ಹೊಸವರ್ಷ 2015

ಬಾಂಬ್ ಸ್ಪೋಟದ ರಕ್ತ ಚಲ್ಲಿತ್ತು 

ಸೂತಕದ ಛಾಯಯೂ  ಇತ್ತು 

ಆತಂಕದ ಮಧ್ಯ ಖಾಕಿ ದಂಡಿತ್ತು 

ಆದರೂ ರಸ್ತೆತುಂಬಾ ಸಂಬ್ರಮವಿತ್ತು 

ಉಗ್ರರ ಕರಿನರಳು  ಬಿದ್ದು  

ಶ್ವಾನಗಳು ವಾಸನೆ ಹುದುಕುತಿತ್ತು 

ಆದರೂ ದೀಪದ ಅಲಂಕರವಿತ್ತು 

ರಸ್ತೇಲಿ ಬಿಸಿರಕ್ತದ ಪಡೆಯೇ ತುಂಬಿತ್ತು 

ಮಳೆಯ ಉಲ್ಲಾಸದ ಸಿಂಚನವಿತ್ತು 

ತೊಳೆದು ಹಳೆಯದೆಲ್ಲವ ಮರೆಸಿತ್ತು 

ಛಳಿಯ ಮಧ್ಯದಲ್ಲೂ  ಮುದವಿತ್ತು 

ಹಳೆ ಬಾಗಿಲಿಗೆ ಹೊಸ ತೋರಣವಿತ್ತು  

ಮಧುರ ನೆನಪುಗಳ ಹೊತ್ತು 

ಹೊಸಾ ಕನಸುಗಳು ಸಿಹಿ  ಇತ್ತು 

ವಿಷಾದಕ್ಕೆ ದಿಟ್ಟ ತಿಲಾಂಜಲಿ ಇಟ್ಟು 

ವಿನೋದದ ಹೊಸವರ್ಷ ಬಂದೇಬಿಟ್ಟಿತು 

ಹೊಸವರ್ಷದ ಶುಭಾಶಯಗಳು 

ಗುಬ್ಬಚ್ಚಿ

ಹುಡುಕುತಿಹೆ ಹೊಸಜಾಗ 

ಗೂಡೊಂದನು ಕಟ್ಟಲು
ಕಡಿದು ಹಾಕಿದರು ಹಳೆ
ಗೂಡ ತಿಳಿದ ಉಗ್ರರಿವರು

ಬಡಿದಾಡುತಿವೆ ಮರಿಗಳು
ತಡಿಯದಾಗದೆ ಈ ಚಳಿ
ಹೂಡಲಾರೆ ನಿಮಂತೆ
ಬಂಡಿ ಮನೆಯಿಂದ ಮನೆಗೆ

ಕಡ್ಡಿ ಕಸ ಹೆಕ್ಕಿ ತರಬೇಕು
ಅಡವಿ ಇದೆ ಅನತಿ ದೂರ
ಕೆಡದಂತೆ ಕಟ್ಟಬೇಕು ಹೊಸ
ಗೂಡು ಯಾರಿಗೂ ಸಿಗದಂತೆ

ಅಟ್ಟದಿರಿ ಉರ ಹೊರಗೆ
ಅಸ್ಪೃಶ್ಯತೆ ನಮಗಿಲ್ಲ
ಅತ್ತಾಗ ಮಕ್ಕಳಿಗೆ ತೋರಿಸಲು
ಗುಬ್ಬಚ್ಚಿಗಳು ನಾವು ಸಿಗುವುದಿಲ್ಲ

ಗಾಳಿ ಬೆಳಕು ಮರ ಗಿಡ
ನಿಮಗೊಂದೇ ಮೀಸಲಿಲ್ಲ
ಬದುಕಿ ಬದುಕಲು ಬಿಡಿ
ಇರಲಿ ಸಹಬಾಳ್ವೆ ನಮಗೆಲ್ಲ

ಅಲ್ಲೇನು ನೋಡುತ್ತಿರುವೆ

ಅಲ್ಲೇನು ನೋಡುತ್ತಿರುವೆ

ಹಚ್ಚೋಣ ದೀಪ

ಪ್ರಣತಿ ಎಣ್ಣೆಯ  ಒಡಲು
ಪ್ರೀತಿ ತುಂಬಿದ ಕಡಲು
ಬೆಳಗುತಿರಲಿ ದೀಪ ಹಗಲು ಇರಿಳು 

ದ್ವೇಷ ಅಸೂಯೆ ಬದಲು
ಮನಸ ಕೊಳೆಯನು ತೊಳೆದು
ಬೆಳಗಿಸುವ ಸ್ನೇಹ ಸುರಿಸಿ ಸೊಗಸು 

ಓಡಿಸಿ ಅಜ್ಞಾನದ ಕತ್ತಲು
ಹಚ್ಚೋಣ  ದೀಪ ಸುತ್ತಲು
ಬೆಳಗುರಿತಲಿ ಜ್ಞಾನ ಹರಿಸಿ ಹೊನಲು 

ಗಿಳಿಯೇ

ಚಂದದ ಗಿಳಿಯೇ ಬಾರೋ 

ಮುದ್ದಾದ ಹಾಡು ಹಾಡೋ 

ಹಚ್ಚ ಹಸಿರ ರೆಕ್ಕೆ ಬಿಚ್ಚಿ 

ಹೊಸ ಉಲ್ಲಾಸ ತಾರೋ ...

