ನೀಲಾಂಬರಿ

ಅಂಬರದಿಂದ ಇಳಿದು ಬಂದಿರುವ 

--ನೀಲಾಂಬರಿ ನೀನೆ ನಾ

ಚುಂಬಕ ಮೋಹಕ ಕಣ್ಣುಗಳರಳಿಸಿ 

-- ನೋಡುತಿರುವೆ ನೀ ಏನನ್ನ 

ಬೊಂಬೆಯ ತರದಿ ತಿಡಿದ ಮುಖವಿದು  

-- ಬೊಮ್ಮನ ಸೃಷ್ಟಿಯು ನೀನೆ ನಾ 

ಇಂಬು ಕೂಡುವಂತ ನಿನ್ನಯ ರೂಪಕೆ 

-ಮನಸೋತು ಕೊಡಲಿ ನಾ ಏನನ್ನ 

ಕೊಂಬೆಯು ನಗುತಿದೆ ಸುಂದರಿ ಸ್ಪರ್ಶಕೆ 

 ---ನಗುವಲ್ಲಿಯ ಮದಿರೆ ನೀನೆ ನಾ  

ರಂಭೆಯ  ಹೋಲುವ ನಿನ್ನಯ ಅಂದಕೆ 

-- ತೊಡಿಸಲೇ ಬಂಗಾರದ ಸರವನ್ನ 

ದುಂಬಿಯು ಹಾಡುತ ಹತ್ತಿರ ಬರುತಿದೆ 

-- ಜೇನಿನ ಹನಿಯು ನೀನೆ ನಾ 

ಬಿಂಬವು ಮೂಡಲು ನನ್ನಯ  ಮನಸಲಿ 

--ಗೀಚಿದೆ  ಕವನದ ಸಾಲೊಂದನ್ನ