ಜರಿದ ಮನಸು

ಕನಸುಗಳು ಖಾಲಿಯಾಗಿವೆ 

ಮನಸು ಜರಿದ ಮೇಲೆ 
ಅಣುಕಿಸುತಿದೆ ಬಿಂಬಗಳು  
ಕನ್ನಡಿ ಒಡೆದು ಹೋದಮೇಲೆ 

ಇಳೆ ಬೆಳೆಯಲು ಮಳೆಯೇ ಬೇಕು  
ಮಳೆ ಮೋಡದ ಮುಲಾಜು 
ತಾಳ್ಮೆ ಸಾಗರದ ಆಳ ಅಗಲ  
ಅಳಿದು ತೂಗಿ ಮೋಡ  ಪ್ರಸವ 

ಕಳೆದುಕೊಳ್ಳುವುದೇನಿದೆ 
ಕೊಳೆತು ಹೋದಮೇಲೆ ಪ್ರೀತಿ
ಕಳೆ ತೆಗಿಯದಷ್ಟು ಬೆಳೆದಿದೆ 
ಕಾಳು ಬೆಳೆಯಲು ಸಾಧ್ಯವೇ  
 
ಹಣ ಚೆಲ್ಲಬಹುದು ಸಿಗದು
ಋಣವಿರಬೇಕು ಪ್ರೀತಿಗೂ 
ಒಣ ಮರ ತಾನಾಗೇ ಚಿಗುರದು  
ಹೆಣದ ಮೇಲೆ ಹಣ ಬಿದ್ದಂತೆ 

ಹುಟ್ಟು ಸಾವು ಒಂದು ಚಕ್ರ 
ಬಿಟ್ಟು ಬದುಕುವುದು  ವಕ್ರ 
ಕೊಟ್ಟು ಕ್ಕೊಳ್ಳುವುದು ಪ್ರೀತಿಗೆ ಹತ್ರ 
ಪಟ್ಟು ಹಿಡಿದರೆ ಬರೀ  ಅನರ್ಥ. 

ಮುಗುಳ್ನಗೆ

 ನಿನ್ನ ಮುಗುಳ್ನಗೆ ಅರಿತು 
ಕಣ್ಣು ಏನೋ ಹೇಳುತಿದೆ 
ಕಿವಿಯು ಕೇಳಲು ಕಾದಿದೆ   
ಪ್ರೀತಿಗೆ ಅದೊಂದೇ ಸಾಲದೇ 

ನೋಟದಳೊಂದು ನೋಟ 

ಚಿತ್ರಪಟವ ಬಿಡಿಸಿದೆ 

ತುಟಿಯು ತೆರೆಯದಂತೆ  ಏನೋ 

ವಿಷಯ ಚನ್ನಾಗಿ ತಿಳಿಸಿದೆ 

ಉಸಿರ ಏರಿಳಿತಕೆ ಹೃದಯ 

ತುಸು ಲಯದಲಿ ಮಿಡಿದಿದೆ 

ಹಸನಾಗಿ ಹಾರಿದ ನೈದಿಲೆ 

ಬೆಸುಗೆ ಬಯಸಿ ಕರೆದಿದೆ 

ಬಾಗಿದ ಹುಬ್ಬು ಏರಿ ಏನೋ 

ಆಶ್ಚರ್ಯವಾ ಸೂಸಿದೆ 

ಜೊತೆಗೆ ಏರಿ ಜೊತೆಗೆ ಇಳಿವ 

ಜೋಡಿ ನಾವೆಂದು ಸಾರಿವೆ 

ಇಲ್ಲಿಂದಲೇ

 ರೆಕ್ಕೆ ಬಿಚ್ಚಿ ಹಾರಿ ಹೋಗು

ಚಿಕ್ಕ ಆಳಕೂ ಇಲ್ಲದೆ   ।।  ಪ ।। 

ಕೊಕ್ಕೆಯಲ್ಲಿ ಪ್ರೀತಿ ಪತ್ರವಿದೆ     
ಅಕ್ಕ ಪಕ್ಕ ಯಾರನ್ನು ನೋಡದೆ  ।\ ಆ ಪ ।।

ನಿನ್ನ ಕಣ್ಣಿಗೂ ಕಾಣದ ನೋಟ 
ನನ್ನ ಹೃದಯ  ನೇರ ಕೊಡುತಿದೆ 
ಆದರೂ ಹುಡುಕು ಪಕ್ಷಿನೋಟ ತೀಕ್ಷ್ಣ 
ಬಿಡದೆ ಪ್ರಯತ್ನಿಸುವೆ ನಾ ಇಲ್ಲಿಂದಲೇ   1

ಸಿಕ್ಕರೆ ಹೇಳಿಬಿಡು ಅವಳಿಗೊಮ್ಮೆ 
ತೆಕ್ಕೆಯಲ್ಲಿ ಸೆರೆಹಿಡಿವೆ  ಎಂದಿನಂತೆ
ಪಕ್ವವಾಗುವುದು  ಓದಿದರೆ ಪತ್ರ   
ಮಿಕ್ಕಿದ್ದೆಲ್ಲಾ ನಿಭಾಯಿಸುವೆ  ನಾ ಇಲ್ಲಿಂದಲೇ  2

ಅರಿಯಳಾದಳು ಕ್ರೋದ ತುಂಬಿದ 
ನಾರಿ ಜರಿದು ದೂರ ಹೋದಳು 
ಕರೆಮಾಡಿಸು ಕಿವಿ ಆಲಿಸುವಂತೆ    
ಬರುವಂತೆ ಮಾಡುವೆ ನಾ ಇಲ್ಲಿಂದಲೇ  3