ಗುರುವಾರ, ಮೇ 9, 2013

ಹೊಂದಾಣಿಕೆ

ಮಾತು ಮನಸನ್ನ ಮುರಿದರೆ 
ಮೌನ ಹೃದಯವನ್ನು ಒಡೆಯುತ್ತದೆ 

ಪ್ರೀತಿ ಆಸೆಗಳನ್ನ ಕುಣಿಸಿದರೆ  
ದ್ವೇಷ ದೇಹವನ್ನು ಕುದಿಸುತ್ತದೆ 

ಆಭರಣ ರೂಪವನ್ನು ಹೆಚ್ಚಿಸಿದರೆ 
ಅಳು ಮುಖವನ್ನು  ಕೆಡಿಸುತ್ತದೆ 

ನೋಟ ಹಿತವನ್ನು ಬೀರಿದರೆ 
ಚಟ  ಚಟ್ಟವನ್ನು  ಏರಿಸುತ್ತದೆ 

ನಲಿವು ಉತ್ಸಾಹ ತಂದರೆ 
ಹಸಿವು ಹೊಸ ಪಾಠ ಹೇಳುತ್ತದೆ  

ಊಟ  ದಾಹವನ್ನು ನೀಗಿಸಿದರೆ 
ಪೇಚಾಟ ಮನುಶನನ್ನ ಕುಗ್ಗಿಸುತ್ತದೆ 

ವಿದ್ಯಾ ತನ್ನ ತನವನ್ನು ಕಲಿಸಿದರೆ
ಹಣ ತನ್ನವರನ್ನು ದೂರವಿಡುತ್ತದೆ 

ಹೊಂದಾಣಿಕೆ ಮನೆಯನ್ನು ಬೆಳಗಿದರೆ 
ಹೊಡೆದಾಟ ಸಂಭಂದಗಳ ಒಡೆಯುತ್ತದೆ 

ಕನಸು ಸೊಗಸನ್ನು ತಂದರೆ  
ಮುನಿಸು ಮನುಶತ್ವವನ್ನು ಸುಡುತ್ತದೆ