ಊರೆಲ್ಲಾ ಕರೋನ ವಕ್ಕರಿಸಿದೆಯಮ್ಮ
ಗುಡಿಸಲೂ ಮಳೆಯಲ್ಲಿ ಬಿದ್ದುಹೋಯ್ತು
ದುಂಡು ಪೈಪಲ್ಲಿ ಎಷ್ಟುದಿನ ಇರ್ಬೇಕಮ್ಮ
ಪಾತ್ರಿ ಪೊಡಗ, ಸಾಲಿಚೀಲ ಕೊಚ್ಚೊಯ್ತ
ನೀನಂತೂ ಸಾಲಿ ಕಲಿಲಿಲ್ಲ ಅಮ್ಮ
ಸಾಲಿ ಸೇರಿಸಿದ್ದಿ ಕೂಲಿ ದುಡ್ಕೂಡಿಟ್ಟು
ವರ್ಷದ ಪೂರ್ತಿ
ಓದು ನಿಂತೋಯಿತಮ್ಮ
ಫೀಜು ವಾಪಾಸ್ ಬರಲ್ಲ ಕೈಬಿಡ್ತು
ಸಾಲಿ ಇನ್ನು ಸುರುವಗಲ್ಲ ಅಮ್ಮಾ
ಯಾಕೆ ಹಾಕುತಿ ಈ ಸ್ಕೂಲ್ ಡ್ರೆಸ್ಸು
ಈ ಬಟ್ಟೆ ಮೈಮೇಲೆ ಇದ್ರೆ ಅಮ್ಮ
ಹೋಗ್ಬೇಕ್ ಅನಿಸ್ತಾದ ಸಾಲಿಗೆ ಸ್ವಲ್ಪೊತ್ತು
ದೊಡ್ಡಮನೆ ಹುಡುಗ್ರು ಓದುತ್ತಾರಂತಮ್ಮ
ಕಂಪ್ಯೂಟರ್ ಮುಂದೆ ಕುತುಗೊಂಡು
ರಾತ್ರಿ ಕತ್ತಲೆ ಬೆಳಕಿಲ್ಲದ ಪೈಪಮ್ಮ
ಓದೋದಿರ್ಲಿ, ಅಂಜಿಕೆ ಆಗ್ತದ ನಿಂತ್ಕೊಂಡ್ರು
