ಓಡೋಡಿ

ನಲ್ಲೆಯೇ ನಿನ್ನ ನೋಡಿ 

ಬರುವೆನು ಹಿಂದೆ ಓಡಿ

ನಿನ್ನ ಆ ರೂಪ ಕಾಡಿ 

ಕಣ್ಣ ಸೆಳೆಯಲು ಬಂದೆ ಓಡೋಡಿ 

ಸೊಗಸಾದ ಹಾಡನು ಹಾಡಿ

ಮೊಗತೋರಿದೆ ಮೋಡಿಯ ಮಾಡಿ 

ನಡೆವಾಗ ಬಳುಕುವುದನು ನೋಡಿ 

ಹಿಡಿಯಲು ಬಂದೆ ನಾ ಓಡೋಡಿ 

 

ನಗುವಾಗ ಕೆನ್ನೆ ಗುಳಿ ಮೂಡಿ 

ತೂಗುವ ಆ ಕೇಶ ಜೋತಾಡಿ 

ಬಿನ್ನಾಣದಿ ನಿಂತ ನಿನ್ನ ನೋಡಿ  

ಕೆನ್ನೆ ಸವರಲು ಬಂದೆ ಓಡೋಡಿ 

ಒಂದು ಬಾರಿ ಕೈ ಹಿಡಿದು ಕೂಡಿ 

ಬಂದು ಬಿಡು ನನ್ನ ಜೋಡಿ 

ಚಂದದಿ ನಗುತ ಪ್ರೀತಿ ಮಾಡಿ 

ಅಂದದಿ ಬಾಳುವ  ಜೋತೆಕೂಡಿ 

ಎಲ್ಲಿ ಹೋದೆ

ಎಲ್ಲಿ ಹೋದೆ ನನ್ನ ನಲ್ಲೆ 

ಬಂದು  ನಗುವ ಚಲ್ಲದೆ    \\ ಪ \\

ಬೆಲ್ಲ ದಂತ ಮಾತುಕೇಳಿ

ವರುಷವಾಯ್ತು ಮೆಲ್ಲಗೆ  \\ ಅ ಪ \\ 

ಹೃದಯ ಮೀಟಿ  ನುಡಿಸಿ ಹಾಡಿ 

ಬೆಳಗೋ ಕಂಗಳಿಂದ  ನೋಡಿ 

ಪ್ರೀತಿರಾಗ  ಬರಿದು  ಮಾಡಿ   \\೧ \\ ಎಲ್ಲಿ 

ಆಸೆಯಿಂದ  ಕನಸು ತುಂಬಿ 

ಭಾಷೆಯಿಂದ ಸೊಗಸು  ತುಂಬಿ 

ಹುಸಿ ವಿಷಯ ಹೃದಯ ತುಂಬಿ  \\೨\\ಎಲ್ಲಿ 

ಮಲ್ಲಿಗೆ ಹೂವ್ವಿನಂತೆ ನೀನು 

ಮೆಲ್ಲ ಮೆಲ್ಲಗೆ ತಿಳಿದೇ ನಾನು 

ಕಲ್ಲು ಮನಸು ಮಾಡಿ ನೀನು \\೩\\ಎಲ್ಲಿ 

ಇದ್ದು ಜೊತೆಗೆ ದಿನವು ಕಾಡಿ  

ತಿದ್ದಿ ತಪ್ಪನು ಪ್ರೀತಿ ಮಾಡಿ 

ಕದ್ದು ನನ್ನ ಹೃದಯ ಸೇರದೆ \\4\\ ಎಲ್ಲಿ 

ಕದ್ದು ಕದ್ದು

