ಕುಟ್ಟಿ ಹಾಕುವೆ ನಾನು

ಕುಟ್ಟಿ ಹಾಕುವೆ ನಾನು ತುಟ್ಟಿ ಯಾಗಿದೆ ಬದುಕು 

ಕಟ್ಟಡಗಳು ಏಳುತಿವೆ ನಮ್ಮಗಳ  ಚಟ್ಟ ಕಟ್ಟಿ    

ಬಿಟ್ಟು ಹೋದರು ಅಪ್ಪ ಅಮ್ಮ ಅರಿಯಲಾರದೆ 

ಕಷ್ಟ  ಎಸ್ಟೆಎಂದು ವರ್ಣಿಸಲಿ ನಮ್ಮ ಬದುಕು 

ಹಗಲಿಲ್ಲ ಇರುಳಿಲ್ಲ ಕುಟ್ಟುವುದು ನಿಂತಿಲ್ಲಾ 

ಹೆಗಲ ಮೇಲೆ ಕೂಡಿಸಿ ಓಡಾಡಿಸುವರಿಲ್ಲ 

ಹಗಲು ಕನಸಾಗಿದೆ ಆಟ ಅಡುಬೇಕೆಂಬುದು 

ಹೋಗಲು ಬಿಡಲೊಲ್ಲರು ನಾನು ಜೀತದಾಳು 

ಜಾರಿಹೋಗಿದೆ ಜೀವ ಹೇಳಿ ಕೆಳುವವರಾರಿಲ್ಲ 

ಹರಿದ ಛತ್ರಿಯಾಗಿದೆ ತೊರೆದ ನಮ್ಮ ಬದುಕು 

ಉರಿದು ಹೋಗಿದೆ ಜೀವ ಉರಿವ ಬಿಸಿಲಲ್ಲಿ 

ಬರಿದಾಗಿದೆ ಬದುಕು ಈ ಬೋಕಿ ಬಿಲ್ಲಿಯಂತೆ 

ಹೊತ್ತು ಮುಳುಗದಿರಲಿ ರಾತ್ರಿ ಉಳಿಯುವುದೆಲ್ಲಿ 

ತುತ್ತು ಇಡುವವರಿಲ್ಲ ಅಳಲು ಸಮಯಬಾರದಿರಲಿ

ಗೊತ್ತಿಲ್ಲ  ಬಾಲಕಾರ್ಮಿಕ ಇಲಾಖೆ ಇರುವುದೆಲ್ಲಿ 

ಇತ್ತಾದರೂ ಬವಣೆಬಿದಿಸುವರೇ? ಬೆಳಕು ಚಲ್ಲಿ ?

ಹೊಸ ಗೂಡು

ಬೇಸಿಗೆ ಬಂದಿದೆ ಮರ ಗಿಡ ಒಣಗಿದೆ

ಕಟ್ಟಿದ ಗೂಡು ಎಲ್ಲರಿಗೂ ಕಾಣುತಿದೆ 

ಇಟ್ಟರೆ ಮೊಟ್ಟೆ ಕುಕ್ಕದೆ ಬಿಡುವರೇ 

ಬದ್ದ ವೈರಿಗಳು ದಿನ ಕಾಯುತಿವೆ 

ಕಡು ಬೇಸಿಗೆಯಲಿ ಸುಡುತಿದೆ ಬಿಸಿಲು 

ಮರೆ ಮಾಚಲು ನೆರಳಿನ ಜಾಗ ಸಿಗದೇ 

ಕಟ್ಟಡದಡವಿಯಲು ದಟ್ಟಡವಿಯಲು   

ತಂಪಿರುವ  ಜಾಗವ  ಹುಡುಕುತಿಹೆ 

ಕಲ್ಲಿನ ಮಂಟಪದ ಮೂಲೆಯಲೊಂದು 

ಚಲ್ವಿನ ಪೊಟರೆಯು ಕೈಬೀಸಿ ಕರೆಯುತಿದೆ 

ಹುಲ್ಲನು ಹುಡುಕಿ ಹೊಸ ಗೂಡನು ಕಟ್ಟದೇ 

ಮೆಲ್ಲಗೆ ಒಳಗೆ ಸೇರಲು ಕಾಯುತಿಹೆ !!

ದಲ್ಲಾಳಿ ಇಲ್ಲದೆ ಹುಡುಕಿದ ಮನೆಗೆ 

ನಲ್ಲೆಯ ಜೊತೆ ಮರಿಗಳ ಕರೆತರುವೆ 

ಗಲ್ಲವ ತಿರುಗಿಸಿ ಚಿಂವ್ ಚಿಂವ್ ಹಾಡಿ 

ಎಲ್ಲರ ಮೃದು ಮನಸಿಗೆ ಮುದಕೊದುವೆ