ಗುಬ್ಬಚ್ಚಿ

ಹುಡುಕುತಿಹೆ ಹೊಸಜಾಗ 

ಗೂಡೊಂದನು ಕಟ್ಟಲು
ಕಡಿದು ಹಾಕಿದರು ಹಳೆ
ಗೂಡ ತಿಳಿದ ಉಗ್ರರಿವರು

ಬಡಿದಾಡುತಿವೆ ಮರಿಗಳು
ತಡಿಯದಾಗದೆ ಈ ಚಳಿ
ಹೂಡಲಾರೆ ನಿಮಂತೆ
ಬಂಡಿ ಮನೆಯಿಂದ ಮನೆಗೆ

ಕಡ್ಡಿ ಕಸ ಹೆಕ್ಕಿ ತರಬೇಕು
ಅಡವಿ ಇದೆ ಅನತಿ ದೂರ
ಕೆಡದಂತೆ ಕಟ್ಟಬೇಕು ಹೊಸ
ಗೂಡು ಯಾರಿಗೂ ಸಿಗದಂತೆ

ಅಟ್ಟದಿರಿ ಉರ ಹೊರಗೆ
ಅಸ್ಪೃಶ್ಯತೆ ನಮಗಿಲ್ಲ
ಅತ್ತಾಗ ಮಕ್ಕಳಿಗೆ ತೋರಿಸಲು
ಗುಬ್ಬಚ್ಚಿಗಳು ನಾವು ಸಿಗುವುದಿಲ್ಲ

ಗಾಳಿ ಬೆಳಕು ಮರ ಗಿಡ
ನಿಮಗೊಂದೇ ಮೀಸಲಿಲ್ಲ
ಬದುಕಿ ಬದುಕಲು ಬಿಡಿ
ಇರಲಿ ಸಹಬಾಳ್ವೆ ನಮಗೆಲ್ಲ