 

ಮಾವಿನ ಮರವ ಹುಡುಕಿ 

ಮಾಗಿದ ಕಾಯಿ ಕಚ್ಚೋ 

ದಾಳಿಂಬೆ ತೋಟಕೆ ನುಗ್ಗಿ 

ಸಿಹಿ ಹಣ್ಣಿಗೆ  ಧಾಳಿ ಮಾಡೋ 

ಹಣ್ಣಿನ ರುಚಿಯನ್ನ ಸವಿದು 

ಉಳಿದ ಗಿಳಿಗಳ ಕರಿಯೋ 

ಚಿಲಿಪಿಲಿ ಗುಟ್ಟುತ ಹಾರಿ 

ಮರಿ ಗಿಳಿಗೆ ಗುಟುಕು ನೀಡೋ 

ಹಸಿರಎಲೆ ಹಿಂದೆ ಕುಳಿತು 

ಕಣ್ಣು ಮುಚ್ಚಾಲೆ ಆಡೋ 

ರೆಂಬೆ ರೆಂಬೆ ಹಾರುತ  

ಮುದ್ದು ಮಾಡುತ ಕೂರೋ 

ವಸುಧೆ

ಹರನು ಜಡೆ ಸರಸಿ 
ಹರಿಯಬಿಟ್ಟ ಭಾಗಿರಥಿಯೋ 

ಹಸಿರ ಸೀರೆಯನುಟ್ಟು 
ಹಸಿಹಾಲು ಸುರಿಸೋ ಗಂಗೆಯೋ 

ವಸುಧೆಯೋಳಗಿನ 
ರಸಿಕ ಲೋಕದ ಒಡಲೊ 

ಹಸನಾದ ನಿತ್ಯ ಕಾನನದ 
ಹೊಸತಾದ ಝುಳು ಲಹರಿಯೋ 

ಉಸಿರಿಗೆ ಮೋಹ ತರುವ 
ವಸುಗೆಯಾಗದ ಮಾಯಾಂಗನೆಯೊ 

ಪಿಸುಮಾತಿಗೆ ಶರಣಾದ
ಹಸಿರು ತುಂಬಿದ ನವ ವಧುವೋ

ಹಸಿವ ಮರೆಸಿ ಮುದನೀಡುವ 
ಹೊಸರೂಪದ ಮೃಷ್ಟಾನ್ನವೋ 

ಕವಿಗಳಿಗೆ ಸ್ಪೂರ್ತಿ ತುಂಬೋ 
ನವಿರಾದ ಜೀವ ಜಲಪಾತವೋ

ಬಸವಳಿದು ಹೋಗಿರುವೆ ನಾ 
ನುಸುಳದಾಗಿವೆ ಪದಗಳು ಚೆಲುವ ವರ್ಣಿಸಲು !!

(ಚಿತ್ರಕ್ಕಾಗಿ ಬರೆದ ಕವನ )

ಬರಗಾಲ

ನಲ್ಲನ ಪ್ರೀತಿಯ ಸಂದೇಶ 

ಬಂದರಾಗಲೇ ವಸಂತಕಾಲ 

ಚಲ್ಲಿ ಅರಳಿದ ಗುಲಾಬಿ ಹೂವು 

ಕಿರುನಗೆಯಬೀರಿದಾಗಲೇ ಮಳೆಗಾಲ  

ನಲ್ಲೆ  ಪ್ರೀತಿ ಕಣ್ಣಲ್ಲಿ ನೋಡಿ ಒಪ್ಪಿ 

ಅಪ್ಪಿಕೊಂಡರಾಗಲೇ ಚಳಿಗಾಲ 

ವಲ್ಲೆ ನಿನ್ನ ಸಹವಾಸ  ಎಂದು  

ಮುನಿಸಿಕೊಂಡಾಗಲೇ ಬೇಸಿಗೆಕಾಲ 

ಬೆಲ್ಲ ಕಡಲೆ ತಾಳಿ ಒಣಕೊಬ್ಬರಿ 

ಜೊತೆಇಟ್ಟಾಗಲೇ ಮುಹೂರ್ತಕಾಲ 

ಇಲ್ಲವಾದರೆ ಜೀವನ ಪೂರ್ತಿ 

ಕಂಡು ಕೇಳರಿಯದಾ ಬರಗಾಲ .. ಬರಗಾಲ !!

ಚದುರಿ ಹೋದವು ಮುತ್ತು

ಮುತ್ತಿನಹಾರವಧರಿಸಿ ಮನಸೆಳೆದ ಗೆಳತಿಯ 
ಕತ್ತನು ನೋಡಿ ಮೂಡಿತು ಪ್ರೀತಿ ಕಣ್ಣಂಚಿನಲ್ಲಿ
ಹತ್ತಿರ ಬಂದು ಬರಸೆಳೆದು ತಬ್ಬಲು ದೇಹ
ಚಿತ್ತಾರವಾಯಿತು ಸಂಚಲನ ತುಂಬಿದ ಸ್ಪರ್ಶದಲ್ಲಿ

ಭಂದಿಯಾಗಿವೆ ಹೃದಯ ಏರಿಸುತ ನಾಡಿ ಬಡಿತ
ಹೊರಳಾಡುತಿವೆ ಮುತ್ತು ಆ ಬಿಗಿ ಹಿಡಿತದಲ್ಲಿ
ಚಂದಿರನ ಬೆಳಕಲ್ಲಿ  ರತಿ ಮನ್ಮಥರಾಟವನು
ನೋಡುತ ನಲಿದಾಡುತಿವೆ ಮುತ್ತು ಮೌನದಲ್ಲಿ  

ಹೊಡೆದಾಡುತಿವೆ ಛಲದಿ ಸರದಲ್ಲಿರುವ ಮುತ್ತು
ನಾ ಚಂದ ನೀ ಅಂದ ಈ ಸರಸಮಯದಲ್ಲಿ
ಅರಿವಿಲ್ಲದೆ ಮತ್ತಿನಲಿ ಸರಸವಾಡುತ ಜೋಡಿ  
ಮೈ ಮರೆತು ಉಸಿರೇರಿಸುತ  ಉನ್ಮಾದದಲ್ಲಿ   

ರಸಿಕರಾಟದಲಿ ಚದುರಿ ಹೋದವು ಮುತ್ತು
ನಾ ಮುಂದು ತಾ ಮುಂದು ಮಧುಮಂಚದಲ್ಲಿ
ಮುತ್ತುಗಳ ಸರಮಾಲೇ ಬೀಳಲು ತುಟಿಯಲ್ಲಿ
ದಾರಹರಿದು ಜಾರಿದವು ಮುತ್ತು ಮಂಚದಡಿಯಲ್ಲಿ  

