ನನ್ನ ಹೆಸರಿತ್ತು

ನೀ ಎಸೆದ ಕಲ್ಲಿನಲ್ಲಿ ನನ್ನ ಹೆಸರಿತ್ತು,
 ಹುಡುಕೋ ಹೋದೆ ನದಿಯಲ್ಲಿ
 ಜೀವವೇ ಕಳೆದುಕೊಂಡಂತೆ

ಎದ್ದ ಅಲೆಗಳ ನಡುವೆ
ಹಾರಿ ಮುಳುಗಿದೆ ಆಳದಲಿ
ಬಿಟ್ಟು ಕಣ್ಣು ನೀರಿನಲ್ಲಿ ಮೀನಿನಂತೆ

ಕೆಂಪು ಕಲ್ಲು ಕಪ್ಪು ಕಲ್ಲು
ಮಧ್ಯ ಹಳದಿ ಸ್ಪಟಿಕದ ಕಲ್ಲು
ನಿಂತಿತ್ತು ಆ ಕಲ್ಲು ಹೊಳೆವ ವಜ್ರದಂತೆ

ಬಾಚಿ ಹಿಡಿದೆನು ಅದನ್ನು
ಕೈಜಾರಿ ಹೋಗದಂತೆ
ನೀರಿನಿಂದೆದ್ದೆ ಹೊಸ ಉಸಿರು ಬಂದಂತೆ

ತಬ್ಬಿಕೊಂದೆನು ಎದೆಗೆ
ಕಣ್ಣಿಗೆ ಹಿಡಿದು ನೋಡಿದೆನು ಕೆತ್ತಿದ್ದೆ
ನಿನ್ನ ಹೆಸರನ್ನ ನನ್ನ ಹೆಸರಿನ ಜೊತೆಗೆ
 
ನಿನ್ನ ಮನಸಿನ ಆಸೆಗಳು
ಹೀಗೆ ಅರಳುತಿರಲಿ ನನ್ನಲ್ಲಿ
ನಿನ್ನ ಪ್ರೀತಿಸುವೆ ಹಗಲಿರುಳು ಉಸಿರಿನಂತೆ