***ಕಾಡುಕೆಡಿಸೋ ಮೊದಲು ***

ಒಣಗಿ ಹೋದ ಮರವು ಹಳೆಯ 

ಕಥೆಯ ಹೇಳಲು ಬಯಸಿದೆ  

ಕಮರಿ ಹೋದ ಆಸೆ ವ್ಯೆಥೆಯ 

ಕೇಳಲು ಯಾರಾದರು  ಬರುವರೆ?

ಹಸಿರ ತುಂಬಿ ಉಸಿರ ಕೊಡುವ  

ಹರುಷವು  ಮರೆತುಹೋಗಿದೆ 

ಹಣ್ಣು ಹೂಗೆ ದುಂಬಿ ಬಣ್ಣ ತುಂಬಿ 

ಹಕ್ಕಿ ಚಿಟ್ಟೆ ಇಲ್ಲದೆ ಬರಡಾಗಿದೆ 

ನೀರು ಇಲ್ಲದೆ ಬೆಳೆಯಲಾರೆವು 

ಎಂಬ ಸತ್ಯವು ನಮಗೆ ಅರಿವಿದೆ 

ನೀರು ನಿಲ್ಲಿಸಿ ಕತ್ತ  ಕೊಯ್ದರು 

ಕಣ್ಣೇರು  ಹಿನ್ನಿರಲಿ ಬೆರೆತಿದೆ 

ಅರ್ಧ ಸಾಯಿಸಿ ಹಿಂಸಿಸಿಹರು 

ಜೀವ ನಲುಗಿದೆ ಸಾಯಲಾರದೆ

ದೋಣಿಯಲ್ಲಿ  ತೇಲುವ ಜನ 

ದಾರಿಗಡ್ಡ  ಎಂದು ತೆಗಳುತಲೇ  !!

ಎಂದು ಏನೋ ಮುಕ್ತಿ ನಮಗೆ 

ಒಂದೂ ಕ್ಷಣ  ತಿಳಿಯದಾಗಿದೆ 

ಮುಂದೆ ಕಾಡುಕೆಡಿಸೋ ಮೊದಲು 

ಮುಂದಾಲೋಚನೆ ಬೇಕಾಗಿದೆ 

ಉಸಿರು ಉಸಿರಲ್ಲಿ

ಎಲ್ಲಿರುವೆ ನನ್ನ ಚಲುವೆ 

ಹೇಗಿರುವೆ ಓ ಒಲವೆ 

ಕಣ್ಣು ಕಣ್ಣಲ್ಲಿ ಸೇರಿಸಿ ನಕ್ಕು 

ಕಣ್ಣು ಹೊಡೆದು ನನ್ನ ಸೆಳೆದೆ 

ಕಣ್ಣು ಕುರುಡಾಗುವ ಮುಂಚೆ 

ಕಣ್ಣ ಎದುರಿಗೆ  ನೀ ಬಾ ಚಲುವೆ 

ನಿನ್ನ ನೋಡಲು ಕಣ್ಣು ದಿನವು ಕಾಯುತಿದೆ 

ಕಣ್ಣಲ್ಲಿ  ನಿನ್ನಬಿಂಬ ಮೂಡಿಸು ಓ ಒಲವೆ 

 

ಉಸಿರು ಉಸಿರಲ್ಲಿ ನೀನಿರುವೆ 

ಉಸಿರು ಏರಿಸುತ ನೀ ನಡೆದೆ 

ಉಸಿರು ಕೊನೆಯಾಗುವ ಮುಂಚೆ 

ಉಸಿರಲ್ಲಿ ಉಸಿರಾಗು ಬಾ ಚಲುವೆ 

ನೀ ಇಲ್ಲದೆ ಉಸಿರು ನಿಂತ ನೀರಾಗಿದೆ 

ಉಸಿರ ನೀಡಿ ಪ್ರೀತಿಸು  ಓ ಒಲವೆ 

ಹೃದಯ ಹೃದಯದಲ್ಲಿ ಸೇರಿಸುತ  

ಹೃದಯ ನೋವನ್ನೇ ಮರಿಸಿಬಿಡು 

ಹೃದಯ ಬಡಿತ ನಿಲ್ಲುವ ಮುಂಚೆ 

ಹೃದಯ ತುಂಬಿತ ಬಾ ಚಲುವೆ 

ನೀ ಇಲ್ಲದೆ ಹೃದಯ ತುಂಬಾ ಬರಿದಾಗಿದೆ 

ಹೃದಯ ಆವರಿಸಿ ಬದುಕಿಸು  ಓ ಒಲವೆ 

ಕನಸು ಕನಸಲ್ಲಿ ಬರುತಿರುವೆ 

ಕನಸು ಕಟ್ಟಿ ನಾ ಕುಳಿತಿರುವೆ 

ಕನಸು ಸರಿದು ಜಾರುವ ಮುಂಚೆ 

ಕನಸು ನನಸಾಗಿಸು ಓ ಚಲುವೆ 

ನೀ  ಇಲ್ಲದಾ ಕನಸು ಎಂದೂ ಬೇಡವಾಗಿದೆ 

ಕನಸಲ್ಲೂ ನನಸಲ್ಲು ಜೊತೆ ಬಾ ಒಲವೆ