ಡೋಣಿ

ತೀರವನರಿಯದೆ ಹೋಗುವ ಡೋಣಿ 

ನೀರಲಿ ತೇಲುತ ಸಾಗುತಲಿ 

ದೂರವನರಿಯದೆ ದಿಕ್ಕನು ನೋಡಿ 

ಹರಿಗೋಲನು ಹಾಕುತ ಹರುಷದಲಿ

ಉಸಿರಲಿ ಉಸಿರಾಗಿರುವ ಡೋಣಿ 

ಹಸಿವಲಿ  ನೀರನು  ಕುಡಿಸುತಲಿ 

ಬಿಸಿಲಲಿ ಬಳಲಿ ಬೆವರಿಳಿಸಿದರು 

ನಸುಕಲಿ ಜೀವ ತುಂಬತಲಿ 

ಬಲೆಯನು ಬೀಸುತ ಸಾಗಿದೆ ಡೋಣಿ 

ಅಲೆಯನು ಹಿಂದೆ ಸರಿಸುತಲಿ  

ಜಲರಾಸಿಯೊಳಗಿನ ಲೋಕವ ನೋಡಿ 

ಚಲುವಿನ ಮೀನು ಹಿಡಿಯುತಲಿ

ಧೀರನು ಬೇಕು ನಡೆಸಲು ಡೋಣಿ

ಬಿರುಗಾಳಿಯು ತುಂಬಿದ ಇರುಳಿನಲಿ 

ಶೂರನು  ಹೆದರದೆ ಸಾಗುವ ಮುಂದೆ 

ಭರವಸೆ ಬೆಳಕು ಹುಡುಕುತಲಿ 

                 