ಹೊಳೆಯುತಿರುವ ಕಣ್ಣೆ

 ಹೊಸದೇನು ಹೇಳಲಿ 

ಬೆಳಗುತಿರುವೆ ಕನ್ಯೆ 

ಹೇಗೆಲ್ಲ ನಾ  ಹೊಗಳಲಿ 

ಕಪ್ಪು ಕಾಡಿಗೆ ಹಚ್ಚಿ 

ಎದ್ದು ಬರುತಲಿದೆ ಹುಬ್ಬು 

ಒಪ್ಪುವಂದದಿ ಬಿಚ್ಚಿ 

 ಮುದ್ದು ಮಾಡುತಿದೆ ರೆಪ್ಪೆ 

ದಪ್ಪ ದುಂಡಿನ ಕೇಶ 

ಉದ್ದವಾಗಿ ಸೆಳೆಯುತಿದೆ  

ಬೆಪ್ಪನಾಗಿ ಬೆರಗಾಗಿ 

ನಾ  ಕದ್ದು  ನೋಡುತಿಹೆ   

ದುಂಡು ಮೊಗದಾ ನಡುವೆ

 ನವಿರಾದ ನೈದಿಲೆಯು 

ಚಂದದಾ  ತುಟಿಗಳ ಮೇಲೆ 

ನೀಳವಾದ ನಾಸಿಕವು 

ಅಂದದಿ ಹೊಳೆಯುವ 

ದಂತತುಂಬಿದ ಕಿರುನಗೆಯ 

ಬಂದು ಬೆರಗಾಗಿ ನಾ

ಕದ್ದು ಕದ್ದು ನೋಡುತಿಹೆನು 

ಮೆಲ್ಲಗೆ

ಹುಡುಗಿ ಹುಡುಗಿ ನನ್ನ 

ಬೆಡಗಿ ತಿರುಗಿ ತಿರುಗಿ ನೋಡು 

ಹುದುಗ ಹುಡುಗ ನೀನು 

ಗಿಡುಗ ಹಿಂದೆ ಬರದೆ  ಓಡು   ।। ಪ ।। 

ಕಣ್ಣಲ್ಲಿ ಕಣ್ಣಿಟ್ಟು ನೋಡು  

ಕೋತಿ ಮುಖಕ್ಕೆ ಅದು ಕೇಡು 

ನಿನ್ನ ಹಿಂದೆ ನಾನು  ಬಂದ್ರೆ 

ಏಳ್ಕೊಬೇಡ  ಸುಮ್ನೆ ತೊಂದ್ರೆ    ೧ 

ಕೈ ಕೈ ಹಿಡಿದು  ನೃತ್ಯ ಮಾಡು 

ನಿನ್ ಮೈ ನೆಟ್ಟಗೆಇದೇನಾ ನೋಡು 

ನಿನ್ನ ಮೇಲೊಂದು ಪ್ರೇತಿ ಹಾಡು 

ಆ ಧ್ವನಿಗೆ ಆಯಿತು ಕಿವಿ ಕಿವುಡು     ೨ 

ಹೂವು ಕೊಟ್ಟರೆ ಏನು ಮಾಡುವೆ 

ತುಳುದು ಹಾಕಿ ನಿನ್ನ ಕಾಡುವೆ 

ನಿನ್ನೇ  ಪ್ರೀತಿ ಮಾಡಿ ಗೆಲ್ಲುವೆ . 

ಕನಸು ಕಾಣೋದು ಬಿಡು  ಮೆಲ್ಲಗೆ ..  

