ಬೆಳಕು  

ಉಸಿರಿನ ನಾದಕ್ಕೆ ಹಿಗ್ಗುವ ಆ ಮೂಗು 

ಕುಣಿ ಬೀಳುವ ಮೃದು ಗಲ್ಲದ ಸೊಬಗು   

ಶಬ್ದದ ಅಲೆಗೆ ಬಾಗುವ ಆ ಕಿವಿಯು 

ಕೋಗಿಲೆ ಕಂಠಕ್ಕೆ ಹೊಂದುವ ಶ್ರುತಿಯು

ಕಂಪನು ಸೂಸುವ ಆ ಹವಳದ ತುಟಿಯು   

ನೀಳ ಕತ್ತಿಗೆ ಚಿಕ್ಕ ಸರ ವಜ್ರದ ಹರಳು   

ಭಾರಕ್ಕೆ ಬಾಗಿದ  ಆ ಉದ್ದದ ಜಡೆಯು 

ಸುಂದರ ಮೌನದ ಜೊತೆ ಪಿಸುಮಾತು 

ಅಂದದ ಪೂರ್ಣ ಚಂದಿರನ ಆ ಮೊಗವು 

ಸುರಿಯಲಿ ನಿನ್ನ ಪ್ರೀತಿಯ ಹೂ ಮಳೆಯು  

ಹೃದಯದಿ ಹರಿಯಲಿ ಆ ಸ್ಪೂರ್ತಿಯ ಸೆಲೆಯು

:ಪ್ರಭಂಜನ ಮುತ್ತಿಗಿ