ಸಂಜೆಯಲಿ

ಅಂದದ ಮಳೆಯ ಬರುತಿದೆ 

ಚಂದದ ಒಂದು ಸಂಜೆಯಲಿ

ಮಿಂಚು ಗುಡುಗು ಸಿಡಿಲು 

ಬಂತು ರಾಜನಂತೆ ಗರ್ಜಿಸುತಲಿ

ಬಂಗಾರದ ಬೆಳಕು ಚಲ್ಲಿ 

ಹೊಂಬಣ್ಣ ತುಂಬಿದೆ ಇರುಳಲ್ಲಿ  

ಮಿಂಚು ಚಿತ್ತಾರ ಮೂಡಿಸಿ 

ಹೊಂಚು ಹಾಕಿದೆ ಆಗಸದಲ್ಲಿ  

ತೆಂಗಿನ ಗರಿಗಳ ಕಲರವದಿ   

ತಂಗಾಳಿ ಇಂಪು ತುಂಬುತಲಿ 

ತುಂತುರು ಮುತ್ತಿನ ಮಳೆಹನಿಯ 

ತಂಪು ಮುತ್ತಿಕ್ಕುತಿದೆ ಭುವಿಯಲ್ಲಿ 

ನಲ್ಲೆಯ ಸನಿಹ ಬಯಸುತಿದೆ 

ಈ ಮೋಹ ತುಂಬಿದ  ಇರುಳಲ್ಲಿ

ಕೊರೆವೆ ಹೊಸ ಪ್ರೀತಿಯ ಕವನ 

ಅವಳಿಗಾಗಿ ನನ್ನ ಹೃದಯದಲ್ಲಿ