ಗೆಳೆಯ

ಇರುವನು ಜೊತೆಯಲ್ಲಿ ಇದ್ದರು ಇರದಂತೆ 

ತರುವನು ನಗುವನು ಲತೆಯೇ ನಾಚುವಂತೆ  

ಎಳೆಯ ಚಿಗುರಿನಲಿ ಹೊಳೆವ ಇಬ್ಬನಿಯಂತೆ

ಬಿಳಿಯ ವಜ್ರದಲಿರುವ ಚಲುವ ಬಣ್ಣಗಳಂತೆ   

ಬೆಳಗುವ ದೀಪದಲಿ ತಿಳಿ ಎಣ್ಣೆ ಇದ್ದಂತೆ  

ಗೆಳೆಯ ನೀ ಇರುವೆ  ಚಂದಿರನ ಬೆಳಕಂತೆ 

ನೀರಿನಲಿ ತೇಲುವ ಕಮಲದೆಲೆಯಂತೆ ಸಾ-

ಗರದೊಳಗೆ ಹುದುಗಿದ ರತ್ನ ಪರ್ವತದಂತೆ 

ಹೂರಣದಲಿ ಸಿಹಿಯಾದ ಬೆಲ್ಲ ಬೆರೆತಂತೆ   

ಇರುವೆ ನೀ ಗೆಳೆಯ ಎಲೆಮರೆ ಕಾಯಂತೆ

ಮಳೆಗಾಲದಲಿ ಸಿಗುವ ಆಸರೆಯ ಮರದಂತೆ 

ಚಳಿಗಾಲದಲಿ ಹೋದೆವ ಕರಿ ಕಂಬಳಿಯಂತೆ 

ಬಳಲಿದ ಬೇಸಿಗೆಯಲ್ಲಿ ಬರುವೆ ತಂಗಾಳಿಯಂತೆ 

ಗೆಳೆಯ ನೀ ಇರುವೆ  ಚುಲುಮೆಯ ಸೆಲೆಯಂತೆ 

--ಜೀವನ ಜ್ಯೋತಿಯಂತೆ  

ಸನಿಹ

ನೀ ಇಲ್ಲದಿದ್ದರೇನಂತೆ ನಿನ್ನ ಬಿಂಬ
ಜೊತೆಯಲಿ ಇರುವುದು ಹುಣ್ಣಿಮೆ ಬೆಳಕಂತೆ  \\

ಚಂದಿರನಲಿ  ಚಂದಿರನಂತೆ  ಕಮಲದಲಿ ಕಮಲದಂತೆ
ಹೊಳೆಯುತಿದೆ ನಿನ್ನ ಕಣ್ಣುಗಳು  ಸೂರ್ಯನ ಪ್ರತಿಬಿಂಬದಂತೆ

ಹವಳದ ತುಟಿಯಂತೆ ದಂತದಲಿ ದಾಳಿಂಬೆ ಜೋಡಿಸಿದಂತೆ
ನೀ ನಕ್ಕಾಗ ಜಾರಿ ಬೀಳುವವು ಮುತ್ತುಗಳು ಜಲಪಾತದಂತೆ

ಮೋಡದಲ್ಲಿ  ಮೂಡುವ ಚಿತಾರದಂತೆ  ಸಾಗರದ ಏರು ಅಲೆಗಳಂತೆ
ನೀ ಜೊತೆಇಲ್ಲದಿದ್ದರು ಬೀಳುವುದು ಕನಸು ನೀ ನನ್ನ ಸನಿಹ ಇದ್ದಂತೆ