ಇರುಳ ಸಂಜೆ

ಕಳೆದೆ ಹಲವರ ಜೊತೆ  ಈ ಬಾಳ ಪಯಣದಲಿ  

ಬಳಲಿದರೂ ಮಡದಿ ನಡೆದಳು ಕೊನೆಯವರೆಗೆ

ಹೇಳಲಾರೆ ಏನನ್ನು ಹಣಕ್ಕಾಗಿ ಜೊತೆಇದ್ದವರಿಗೆ    

ಬಾಳದಾರಿಯಲ್ಲಿ  ಇಂದು ಯಾರಿಲ್ಲ ನಾ ಒಂಟಿ 

ವಯಸ್ಸಿನ ಮದದಲ್ಲಿ ನಡೆದಿದ್ದೆ ದಾರಿ 

ಬಯಸಿದ್ದು  ಪಡೆದೆ ಗಳಸಿ ಹೆಣ್ಣು ಹೊನ್ನು 

ಆಯಸ್ಸು ಹೋಯಿತು ಅರಿಯದೆ  ಕ್ಷಣದಲ್ಲಿ 

ಭಯವಾಗುತ್ತಿದೆ ನೆನೆದು ಕೊನೆಯ ಘಳಿಗೆ 

ನಿಲ್ಲಬೇಕಾಗಿದೆ ಉರಿವ ದೀಪದ ಕಂಬದಂತೆ 

ವಲ್ಲೆನಂದರು  ಬೇಕು  ತಂತಿಯ ಆಸರೆ 

ಬಲ್ಲವರ ಬಾಳು ಬರಡು ಹುಣುಸೇಮರದಂತೆ 

ಚಲ್ಲಿದರು ಪ್ರೀತಿ ಉರಗೋಲು ಬೇಕು ಕೊನೆಗೆ  

ನಿಲ್ಲದೀ ಪಯಣ ಮುಂದೆ ಏನೆಂದು ತಿಳಿದಿಲ್ಲ 

ಎಲ್ಲರೂ ಹೇಳುವ ಮುಕ್ತಿ ಸಿಗುವುದೆಂದು 

ಎಲ್ಲ ಪಕ್ಷಿಗಲಿದ್ದರೇನು ಮುಂದೆ ಕಾಗೆಯೇ ಬೇಕು 

ಸಲ್ಲಿಸುವೆ ನಮನ ಇಂದೇ ಮುಂದೆ ಪಿಂಡ ಕಚ್ಚಲು 

ರಹದಾರಿ ಸವಿಸಿ ಬಂದಿಹೆನು ಇಲ್ಲಿ 

ಕಹಳೆ ಊದುವ ವೇಳೆ ಇರುಳ ಸಂಜೆ 

ಬಹಳ ಯೋಚಿಸಿ ವಿದಾಯ ಹೇಳಬೇಕಾಗಿದೆ  

ಸಹಿಸಿ ಬಂದಿಹೆನು ಅರಿತು ಬಾಳ ಸಂಜೆ  

ತಿರುಗಿ ನೋಡಲಾರೆ ನೆಡೆದು ಬಂದದಾರಿ 

ಮರುಗುವೆನು  ಮಾಡಿದ ತಪ್ಪುಗಳಿಗೆಲ್ಲ 

ಹಗುರವಾಗಿದೆ ಮನಸು ಮುಂದೆ ಸಾಗಲು 

ಬೇರೆಗು ಗೊಳಿಸುವ ಲೋಕದ ಕದತಟ್ಟಲು 

ರವಿ

ಬೆಳಕನು ಚಾಚುತ ಇಣುಕುತ ಬಂದೆ 

ಬಾನಂಗಳದ ಅಂಚಿನಲಿ 

ಮುಸುಕೆಳೆದವರ ಹೊಡೆದೆಬ್ಬಿಸಿ  

ಉತ್ಸಾಹ ತುಂಬುತ ಹಗಲಿನಲಿ 

ಚಿಲಿಪಿಲಿ ಗುಟ್ಟುತ ಹಾರಿವೆ ಹಕ್ಕಿ 

ಕನಸನು ಕಟ್ಟುತ ಆಸೆಯಲಿ   

ತೋರಿಸು ದಾರಿ ಬೀರುತ ಬೆಳಕು 

ಹಾರಲಿ ಹಕ್ಕಿಗಳು ಹರುಷದಲಿ 

ಹರಿಯುವ ನದಿ ಪುಳಕಿತಗೊಂಡವು 

ಕಿರಣಗಳ ಕೋಳಾಟ ಆಡುತಲಿ

ಮೌನವ ಮುರಿದು ಪರವಶಗೊಂಡವು 

ಜಲಚರ ವೇಗದಿ ಓಡಾಡುತಲಿ

ಬಣ್ಣವ ಬದಲಿಸಿ ಅಂದದಿ ನಗುತಿವೆ   

ಗಿರಿತುದಿಗಳು ಮನ ಸೆಳೆಯುತಲಿ 

ಏರುತ ಏರುತ ಬೀರುತ ಪ್ರಖರತೆ 

ಓಡಿಸುವೆ ಚಳಿ ಮುಂಜಾವಿನಲಿ 

ಬೇಸರವಿಲ್ಲವೇ  ನಿಲ್ಲದೆ ಓಡುವೆ  

ಸಮಯವ ಸವಿಸುತ ದಿನದಲ್ಲಿ

ನಿಂತರೆ ಎಲ್ಲವ ನಿಲ್ಲಿಸಿಬಿಡುವೆ 

ನೀನಿರುವೆ ಹಸಿರು ಉಸಿರಿನಲಿ  

ಮುಸ್ಸಂಜೆ

ಇಳಿಯುವ ಸೂರ್ಯನಲ್ಲಿ
ಹೊಳೆಯುವ ಬಣ್ಣದಲಿ
ಹಸಿರ ಭುವಿಯ ತುಂಬೆಲ್ಲ
ನಿನ್ನದೇ ಪ್ರೀತಿಯ ರಂಗು

ನೀಲಿ  ಬಾನ ಮೋಡದಲಿ  
ಮೂಡಿದ ಹೊಸ ರೂಪದಲಿ
ಹೊಳೆವ ಕಣ್ಣ ತುಂಬೆಲ್ಲಾ  
ನಿನ್ನದೇ ಪ್ರೀತಿಯ ರಂಗು ..

ಮುಸ್ಸಂಜೆಯ ಹೊತ್ತಿನಲಿ
ಕಡಲ ಕಿನಾರೆಯಲಿ
ಹೊಂಬಾನಿನ ತುಂಬೆಲ್ಲ
ನಿನ್ನದೇ ಪ್ರೀತಿಯ ರಂಗು ....

ರಂಗಿನ ಚೆಲ್ಲಾಟದಲಿ
ಅಲೆಗಳ ನಡುವಿನಲಿ
ಪ್ರತಿಫಲಿಸಿ ಕಡಲ ತುಂಬೆಲ್ಲ
ನಿನ್ನದೇ  ಪ್ರೀತಿಯ ರಂಗು

ಇರುಳ ಸಾಗರದಲ್ಲಿ  
ಹಕ್ಕಿಯಂತೆ ಹಾರುತಲಿ  
ತಂದ ಪತ್ರದ  ತುಂಬೆಲ್ಲ
ನಿನ್ನದೇ ಪ್ರೀತಿಯ ರಂಗು ..

ಉತ್ತರಿಸಲೇ ಪ್ರೀತಿಯಲಿ ಮಿಂದು  

ಬೆಳದಿಂಗಳು

ಹೊತ್ತು ಮುಳುಗಿ
ಕತ್ತಲು ಮೂಡುವ ಗಳಿಗೆ
ತುತ್ತು ಉಣಿಸುವಳಮ್ಮ
ಸುತ್ತಲು ನಿನ್ನದೇ ಬೆಳದಿಂಗಳು !!

ಬಿತ್ತು ಮಿನುಗುತಾರೆ 

ಹಿತ್ತಲಿನ  ಗಿಡದ ಮೇಲೆ 

ಎತ್ತಿ ಕೊಡಲು ಬರುವನಮ್ಮ 

ಸುತ್ತಲು ಹರಿಸಿ ಬೆಳದಿಂಗಳು !!

ಎತ್ತ ನೋಡಿದರೇನು 

ಕತ್ತು ಹೊರಳಿಸಿ ನಗುವನು 

ಮುತ್ತು ಮಾಮ ಇವನಮ್ಮ 

ಸುತ್ತಲು ಅವನದೇ ಬೆಳದಿಂಗಳು !!

ಹೆಚ್ಹು ಅಡಿಸುವುದಿಲ್ಲ 

ಬೊಚ್ಚ ಬಾಯಿಯ ತೆರೆದು 

ಕಚ್ಚದೆ ತುತ್ತು ನುಂಗುವೆನಮ್ಮ  

ಮೆಚ್ಚಿನೋಡುತ ನಿನ್ನ ಆ ಕಂಗಳು !!

