ಹಾರುವ ಹಕ್ಕಿಗಳು

ಹಾರುತಿವೆ ಹೊಸ ಹಕ್ಕಿಗಳಿಂದು
ತಿಳಿಯ ನೀಲಿ ಆಗಸಕ್ಕಿಂದು
ಮಂಜು ಮೋಡ ದಾಟಿ ದೂರ
ಹೊಸ ಲೋಕ ಹುಡುಕುವೆ ವೆಂದು

ಎಲ್ಲೊ ಹುಟ್ಟಿ ಎಲ್ಲೊ ಬೆಳೆದು
ಗೂಡು ಬಿಟ್ಟು ಅಲಿಯುತ ದಿನವು
ಸುಮಧುರ ಕನಸನ್ನು ನೆನೆದು
ಹಾರುವುದು ಹೊಸ ಗೆಳೆತನ ಬೆಸೆದು

ಆಸೆ ತುಂಬಿದ ಕಣ್ಣುಗಳಲ್ಲಿ
ತೇಲುತ ಸವಿ ತಂಗಾಳಿಯಲ್ಲಿ
ಸುಂದರ ಸರಸಮಯ ಸವಿಯಲ್ಲಿ
ಹಾರುವವು ಭಾವನ ದಿಗಂತದಲ್ಲಿ

ಹದ್ದು ಗಿಡುಗದ ಭಯವನೆ ತೊರೆದು
ಬಿಸಿಲು ಚಳಿ ಮಳೆಯನ್ನೇ ಅಳಿದು
ಕಂಡ ಕನಸು ನನಸಾಗಿಸಲು
ಹಾರುವವು ಜೀವನ ಮಧುರವಾಗಿಸಲು

ಕಸ ಕಡ್ಡಿ ಹೆಕ್ಕಿ ತೆಗೆದು ಜೋಡಿಸಿ
ಕಟ್ಟುವವು ಹೊಸ ಗೂಡೊಂದು
ಕಾವು ಕೊಟ್ಟು ಮರಿಯನು ಮಾಡಿ
ಹಾರುವವು ಕಾಳು ಹುಡುಕಲೆಂದು

ಮುತ್ಸಂಜೆಗೆ ಮೊದಲು ಗೂಡಿಗೆ ಮರಳಿ
ತಂದ ಕಾಳು ಮರಿಗಳಿಗೆ ಉಣಬಡಿಸಿ
ಮುಂಜಾವಿಗೆ ಚಿಲಿಪಿಲಿ ಗುಟ್ಟುತ, ಮರಳಿ
ಹಾರುವವು ಜೀವನದ ಪಾಠವ ತಿಳಿಸಿ