ನೋಟದೊಳಗೊಂದು

ನೀ ನೋಡುವ ನೋಟಕೆ ಏನೆಂದು ಹೆಸರಿಡಲಿ 

ನೋಟದೊಳಗೊಂದು ಪ್ರೀತಿ ಚುಮ್ಮುತಿಹುದು 

ನಗುವಿನ ಉಲ್ಲಸಕೆ ನಾ ಹೇಗೆ ಸ್ಪಂದಿಸಲಿ  

ಉಲ್ಲಸದೊಳಗಿಂದ ಕನಸು ಹೊಮ್ಮುತಿಹುದು  

ನಿನ್ನೆದೆಯ ಮಿಡಿತದಕೆ ಸುಸ್ವರ  ಹಾಡುತಿರಲಿ    

ಮೋಹದ ಅಲೆಗೆ ಮನಸು ರಮ್ಯವಾಗುತಿಹುದು 

ನಿನ್ನೊಲುಮೆಯ ಸ್ಪರ್ಶಕೆ ಬಡಿತ ಏರುತಿರಲಿ 

ನವಿರಾಗಿ ನಾಚಿಕೆಯು  ಭಾಸ್ಮವಾಗುತಿಹುದು 

ನಿನ್ನುಸಿರ ಉಸಿರಲ್ಲಿ ನನ್ನಹೆಸರು ಹುದುಗಿರಲಿ 

ಒಲವಿನ ಲೋಕದವು  ಹೆಮ್ಮರವಾಗುತಿಹುದು 

ನೀ ಇಲ್ಲದೆ ನಾ ಇಲ್ಲ ಎಂದು ಸಾರಿ ಹೇಳುತಲಿ 

ನನ್ನೊಳಗಿನ ಮೃದು ಹೃದಯ ಕೆಮ್ಮುತಿಹುದು 

ನನ್ನನಾವರಿಸಿ ಬಳಿಬಂದು ಬಿಗಿದಪ್ಪಿಕೊಳ್ಲುತಲಿ 

ನೀ ನನಗಾಗಿ ಎಂದು ಹೆಮ್ಮೆಯಿಂದ ಹೇಳಬಹುದು 

ಕೊಲ್ಲದಿರು ನೀನು

ಹೃದಯವೇ ಹೃದಯವೇ 

ನಾ ನಿನ್ನ ಬಿಟ್ಟು ಹೇಗಿರಲಿ 

ಬೇಗ ಬಾ ಬೇಗ ಬಾ  

ನಾ ನಿನಗಾಗಿ ಕಾದಿರುವೆ  ||

ನನ್ನ ಉಸಿರ ಉಸಿರಲ್ಲಿ  ಸೇರಿರುವೆ ನೀನು 

ನೀನಿಲ್ಲದೆ ನಾ ಉಸಿರಾಡುವುದು  ಹೇಗೆ  

ನನ್ನ ಕಣ್ಣ ನೋಟದ ಬೆಳಕಾಗಿರುವೆ ನೀನು 

ನೀನಿಲ್ಲದೆ ನಾ ನೋಡುವುದಾದರೂ ಹೇಗೆ  

ನನ್ನ ಕಿವಿಗಳು ಕೇಳದೆ ಕಿವಿಡಾಗಿಸಿರುವೆ ನೀನು 

ನಿನ್ನದಲ್ಲದಾ  ಧ್ವನಿ  ಕೆಳುವುದಾದರು ಹೇಗೆ  

ನನ್ನ ಊಟದ ಸಿಹಿ ಹುಳಿ ಖಾರವೂ ನೀನು 

ನೀನಿಲ್ಲದೆ  ನಾಲಿಗೆಯ ರುಚಿಸುವುದಾದರು ಹೇಗೆ  

ನನ್ನ ತುಟಿಯ ತುದಿಯಲಿ ಕುಳಿತಿರುವೆ ನೀನು  

ನೀನಿಲ್ಲದೆ ಹಸಿವೆ ನಿದಿರೆ ಬರುವುದಾದರೂ ಹೇಗೆ 

ನನ್ನ ಕಣ ಕಣ ರಕ್ತದಲಿ ಹರಿಯುತಿರುವೆ ನೀನು 

ನೀನಿಲ್ಲದೆ ಹೃದಯ ಬಡಿಯುವುದದರು ಹೇಗೆ 

ಕೊಲ್ಲದಿರು ಕೊಲ್ಲದಿರು ದೂರ ಹೋಗಿ ನೀನು 