ಹಂಗಿನರಮನೆ

ಹಂಗಿನರಮನೆ(ಸಿಟಿ) ಗಿಂತ

ಹಳ್ಳಿಯ ಗಿರಿ ಮನೆ ಸಾಕು 

ಹೃದಯದ ಬಾಗಿಲು ತೆರೆದು 

ಹೊರಗೆ ನೋಡುತಿರಬಹುದು 

ಒಡೆಯ ನಿಲ್ಲದ ಮನೆಗಿಂತ  

ಒಡಲು ತುಂಬಿದ ಪ್ರಕೃತಿ ಸಾಕು

ಓಡುವ ಜೀವನಕೆ ವಿರಾಮವಿಟ್ಟು   

ಒಡನಾಡಿಗಳ ಜೊತೆ ನಲಿಯಬಹುದು 

ಮುಚ್ಚಿದ ನಗರದ ಮನೆ ಬಾಗಿಲಿಗಿಂತ   

ಮನೆಯ ಮುಂದೆ ತೆರೆದಬಾಗಿಲು ಬೇಕು    

ಮುಖ ಮೇಲೆತ್ತಿ ತೆರೆದಬಾಹುಗಳಿಂದ 

ಮುಗಿಲ ತಬ್ಬಿ ಮುದ್ದಾಡಬಹುದು  

ಹುಲ್ಲು ಬೆಳೆಯದ ನಗರ ದಾರಿಗಿಂತ 

ಹಸಿರು ತುಂಬಿದ ಕಾಲುದಾರಿ ಲೇಸು 

ಹಿತವಾದ ಹಳ್ಳಿ ಪರಿಸರದಲಿ  ಬೆರೆತು

ಹೊಸದಾಗಿ ಕನಸು ಕಾಣಬಹುದು 

ಸಂಜೆಯಲಿ

ಅಂದದ ಮಳೆಯ ಬರುತಿದೆ 

ಚಂದದ ಒಂದು ಸಂಜೆಯಲಿ

ಮಿಂಚು ಗುಡುಗು ಸಿಡಿಲು 

ಬಂತು ರಾಜನಂತೆ ಗರ್ಜಿಸುತಲಿ

ಬಂಗಾರದ ಬೆಳಕು ಚಲ್ಲಿ 

ಹೊಂಬಣ್ಣ ತುಂಬಿದೆ ಇರುಳಲ್ಲಿ  

ಮಿಂಚು ಚಿತ್ತಾರ ಮೂಡಿಸಿ 

ಹೊಂಚು ಹಾಕಿದೆ ಆಗಸದಲ್ಲಿ  

ತೆಂಗಿನ ಗರಿಗಳ ಕಲರವದಿ   

ತಂಗಾಳಿ ಇಂಪು ತುಂಬುತಲಿ 

ತುಂತುರು ಮುತ್ತಿನ ಮಳೆಹನಿಯ 

ತಂಪು ಮುತ್ತಿಕ್ಕುತಿದೆ ಭುವಿಯಲ್ಲಿ 

ನಲ್ಲೆಯ ಸನಿಹ ಬಯಸುತಿದೆ 

ಈ ಮೋಹ ತುಂಬಿದ  ಇರುಳಲ್ಲಿ

ಕೊರೆವೆ ಹೊಸ ಪ್ರೀತಿಯ ಕವನ 

ಅವಳಿಗಾಗಿ ನನ್ನ ಹೃದಯದಲ್ಲಿ 

ಸೊಳ್ಳೆ

ಸೊಳ್ಳೆ  ನೀ ಎಲ್ಲಿಅಂದರೆ ಅಲ್ಲೇ ..

ನೀ ಸೊಳ್ಳೆ  ನಿನ್ನ ಸೂಜಿ ನಾ ಬಲ್ಲೆ !!

ಗುಯ್  ಗುಯ್  ಗುಟ್ಟಿ ಹಾರೋ ನೀನು 

ಸುಯ್ ಸುಯ್  ರಾಗ ಹಾಡೋ  ನೀನು 

ತಟ್ಟಿಸಿ ಚಪ್ಪಾಳೆ  ನೋಡಿ ನಗುವೇ ಏನೋ 

ಕಾಟಕ್ಕೆ ಸೋತು ಹೋಗಿರುವೆ ನಾನು 

ತೆರೆದ ನೀರಲಿ ಹುಟ್ಟಿ ಬರುವೆ ನೀನು 

ವಾರದೊಳಗೆ ಮತ್ತೆ ಮೊಟ್ಟೆ ಇಡುವೆ  

ಹರಡುವೆ ಡೆಂಗು ಚಿಕನ್ಗುನ್ಯ ಮಲೇರಿಯ 

ಕರೆಯದೆ ಬರುವ ಮನೆಯ ಅತಿಥಿ ನೀನು  

ಸೊಳ್ಳೆ ಬತ್ತಿ ಹಚ್ಚಿದೆ  ನಾನು 

ತಾಳಿಕೊಂಡು  ಮತ್ತೆ ಬಂದೆ ನೀನು 

ಕುಳಿತು ಕಚ್ಚಿದೆ ಕೈ ಸಿಕ್ಕಿತೆ ಜೇನು 

ಎಳೆದೆ ರಕ್ತ ಪೀಪಾಸು ನೀನು .. ಸೊಳ್ಳೆ 

ಸೊಳ್ಳೆ ಪರೆದೆ ಕಟ್ಟಿದೆ  ನಾನು 

ಕಳ್ಳ ದಾರಿಯಲಿ ಒಳ ಬಂದೆ ನೀನು 

ಆಲ್ ಔಟ್ ಹಚ್ಚಿ ಮಲಗಿದೆ ನಾನು 

ಸೋಲ್ ಒಪ್ಪದೇ ಬಂದು ಕಚ್ಚಿದೆ ನೀನು 

ಬ್ಯಾಟ್ ಹಿಡಿದು ಹೊಡೆದೆ ನಾನು 

ಶಾಟ್ ಸೂಪರ್ ಎಂದು ಓಡಿದೆ ನೀನು 

ಸಂಬ್ರಾಣಿ ಹೋಗೆ ಹಾಕಿದೆ ನಾನು 

ಟಾಂ ಟಾಂ ಹೊಡೆದು ಹೋದೆ ನೀನು 

. 

ಕಟ್ಟ ಕಡೆಗೆ ಸೊಳ್ಳೆ ಕಾಗದ ಹಚ್ಚಿ ನಾನು  

ಬಿಟ್ಟು ಓಡಿ ಹೋದೆ ಅ ವಾಸನೆಗೆ ನಾನೇ! 

ಎಂಟೆದೆಯ ಗಟ್ಟಿ ಬಂಟನಾದರು ಏನು 

ಪಂಟ ಸೊಳ್ಳ ನಿನಗೆ ಸೋತೆ ನಾನು !

ನಿನ್ನೊಲುಮೆ

ನಿನ್ನೊಲುಮೆ ಉಸಿರಾಗಿ
ಹಸಿರಾಗಿ  ಬಂದಂತೆ
ಬಂದು ಬಿಡು ನೀ
ಮುಂಜಾನೆಯ ಇಬ್ಬನಿಯಂತೆ  

ತೀರ ಬೇರೆಯಾದರೂ ನದಿ ಒಂದೇ ಎಂಬಂತೆ  
ದೂರ ವಿದ್ದರು ಮನಸು ಪ್ರೀತಿಗೆ ತುಡಿವಂತೆ
ನೀ ನೋಲಿದು ಬಾ ಜೊತೆಗೆ ಜೀವ ಜಲದಂತೆ

ಹಗಲು ಇರಿಳು ಸರಿದರೂ ಸೂರ್ಯನೇ ಬರುವಂತೆ
ಬಾನು ಬೇರೆಯಾದರೂ ಚಂದಿರನು ಒಬ್ಬನಂತೆ
ನೀ ನಗುತ ಬಾ ತುಂಬಿದ ಹುಣ್ಣಿಮೆ ಬೆಳಕಂತೆ  

