ಮೆರಗು

ಒಲವೆ ನಿನ್ನ ಚಲುವ ಹೇಗೆ ವರ್ಣಿಸಲಿ
ಬಣ್ಣಿಸಲು ಕವನಗಳು ಸಾಲವು ಎಂದೆಂದು

ಹಾಕಿದ ಬಟ್ಟೆಗೆ ಹೊಸ ಮೆರಗು ನೀಡುವಿ
ಹಣೆಯ ಕುಂಕುಮಕ್ಕೆ ರೂಪ ಕೊಡಿಸುವೆಯೋ
ಬಟ್ಟಲು ಕಣ್ಣಅರಳಿಸಿ ಯಾಕೆ ನೀ ನೋಡುವಿ
ವಜ್ರದ ಮೂಗುತಿಗೆ ಹೊಳಪು ಕೊಡಿಸುವೆಯೋ

ನೀ ನೆಡೆದ ದಾರಿಯಲಿ ಪರಿಮಳವ ಸೂಸುವಿ
ಎಲ್ಲರೂ ತಿರುಗಿ ನೋಡುವ ಹಾಗೆ ಮಾಡುವಿಯೋ
ನಿನ್ನ ನೋಡಿದ ಹುಡುಗರ ಹಳ್ಳಕ್ಕೆ ಬೀಳಿಸುವಿ
ಮೆಲ್ಲಗೆ ನಸುನಕ್ಕು ನೋವ ಮರೆಸಿ ಬಿಡುವಿಯೋ

ಪೂರ್ಣ ಚಂದಿರನ ನೀ ಹಗಲಿನಲಿ ತೋರಿಸುವಿ
ನಿನ್ನ ಹೊಳಪಿನಿಂದ ರಾತ್ರಿ ಪ್ರಭೆಯ ತರಿಸುವಿಯೋ
ಅನಂಗನಾದರೂ ಅವನ ಮಂಗ ಮಾಡಿಬಿಡುವಿ
ನಿನ್ನ ಗುಣ ದಿಂದ ಎಲ್ಲವನ್ನು ಗೆದ್ದು ಬಿಡುವಿಯೋ