ನೀನಿಲ್ಲದೆ ಜೀವನ ಸಗುವುದಾದರು  ಹೇಗೆ 

ಬಂದು ಬಿಡು ಮುಂಗಾರು ಮಳೆಯಂತೆ ನೀನು 

ನೀನಿಲ್ಲದೆ ಪ್ರೀತಿ ಬೆಲೆ ಬೆಳೆಯವುದದರು ಹೇಗೆ

ಹೊಂದಾಣಿಕೆ

ಮಾತು ಮನಸನ್ನ ಮುರಿದರೆ 

ಮೌನ ಹೃದಯವನ್ನು ಒಡೆಯುತ್ತದೆ 

ಪ್ರೀತಿ ಆಸೆಗಳನ್ನ ಕುಣಿಸಿದರೆ  

ದ್ವೇಷ ದೇಹವನ್ನು ಕುದಿಸುತ್ತದೆ 

ಆಭರಣ ರೂಪವನ್ನು ಹೆಚ್ಚಿಸಿದರೆ 

ಅಳು ಮುಖವನ್ನು  ಕೆಡಿಸುತ್ತದೆ 

ನೋಟ ಹಿತವನ್ನು ಬೀರಿದರೆ 

ಚಟ  ಚಟ್ಟವನ್ನು  ಏರಿಸುತ್ತದೆ 

ನಲಿವು ಉತ್ಸಾಹ ತಂದರೆ 

ಹಸಿವು ಹೊಸ ಪಾಠ ಹೇಳುತ್ತದೆ  

ಊಟ  ದಾಹವನ್ನು ನೀಗಿಸಿದರೆ 

ಪೇಚಾಟ ಮನುಶನನ್ನ ಕುಗ್ಗಿಸುತ್ತದೆ 

ವಿದ್ಯಾ ತನ್ನ ತನವನ್ನು ಕಲಿಸಿದರೆ

ಹಣ ತನ್ನವರನ್ನು ದೂರವಿಡುತ್ತದೆ 

ಹೊಂದಾಣಿಕೆ ಮನೆಯನ್ನು ಬೆಳಗಿದರೆ 

ಹೊಡೆದಾಟ ಸಂಭಂದಗಳ ಒಡೆಯುತ್ತದೆ 

ಕನಸು ಸೊಗಸನ್ನು ತಂದರೆ  

ಮುನಿಸು ಮನುಶತ್ವವನ್ನು ಸುಡುತ್ತದೆ

ಸ್ವಂತಿಕೆ

ಮೋಡದ  ಹಿಂದೆ ಇಣಿಕಿ ನೋಡದಿರು 

ತೋರು ಮೊಗವನ್ನ ಮಳೆಗಾಲದಲ್ಲೂ 

ಎಲ್ಲಿ ಓದಿ ಹೋಗುವೆ ಅಮಾವಾಸ್ಯೆ ಯಂದು 

ತಪ್ಪದೆ ಬಾ ಹತ್ತಿರ ಹುಣ್ಣಿಮೆ ದಿನದಂದು 

ಹಗಲು ರಾತ್ರಿ ಎನ್ನದೆ ನೀ ಹುಟ್ಟುವೆಯಲ್ಲ 

ಯಾಕೆ ನಿರ್ದಿಷ್ಟ ಸಮಯ ಪಾಲಿಸುವುದಿಲ್ಲ 

ಬೆಳೆಯುವ, ಕ್ಷೀನುಸುವುದು ನಿನ್ನ ಗುಣವೆಂದು 

ಜನ ಗೊಣಗುವ ಮುನ್ನ ಮುಖ ತೋರು ಬಂದು 

ಸೂರ್ಯನ ಬೆಳಕನ್ನು ಪ್ರತಿಬಿಂಬಿಸುವೆಯಲ್ಲ 

ನಿನ್ನ ಸ್ವಂತಿಕೆಯ ಪರಿಚಯ ಯಾರಿಗೂ ತಿಳಿದಿಲ್ಲ 

ತಿಳಿಸು ನೀ ಇಲ್ಲದೆ  ಸಮುದ್ರ ಉಕ್ಕೆರುವುದಿಲ್ಲ 

ಭೂಮಿ ತನ್ನ ಪಥದಲ್ಲಿ ಚಲಿಸುವುದಿಲ್ಲವೆಂದು !

ಪ್ರೀಮಿಗಳು ಮಧುಚಂದ್ರಕ್ಕೆ ಹೋಗಲಾರಾರೆಂದು!