ದೇಹ ಬದಲಾದರು ಹೃದಯಗಳು ಸೇರಿ ಮಿಡಿವಂತೆ
ಭಾವ ಬೇರೆಯಾದರೂ  ಭಾವನೆಗಳು ಬೆರೆತಂತೆ  
ಬೇರೆಯೋಣ ಬಾ ಪ್ರೀತಿಸಾಗರದಲಿ ನದಿ ಸೇರಿದಂತೆ

ನೀಲಾಂಬರಿ

ಅಂಬರದಿಂದ ಇಳಿದು ಬಂದಿರುವ 

--ನೀಲಾಂಬರಿ ನೀನೆ ನಾ

ಚುಂಬಕ ಮೋಹಕ ಕಣ್ಣುಗಳರಳಿಸಿ 

-- ನೋಡುತಿರುವೆ ನೀ ಏನನ್ನ 

ಬೊಂಬೆಯ ತರದಿ ತಿಡಿದ ಮುಖವಿದು  

-- ಬೊಮ್ಮನ ಸೃಷ್ಟಿಯು ನೀನೆ ನಾ 

ಇಂಬು ಕೂಡುವಂತ ನಿನ್ನಯ ರೂಪಕೆ 

-ಮನಸೋತು ಕೊಡಲಿ ನಾ ಏನನ್ನ 

ಕೊಂಬೆಯು ನಗುತಿದೆ ಸುಂದರಿ ಸ್ಪರ್ಶಕೆ 

 ---ನಗುವಲ್ಲಿಯ ಮದಿರೆ ನೀನೆ ನಾ  

ರಂಭೆಯ  ಹೋಲುವ ನಿನ್ನಯ ಅಂದಕೆ 

-- ತೊಡಿಸಲೇ ಬಂಗಾರದ ಸರವನ್ನ 

ದುಂಬಿಯು ಹಾಡುತ ಹತ್ತಿರ ಬರುತಿದೆ 

-- ಜೇನಿನ ಹನಿಯು ನೀನೆ ನಾ 

ಬಿಂಬವು ಮೂಡಲು ನನ್ನಯ  ಮನಸಲಿ 

--ಗೀಚಿದೆ  ಕವನದ ಸಾಲೊಂದನ್ನ  

ಕಾಯುತಿರುವೆ

ಕಣ್ಣಲಿ ಕಣ್ಣು ಸೇರಿಸಿ  ನೋಡಿರುವೆ  ಸೊಗಸಾಗಿ
ಮನಸು ಮನಸಲಿ ಇಳಿದು ಕುಲಿತುರುವೆ ಹಾಯಾಗಿ
ಹಸಿವಿಲ್ಲದೆ ನಿದಿರೆ ಇಲ್ಲದೆ ನಿನಗಾಗಿ  ಕಾಯುತಿರುವೆ

ಉಸಿರು ಉಸಿರಲಿ  ಬೆರೆತು ನಗುತಲಿವೆ ನವಿರಾಗಿ
ಹೃದಯದಿ ಹ್ರದಯ ಅವಿತು ನುಡಿಯುತಿವೆ ಜೊತೆಯಾಗಿ  
ನನ್ನಲಿಯ ಉಸಿರಲ್ಲಿಯು ನಿನಗಾಗಿ ಕಾಯುತಿರುವೆ

ಕನಸಲಿ ಕನಸು ಬೆರೆತು ಸಾಗುತಿವೆ ಹಿತವಾಗಿ
ಬೆರಳಲಿ ಬೆರೆಳು ಕಲೆತು ಆಡುತಿವೆ ನಯವಾಗಿ
ಕನಸಲ್ಲಿಯು ನನಸಲ್ಲಿಯು ನಿನಗಾಗಿ ಕಾಯುತಿರುವ

ತುಟಿಯಲಿ ತುಟಿಯ ಸೇರಿಸಿ ಗುಣುಗುತಿರು ಹಾಡಾಗಿ
ಕಿವಿಯಲಿ ಪ್ರೀತಿಯ ಗುಟ್ಟನು ಹೇಳಿಬಿಡು  ನನಗಾಗಿ
ಆ ಪ್ರೀತಿಯ ಸವಿ ಮಾತಿಗೆ ನಿನಗಾಗಿ ಕಾಯುತಿರುವೆ

ಪುಟ್ಟ ಮಗುವೆ

ಪುಟ್ಟ ಮಗುವೆ ಪುಟ್ಟ ಮಗುವೆ 
ಹೀಗೆ  ದೂರ ಓದುವುದು ಸರಿಯೇ 
ನಗುತ ನಗುತ ಬಾರೆ ಮಗುವೆ 
ಹಿಡಿಯಲು ಸೋತು ಹೋಗಿರುವೆ  

ಒಂದು ತುತ್ತಿಗೆ ಒಂದು ಮುತ್ತು 
ಕೊಡುವೆ ಬಾ ನನ್ನ ಮುತ್ತು  
ಕಾಡಿಸದಿರು ಹೆಚ್ಹು ಹೋತ್ತು 
ಓಡಿಬಾ  ಪುಟ್ಟ ಹೆಜ್ಜೆ ಇಟ್ಟು 

ಚಂದ ಮಾಮ ನಗುತ ಬಂದು 
ತುತ್ತು ಕಸಿದು ಹೋಗುವ ಇಂದು  
ಬೇಗ ಉಟ  ಮಾಡು ಬಂದು 
ಅವನ  ಕೈ ಹಿಡಿದು ಬಿಡುವ ಇಂದು   

ತಲೆಯ ಮೇಲೆ ಕೂಡಿಸಿಕೊಂಡು 
ತೋರಿಸುವೆ ಗುಬ್ಬಿ ಪಕ್ಷಿ ಹಿಂಡು 
ಹಾಡುವುದು ಪುಟ್ಟ ಗಿಳಿಯು ಬಂದು 
ಮಲಗು ಉಟ ಮುಗಿಸಿ ಕೊಂಡು 

ಮಧುರ ನೆನಪು

ಎದುರಿಗೆ ಇರದೇ ಹೋದರೂ 

ಮಧುರ ನೆನಪು ಕಾದಿತೂ 

ವಜ್ರದಂತೆ ಹೊಳೆವ ಕಣ್ಣು

ಛಿದ್ರಗೊಳಿಸುವೆ ಬೇಸವವನ್ನು

ಕಂಡು ವಿವಿದ ನೋಟವನ್ನು

ಉಲ್ಲಾಸ ತುಂಬಿದೇ ಮನಸಿಗಿನ್ನು 

 

