ಮುಂಗಾರು

ಮುಂಗಾರು ಮಳೆಯು ಬಂತು
ಮಧುರ ಗಾಳಿ ತಂತು
ಹನಿಯು ಅಂತು ಇಂತೂ
ಭುವಿಗೆ ಸೇರಿ ಹೋಯಿತು


ದಟ್ಟ ಮೋಡ ಬಂತು
ಬೆಳಕಿನಾಟ ತಂತು
ಕಮಲ ಬಿಲ್ಲು ಅಂತು ಇಂತೂ
ತೋರಣ ಕಟ್ಟಿ ಹೋಯಿತು


ಬೆಳಕು ಮೋಡಿ ಬಂತು
ಗಡಸು ದ್ವನಿಯ ತಂತು
ಮಿಂಚು ಅಂತು ಇಂತೂ
ಚಿತ್ತಾರ ಬಿಡಿಸಿ ಹೋಯಿತು


ಗಡಸು ನಿದಿರೆ ಬಂತು
ನಲ್ಲೆಯ ಕನಸು ತಂತು
ಪ್ರೀತಿ ಅಂತು ಇಂತೂ
ಸುರಿಸಿ ನಗಿಸಿ ಹೋಯಿತು


ನಲ್ಲೆಯ ಸಂದೇಶ ಬಂತು
ನವಿರಾದ ಉತ್ಸಾಹ ತಂತು
ಹೃದಯ ಅಂತು ಇಂತೂ
ಜಾರಿ ಹಾರಿ ಹೋಯಿತು

ಬಂಧನ

ಯಾವ ಪ್ರೀತಿಯು ಎಳೆಯಿತಿಂದು
ಮನಸು ಹಗುರವಾಗಿದೆ
ಯಾವ ಉಸಿರಲಿ ಉಸಿರು ಮಿಂದು
ಕನಸು ಸುಮಧುರವಾಗಿದೆ .....ಪ

ಹಸಿರ ತೋರಣ ಮಳೆಯ ಸಿಂಚನ
ವನದ ನಡುವೆ ಅಭಿನಂದನ
ತಿರುಗಿ ತಿರುಗಿ ಕುಳಿತ ಕಲ್ಲಿನ
ಮೇಲೆ ಕೆತ್ತಿದೆ ಹೃದಯ ಚಿತ್ರಣ

ಮಂಜು ಮುಸುಕಿದ ಬೆಟ್ಟ ದಲ್ಲಿನ

ತಂಪು ಗಾಳಿಯ ಸ್ಪಂದನ

ನವಿರೆಳುತಿಹುದು ಮೈ ಮನ

ತುದಿಯಲ್ಲಿ ಬೆಚ್ಚನೆ ಅಲಿಂಗನಾ

ತುಂಬಿ ಹರಿಯುವ ನದಿಯ ಅಂಚಿನ
ಮೇಲೆ ತೇಲುವ ಹಡಗಿನಾ
ಬಿಂಬ ನೋಡುತ ಹಗಲುಗನಸಿನ
ಲೋಕದಲ್ಲಿ ಬಾಹು ಬಂಧನಾ

ಕನಸು ನನಸಿನ ನಡುವೆ ಜೀವನ
ಹಸಿರು ತುಂಬಿದ ಚೇತನ
ಉಲ್ಲಾಸ ತಂದಿದೆ ವಿನೂತನ
ನಿನ್ನ ಒಲವಿನ ಚುಂಬನಾ

ಸುಳಿಯಲ್ಲಿ

ಏನಾದರೂ ಸಾಧಿಸು
ಮೊದಲು ಜೀವನದಲ್ಲಿ
ಅದಕಾಗಿ ಅನುದಿನವು
ಶ್ರಮ ವಹಿಸು ಕಲಿಕೆಯಲ್ಲಿ

ನಂಬದಿರು ಮುಂದೆ ನಟಿಸಿ
ಹಿಂದೆ ಕೆಡಕು ಬಯಸುವರಿಲ್ಲಿ
ಮೊದಲು ನೀ ಸದೃಢನಾಗು
ನಿಲುಕದ ಆ ಗುರಿ ತಲುಪುವಲ್ಲಿ

ಮುದುಡಿ ಮರೆ ಮಚುವುದು
ಮನಸು ಯವ್ವನದ ಆಸೆಗಳಲ್ಲಿ
ಕುರುಡಾಗುವುದು ಕಣ್ಣು
ಮೋಹದ ಆವರಿಸಿದ ಬಲೆಯಲ್ಲಿ

ಪ್ರೀತಿಯ ಹಿಂದೆ ಹೋಗಿ
ಬೀಳದಿರು ಸುಳಿ ಸುಳಿಯಲ್ಲಿ
ಅರಿಯದೆ ಅದರಾಳ
ಹೋಗದಿರು ಅದರ ಬಳಿಯಲ್ಲಿ