ಋತು

ಋತು ಬದಲಾವಣೆಯಿಂದ 

ಹೊಸ ಗಾಳಿಯು ಬೀಸುತಿದೆ

ವಿಜಯ ತುಂಬಿದ ಸಂವತ್ಸರದ 

ನವ ವಸಂತವು ಬರುತಲಿದೆ

ಕರಿ ಕೋಗಿಲೆ ಚಿಗುರನು ತಿನ್ನುತಲಿ 

ಸ್ವರ ಹಿಡಿದು ಹಾಡುತಿದೆ

ಹೂಗಳ ಗೊಂಚಲ ತುದಿಯಲ್ಲಿ   

ಭೃಂಗಗಳು  ಸುಸ್ವರ ಸೂಸುತಿವೆ 

ಬಣ್ಣ ಬಣ್ಣದ ಹೂಗಳ ಚಂದವನು  

ಬರಿ ಪದಗಳಲಿ ಬಣ್ಣಿಸಬಹುದೆ  

ಪ್ರಕೃತಿಯ ಹಸಿರು ಉಡುಗೆಯನು  

ಹೊಸ ಹಾಡಲಿ ಹರಿಬಿಡಬಹುದೆ

ನೂತನ ಸೃಷ್ಟಿಯ ಆಗಮನ 

ಧರಣಿಗೆ ಹೊಳಪನು ನೀಡುತಿದೆ 

ವಿನೂತನ ಭಾವದ  ಆಸೆಗಳು 

ಮೂಡುತ ಮೈ ಮನ ಕುಣಿಸುತಿದೆ

ಜೋ... ಜೋ

ಮಲಗು  ಮಲಗೆನ್ನ ಮುದ್ದಿನ ಗಿಣಿಯೆ 

ಅಗೆದರು ಬರಿದಾಗದ ಪ್ರೇಮದ  ಗಣಿಯೆ 

ತುಂಬಿ ತುಳುಕುತಿದೆ ಪ್ರೀತಿಯ ಹೊಳೆಯೇ 

ಮಲಗುಸಿವೆ ಎದೆಮೇಲೆ ಸುರಿಸುತ್ತ  ಮುತ್ತಿನ ಮಳೆಯೇ     ಜೋ... ಜೋ 

ಹಗಲೆಲ್ಲ ಸುತ್ತಾಡಿ ಕಾಲು ನೋವುತಿದೆಯೇ 

ಮೃದುವಾದ ಪಾದಕ್ಕೆ ಬೆಣ್ಣೆ ಹಚ್ಚಿ  ವತ್ತುವೆ   

ಇರುಳಲ್ಲಿ ತಾರೆಗಳಂತೆ ಮಿನುಗುತಿಹೇ ಚಲುವೆ   

ಮಲಗಿಸುವೆ ಬಿಗಿದಪ್ಪಿ ಸುರಿಸುತ್ತ ಒಲವಿನ ಸುಧೆಯೇ  ..  ಜೋ... ಜೋ  

ಮೆತ್ತನೆ ಹಾಸಿಗೆಗೆ  ಮಲ್ಲೆ ಗುಲಾಬಿ ಜೋಡಿಸಿರುವೆ  

ಹಿತವಾದ ರಾತ್ರಿಯಲಿ  ಚಂದಿರನ ಕರೆತರುವೆ  

ಮಲಗದೇ ಹೇಗೆ ನನ್ನ ಆಟ  ಆಡಿಸುವುದು ಸರಿಯೇ 

ಮಲಗುವ ಬಾ  ಮನದಿನ್ನೇ ಸವಿಯುತ್ತ  ಜೇನಿನ ಹನಿಯನ್ನೇ    ಜೋ... ಜೋ 

ಅವರಾರಿಲ್ಲ

ನಲ್ಲೆ ಆಣೆ  ಮಾಡಿ ಹೇಳುವೆ ಪ್ರೀತಿಸಿದ್ದು ನಿನ್ನೋಬ್ಬಳನ್ನೇ
ತಲೆಎತ್ತಿ ಅಂದದ  ಹುಡಿಗಿಯರ  ಎಂದು ನೋಡದೆ ಬಂದೆನೆ 

ಸುಮ್ನೆ ಯಾಕೆ ಸುಳ್ಳು ಹೇಳ್ತಿಯ  ನಿನ್ನ ಸುತ್ತ ಹುದುಗಿರ ದಂಡೆ ಇರ್ತಿತ್ತು
ಅವರ ಜೊತೆ ನಲಿದಾಡಿದ ಸಮಯದಿ ಕವನಗಳು ಹೊರಬರ್ತಿತ್ತು