ಬಳ್ಳಿಯಂತೆ ಬಳುಕುವೆ ನೀನು

ನಾಟ್ಯ  ಹೇಳಿ ಕೊಡುವೆ ಏನೋ 

ಕೈ ಬೆರಳುಗಳ ಸೇರಿಸಿ ನೀನು  

ಹಸ್ತ ಮುದ್ರಾ ಪ್ರದರ್ಶನವೇನೋ 

 

ಒಂದು ಕೆನ್ನೆಗೆ ಎರೆದು ಮುತ್ತು 

ಕೊಟ್ಟಾಗ ಕ್ಷಣ ಏರಿತು ಮತ್ತು 

ಹೀಗೊಂದು ಹಗಲ ಕನಸ ಬಿತ್ತು 

ಎದ್ದಾಗ ಪಕ್ಕದಲ್ಲಿ ನಿನ್ನ ಚಿತ್ರವಿತ್ತು 

ಕಾಯುವೆ

ಉಲ್ಲಾಸ ಗೊಂಡಿತ್ತು ಮನಸು ನಿನ್ನೊಲುಮೆಯಿಂದ 

ಘಾಸಿ ಗೊಳಿಸಿದೆ ನೀನು ಅತಿ ಸಲುಗೆಯಿಂದ 

ನಿನ್ನೊಲವ ಬಯಸಿ ಮಾತಾಡಿದೆ ಮಧುರ ಕನಸಿನಿಂದ 

ಕನಸು ಮುರಿದು ಹೃದಯ ಚೂರಾಯಿತು ನಿನ್ನಿಂದ 

ಮನಸು ಕೊರಗುತಿದೆ ಹಿತವಾದ ನಿನ್ನ ನೆನಪಿಂದ 

ಪಥ್ಯವಾಗದ  ಸತ್ಯ ನೀ ತಿಳಿ  ಒಳಗಣ್ಣಿನಿಂದ 

ಅರಿತು ಬರುವೆ ನನ್ನಲಿ  ನೀನು ಮಾಡಿದ ತಪ್ಪಿನಿಂದ 

ಬರುವುದೆಲ್ಲ ಬರಲಿ ಕಾಯುವೆ ನಿನಗಾಗಿ ಪ್ರೀತಿಯಿಂದ 

ಸುಕೃತಿ

ಯಾವ ಲೋಕದ ಚಲುವೆ ನೀನು 

ಕಣ್ಣ ನೋಟದಲ್ಲೇ ಕೊಲ್ಲುವೇ  

ಸ್ವರ್ಗ ರಾಜನ ಮಗಳೇ ನೀನು 

ಚಿನ್ನ ಮಾತಿನಲ್ಲೇ ಗೆಲ್ಲುವೆ 

ಹೊಳೆಯುವ ಕಂಗಳಿಗೆ ಹರಣಿ ಎಂದು ಹೆಸರಿಡಲೇ  

ಅಳುಕದೆ ಬಳುಕುವೆ  ಜಾನ್ಹವಿ  ಎನ್ನಲೇ 

ತಿಳಿ ಗಗನ ನಿನಗೆ ಅಭಿಜ್ಞ ಎಂದು ಕರೆಯಲೇ 

ಬಿಳಿದಾದ  ತಾವರೆ ಮುಖದವಳೇ !

ಸುಪ್ರಮತಿ ನಿನಗೆ  ಪ್ರಮಿತ ಎಂದು ಹೆಸರಿಡಲೇ 

ಸುಪ್ರೇಮ ಕೊಡುವ ನಿನಗೆ ಸುಪ್ರೀತ ಎನ್ನಲೇ 

ಅಪ್ರತಿಮ ಸುಂದರಿ ಪ್ರಣೀತ ಎಂದು ಕರೆಯಲೇ 

ಅಪ್ರಮೇಯನ ಹೋಲುವ ಮುಖದವಳೇ!

ವಾಯುದೇವನ ರಾಣಿ ಭಾರತಿ ಎಂದು ಹೆಸರಿದಲೇ 

ಲಯ ಕಾರಕನ  ರಾಣಿ ಗೌರಿ ನೀ  ಎನ್ನಲೇ 

ಕಾಯುವ ಗುಣಕ್ಕೆ ಗುಣನಿಧಿ ಎಂದು ಕರೆಯಲೇ

ಛಾಯೇ ಚಂದ್ರನ ಕಾಂತಿ ಇರುವವಳೇ!

ಚಂದ್ರನ  ಮುಖಕೆ  ಚಂದ್ರಿಕಾ ಎಂದು ಹೆಸರಿಡಲೇ 

ಇಂದ್ರನ ಲೋಕದ ನಿನಗೆ ಪಾರಿಜಾತ ಎನ್ನಲೇ 

ಕೃತ್ತಿ  ವಾಸನ ರಾಣಿ ಸುಕೃತಿ ಎಂದು ಕರೆಯಲೇ 

ಚಕ್ರ ಧರನ  ಎದೆಯಲಿ ಇರುವವಳೇ !