ಸುತ್ತ ಸುಂದರ  ಹುದುಗಿಯರಿದ್ರು ಆದರೆ ಎಲ್ಲರೂ  ರಾಕಿ  ಕಟ್ಟಿದ್ರು  
ಒಲವ ಚಲುವ ಆರಾಧನೆ ಇಂದ ಕವನ ತಾನಾಗೆ ಬರ್ತಿದ್ವು 
ಬರೆದ ಕವನಗಳನ್ನೆಲ್ಲ  ಓದಲು ಅವರು ಹಾಗೆ ಸೇರ್ತಿದ್ರು

ಮಾತಿಗೊಂದು ಸುಳ್ಳು ಹೇಳುವ  ಕೃಷ್ಣನ ಜಾತಿಗೆ ನೀ ಸೇರದವನು
ಮುಖವ ನೋಡದೆ  ಅಂದ ಚಂದದ ವರ್ಣನೆ ಕವಿತೆಲಿ ಹೇಗೆ ಇರ್ತಿತ್ತು

ಮನಸಿನಲ್ಲಿ ಬಂದ  ಭಾವನೆಯ ಕನಸು ನಂಗೆ ದಿನಾ  ಬೀಳ್ತಿತ್ತು
ಕನಸಿನಲಿ ಮೂಡಿದ ರೂಪದ ಚಂತನೆ  ಕವನದಲಿ ಹೊರಬರ್ತಿತ್ತು
ಅದರ ಆರಾಧನೆ ಇಂದ ನಿನ್ನಲಿ ಪ್ರೀತಿ ಉಕ್ಕಿ ಹರಿತಿತ್ತು

ಒಟ್ಟಿನಲ್ಲಿ ನಿನ್ನ ಕವನಗಳ ವಸ್ತು ನಾನು ಯಾವತ್ತು ಆಗಿಲ್ಲ
ಕನಸಿನ ಹುಡಿಗಿ ಜೊತೇನೆ ಹೋಗಿ ಸಂಸಾರ ಮಾಡು ನೀನು ನನಗೆ ಬೇಕಿಲ್ಲ

ಎಸ್ಟೆ ಸುಂದರ ಹುದಿಯರು ಇದ್ರೂ ನಿನ್ನಂತೆ ಅವರಾರಿಲ್ಲ
ಕೆಲಸದ ಬಳಿಕ  ಕಲ್ಯೆಳೆಯುವ ಅವರ  ನಿನ್ ಜೊತೆ ಹೋಲಿಕೆ ಸರಿಹೊಗಲ್ಲ
ಹೃದಯ ತುಂಬಿ ಪ್ರೀತಿಸುವ ನಿನ್ನ ನಾನು ಎಂದೆಂದು  ಮರಿಯಲ್ಲ :)

ನೀನಾರೋ

ಹಿತವಾದ ಬೆಳಕಲ್ಲಿ  ಸುಳಿವ ತಂಗಾಳಿಯಲಿ
ನಕ್ಷತ್ರದಂತೆ ಹೊಳೆವವ  ನೀನಾರು ?

ಬೆಚ್ಚಗಿನ ಹೊದಿಕೆಯಲಿ ಅವಿತು
ಕಿಟಿಕಿಯ ಬಳಿ  ಇಣಿಕಿ ಕದ್ದು ನೋಡುವವ ನೀನಾರು

ಕಾಮನ ಬಿಲ್ಲಿನಲಿ ಮಲ್ಲಿಗೆ ಹೂ ಬಿಟ್ಟು 
ಹೃದಯಕೆ ಗುರಿಇಟ್ಟು  ಹೊಡೆದವ  ನೀನಾರು
ರತಿಯು ನಾಚುವಂತೆ ನಾಚಿಕೆಯು
ಬರುತಿಹುದು ಅದನೋಡಿ ನಗುತಿರುವವ  ನೀನಾರು

ದೂರದಲಿ ನಿಂದು ಹಾರುವ ಮುತ್ತನ್ನು
ಕೊಟ್ಟು  ಮೈ ಬಿಸಿ ಏರಿಸುತಿರುವವ ನೀನಾರು
ಹುಣ್ಣಿಮೆ ರಾತ್ರಿಯಲಿ ಆಸೆಗಳ ಉಕ್ಕಿಸಿ
 ಸೇರೆಯಿಡಿಯಲು  ಬಂದವ  ನೀನಾರು

ಹೃದಯಕ್ಕೆ ತಂತಿಯ ಬಿಗಿದು ಪ್ರೀತಿರಾಗವ
ನುಡಿಸಿ ನನಗಾಗಿ ಮಿಡಿಯುವವ ನೀನಾರು  
 
ಎಲ್ಲಿ ನೋಡಿದರಲ್ಲಿ ನಿನ್ನದೇ ನೆನಪಾಗುವುದು
ಚಂದಿರನಲಿ ಅವಿತಿರುವವನೆ ನೀನಾರೋ

ಪ್ರೀತಿಸುವ ದಿನದಂದು ಬಿಳಿಯ ಉಡುಗೆಯ
 ಉಟ್ಟು ಕೆಂಗುಲಾಬಿ ಇಟ್ಟವನು ನೀನಾರೋ
ನೀ ಇಟ್ಟ  ಗುಲಾಬಿಯ ಮುಡಿದು ಎದುರಿಗೆ
ಬಂದರೋ  ಅರಿಯದೆ ಹೋಯಿತೆ ನಾನ್ಯಾರೋ

ನೆನಪಾಯಿತು

ದೂರದ ಉರಿನಲ್ಲಿ ಹಿಮದ ಆ ಮಳೆಯಲಿ
ಛಳಿಯ ಆ ಗಾಳಿಗೆ ನಿನ್ನ ನೆನಪಾಯಿತು

ಮೋಡಗಳ ಮರೆಯಲಿ ಬೆಳ್ಳಿ ಅರಮನೆಯೊಂದು
ನೋಡ ನೋಡುತ್ತಲೇ ಅನಾವರಣವಾಯಿತು 
ಮುಂಜಾವಿನ ಗಾಳಿಯ ಮಹಡಿಯ ಕಿತಿಕಿಯಲಿ
ನಿನ್ನ ಮುಂಗುರುಳು ಹಾರುತ್ತ ನನ್ನ ಕರಿತಿತ್ತು

ಉದಯಿಸಿದ ಸೂರ್ಯನ ಕಿರಣಗಳು ಬಿದ್ದಂತೆ
ನಿನ್ನ ಕಣ್ಣುಗಳು ಬಿಡದಂತೆ ನನ್ನ ನೋಡುತ್ತಿತ್ತು
ನೀ ಬರೆದು ಕೊಟ್ಟ ಪತ್ರವ ಹಿಡಿದ ಹಂಸವೊಂದು
ಹಾರುತ್ತ ಹಾರುತ್ತ  ನನ್ನಕಡೆ ಬಂದಂತೆ ಆಯಿತು 

ನಿನ್ನೊಲುಮೆ ಅರಮನೆಗೆ  ಪ್ರೀತಿಯ ಸೆರೆಮನೆಗೆ
ಭಂದಿಸಿ ಕರೆತರುವಂತೆ  ಪತ್ರದಲಿ ಬರೆದಿತ್ತು
ಹೆಗಲಲಿ  ಕೂರಿಸಿಕೊಂಡು ತೇಲುತಾ  ಸಾಗಿದ ಹಂಸ
ನಿನ್ನ ಹೃದಯದಾ ಅರಮನೆಗೆ ಸೇರಿದಂತಾಯಿತು

ಒಲವಿಂದ ನೀ ಬಂದುದೂರದಿಂದಲೇ ನಿಂತು  

ಚುಂಬಿಸಿದಾಗ ಮೈ ಬೆವರಿ ನೀರಾಯಿತು 

ಬಂದಿಯಾಗಿರುವೆ  ಒಳಗೆ ಬಳಿಬಂದು ಬೀಗ ತೆಗೆ 

ತೆಗೆದಾಗ ಬಾಗಿಲು ಮಂಚದಿಂದ ಬಿದ್ದಂತಾಯಿತು