ತಂಗಾಳಿ

ತಂಗಾಳಿ ಬೀಸುತಿದೆ ನಿನ್ನ ನೆನಪು ಕಾಡುತಿದೆ    

ಮುದ್ದು ಮಾಡುವ ಬಾ  ಓ ನನ್ನ ನಲ್ಲೆ 

ಕಾಯುವೆ ನಿನಗಾಗಿ ಈ ನದಿ ಅಂಚಿನಲ್ಲೆ  

ಹಾರಿ ಬಾ ಹಕ್ಕಿಯಂತೆ ರೆಕ್ಕೆ ಕಟ್ಟಿ ನಾ ಇರುವಲ್ಲಿಗೆ  

ಕೂಡುವ ಜೊತೆಯಾಗಿ ಬಾ ಓ ನನ್ನ ನಲ್ಲೆ 

ಸಹಿಹಕ್ಕೆ ಹಾತೊರೆದು ಕೊತಿರುವೆ ಇಲ್ಲೇ 

ಆಕಾಶ ತುಂಬಾ ನಕ್ಷತ್ರಗಳು   ಪೂರ್ಣ ಚಂದಿರನು 

ಕದ್ದು ನಮ್ಮ ನೋಡುವರು ಬಾ ಓ  ನನ್ನ ನಲ್ಲೆ 

ಕದ್ದು ಮುದ್ದುಸಿ ಅವರ ಕಾಡಿಸುವುದು ನಾ ಬಲ್ಲೆ 

ತೋಟದಲ್ಲಿರುವ  ಗುಲಾಬಿ ನಗುತಿದೆ ನನ್ನ ನೋಡಿ    

ಬೇಗ ಬಳ್ಳಿಯಂತೆ ಬಳಕುತ ಬಾ ಓ  ನನ್ನ ನಲ್ಲೆ 

ಗುಲಾಬಿ ಮುಡಿಯಲ್ಲಿ ಇಟ್ಟು ನಿನ್ನ ವರಿಸುವೆ ಇಲ್ಲೇ   

ಬಡಿತ

ಏನ್ ಹೇಳಲಿ ಪ್ರಿಯೆ ನೀನು ಇರುವೆ ಅಸ್ಟು ದೂರ 

ಹೃದಯದ ಬಡಿತ ಬೆರೆತಿದೆ ಅದ ನೋಡು ಬಾರಾ 

ನಿನ್ನ ಜೊತೆ ಇರುವಾಸೆ ಉರು ಸುತ್ತುವ ಆಸೆ

ಹೊಸ ಬಟ್ಟೆ ಗಳ ಕೊಡಿಸಿ ಹಾಕಿ ನೋಡುವ ಅಸೆ

ಬಂದರೆ ಸುಮ್ಮ್ಮನೆ ಬಿಡುವರೇ  ನಿಮ್ಮ  ಅಮ್ಮ

ಹೊರ ಹಾಕುವರು ಹಿಡಿದು ಕೊಟ್ಟು ಒಂದು ಗುಮ್ಮ 

ಸಂಜೆ ಸಮುದ್ರದ ದಡದಿ ಕೈ ಹಿಡಿದು ನಡೆವಾಗ , 

ಏರುವ ಅಲೆ ಬಂದು ನಿನ್ನ ಕಾಲು ಚುಂಬಿಸಿದಾಗ, 

ಹೊಡಿಯ ಹೋದೆ ಹುಡುಕಿ ಅದನ್ನು ಬರೆ ಕೈ ಇಂದ 

ಓಡಿ  ಹೋಯಿತು  ನನ್ನ ಕೆಣಕಿ ಒಂದು ಕಡೆಯಿಂದ !.

 ಕನಸು ಕಾಣುವುದೇನು ಇಂದು ಮೊನ್ನೆಯದಲ್ಲ,

 ನನಸು ಆಗುವುದು ಕೂಡ ನಮ್ಮ ಕೈಯಲಿ ಇಲ್ಲ, 

 ಬೇಡಿಕೊಳ್ಳುವ ಬಾ ದಿವಸ ನಾವು ಜೊತೆಯಾಗಿ, 

 ಹರಸಿದರೆ ನಡೆಸುವ ಸಹಜ ಜೀವನ ಹಿತವಾಗಿ .

ಮುಂಗುರುಳು

ಮುಂಗುರುಳು  ಹಾರುತಿವೆ ನಿನ್ನ ಕಂಗಳ ನೋಡಿ 

ಚಂಗನೆ ಹಾರುತಿದೆ ಹೃದಯ ನಿನ್ನ ಮುಂಗುರುಳು  ಕಾಡಿ  

ತಿಲಿಹಾಲಿನಂತೆ ಸೊಬಗ ಸುರಿಸುತಿಹೆ ನೀನು 

ಆ ಜೀನಿನಂತೆ ಸಿಹಿಯ  ಹೀರಲು ಬರುವೆ ನಾನು 

ಮುಗುಳ್ನಗೆ ತುಂಬಿದ ನಿಶ್ಚಲ ಸಮುದ್ರ ನೀನು 

ಚಂಚಲ ಮನಸಿನ ಸಾಗರದ ಅಲೆಗಳಂತೆ ನಾನು 

ಮಧುರ ತಂಗಾಳಿ ಬೀಸುತಿದೆ ವರುಣನ ಮಗಳೇ ನೀನು 

ಅದರ ತಂಪಿನಲಿ ಮಿಂದು ಸೇರಬಯಸುವೆ ನಿನ್ನಲ್ಲಿ ನಾನು 

ಅಳದಿರು ಕಂದಮ್ಮ

ಅಳದಿರು ಕಂದಮ್ಮ ಚಂದ ಮಾಮ ನಗುತಿಹನು 

ಬೆಳದಿಂಗಳ ತಂಪಿನಲಿ ನಿದ್ದೆಮಾಡು .

-ಮಗುವೆ ನಿದ್ದೆಮಾಡು 

ಚಲಿಗಾಲ ಬರುತಿಹುದು ಬೆಚ್ಚಗೆ ಹೊದಿಸುವೆನು 

ಹಳೇ ಜೋಗುಳ ಹಾಡುವೆನು ನಿದ್ದೆಮಾಡು 

ಬೆಳ್ಳಗಿನ ಮುಖ ನೋಡಿ  ಕಣ್ಣು  ಬಿಟ್ಟಿಹರೆನೋ 

ಇಳೆ ತೆಗೆದು ಮಲಗಿಸುವೆ ನಿದ್ದೆಮಾಡು 

ಇಳಿ ರಾತ್ರಿಯ ಗುಮ್ಮ ಹೆದರಿಸಲು ಬಂದಿಹನು 

ಕೊಳ್ಳಿ ಹಿಡಿದು  ಓಡಿಸುವೆ ನಿದ್ದೆಮಾಡು 

ಕಳ್ಳಾಟವ  ಆಡದಿರು ಮಳ್ಳಿ ಎಂಬುದ ಬಲ್ಲೆ 

ಚಳ್ಳೆ ಹಣ್ಣು ತಿನ್ನಿಸದೆ  ನಿದ್ದೆಮಾಡು 

- ಮುದ್ದು ನಿದ್ದೆಮಾಡು