ಭಂಡ

ಭಂಡ ಗಂಡನ ಜೊತೆ ಏಗುವುದು ಹೇಗಮ್ಮ

ಸೃಷ್ಟಿಯ ವಿನೂತನ ತುಂಡು ಇವನು

ಪಂಡಿತ ನಲ್ಲದೇ ಅತೀ ಮಾತಾಡುವನು

ಪುಂಡ ಪ್ರಪಂಚಕೆ ಇವನೇ ಅಗ್ರ ಗಣ್ಯನು

ಮನೇಲಿ ಹುಲಿ ಆದರೂ ಬೀದೀಲಿ ಇಲಿ ಇವನು

ಕಂಡ ರಾತ್ರಿ ಭಾವಿಗೆ ಹಗಲು ಬಿಳಿಸುವನು

ಗುಂಡಿನ ಸಹವಾಸ ಇಲ್ಲದೆ ಇದ್ದರು

ಹೆಂಡ ಕುಡಿದವರಂತೆ ತುರಾಡುವನು

ಬಂದ ಸಂಬಳವನ್ನು ಉಳಿಸಲು ಆಗದವನು

ಸಾಲಕ್ಕೆ ಸೈ ಬಡ್ಡಿಗೆ ಜೈ ಎನ್ನುವನು

ಹಿಂಡು ಹಿಂಡು ಹುಡಿಗಿಯರ ಜೋತೆಕೂಡಿ

ಸುತ್ತಾಡಿ ಬರಿಕೈಲಿ ಸಂಜೆ ಮನೆ ಸೇರುವನು

ಮಂಡು ಮನಸಿನ ಗಂಡು ಜಾತಿಯವನು

ಹೇಳಿದ್ದು ಬಿಟ್ಟು ಉಳಿದಿದ್ದು ಮಾಡುವನು

ಉಂಡಾಡಿ ಗುಂಡ ಎಂಬ ಬಿರಿದನ್ನ ಪಡೆದ

ಬ್ರಹ್ಮಾಂಡ ದೊಳು ಅತಿ ಶ್ರೇಷ್ಟ ಇವನು

ಶುದ್ದ ಸೋಮಾರೀ ಸಂಘದ ನಾಯಕನು

ಆ ದಂಡ ಪಿಂಡಗಳಲ್ಲೇ ಅತೀ ಪ್ರಚಂಡನು

ಈ ಧಾಂಡಿಗನಿಗೆ ಒಮ್ಮೆ ತಿರುಗಿ ಬಿದ್ದು ಬೈದರೆ

ಪ್ರೀತಿ ಮಾಡಿ ಮಲಗಿಸೋ ನನ್ನ ಗಂಡ ಇವನು

ಹೊಸದೊಂದು

ಹೊಸದೊಂದು ಬಾಳನ್ನ ಅರಸಿ
ಹೊರಟಿರುವೆವು ನಾವು.....
ಹಸಿರ ದಾರಿ ಕಾಣಿಸುತಿದೆ
ಬಂದು ಬಣ್ಣದ ಹೂಮಳೆ ಸುರಿಸಿ ನೀವು

ಆಸೆ ಕನಸುಗಳ ಹೋತ್ತು
ಕುದುರೆ ಏರಿ ಓಡುತಿರುವೆವು ನಾವು
ಜೇವನದ ಸೊಬಗ ಸವಿಯಲು
ಓಟಕ್ಕೆ ವಿಶ್ರಾಂತಿ ಕೋಡಿಸಿ ನೀವು

ಎಲ್ಲಾರೊಂದಿಗೆ ನಗುತ ಇಸ್ಟೂದಿನ
ಒಂಟಿಯಾಗಿ ಕಾಲ ಕಳೆದೆವು ನಾವು
ಒಡಗೂಡಿ ನಲಿದು ಜೊತೆಯಾಗಿ
ನೆಡೆಯಲು ದಾರಿತೋರಿಸಿ ನೀವು

ಸರಸ ವಿರಸ ಜವಬ್ದಾರಿ ಇಲ್ಲದೆ
ರಸಮಯವಾಗಿ ಕಾಲ ಕಳೆದೆವು ನಾವು
ಪ್ರೀತಿ ಪ್ರೇಮ ಮೋಹ ಮುನಿಸು
ಸೊಗಸುಗಳ ಅನುಭವ ಹಂಚಿ ನೀವು

ಮದುವೆ ಮುಹೂರ್ತದ ಸಮಯಕ್ಕೆ
ಸಂಭ್ರಮದಿಂದ ಕಾಯುತಿರುವೆವು ನಾವು
ಆ ಶುಭ ಸವಿಘಳಿಗೆಗೆ ಸಾಕ್ಷಿಯಾಗಿ
ಬಂದು ಹರಸಿ ತಾಂಬೂಲ ಸ್ವೀಕರಿಸಿ ನೀವು

ಬೇಕು ಎಂದೆ

ಕಪ್ಪು ಕಾಡಿಗೆಯೆಳೆದ ಕಣ್ಣಿನು ನೋಡಬೇಕೆಂದೆ
ನೋಡಲಾರದೆ ಹೋದೆ

ಆ ತೀಡಿದಾ ಹುಬ್ಬನ್ನು ಮುಟ್ಟಬೇಕೆಂದೆ
ಮುಟ್ಟಲಾರದೆ ಹೋದೆ

ಮುಂಗುರುಳು ಸರಿಸಿ ಮಖವ ಕಾಣಬೇಕೆಂದೆ
ಕಾಣಲಾರದೆ ಹೋದೆ

ನಿನ್ನ ಜೊತೆ ಕುಳಿತು ಪಯಣಿಸಬೇಕೆಂದೆ
ಪಯಣಿಸಲಾರದೆ ಹೋದೆ

ಸನಿಹ ಬಂದು ಸುಗಂಧವ ಸವಿಯಬೇಕೆಂದೆ
ಸವಿಯಲಾರದೆ ಹೋದೆ

ಮೈಸೋಕಿ ನವಿರಾಗಿ ಕುಣಿಯಬೇಕೆಂದೆ
ಕುಣಿಯಲಾರದೆ ಹೋದೆ

ಮಾತನಾಡಿಸಿ ನಕ್ಕು ನಗಿಸಬೇಕೆಂದೆ
ನಗಿಸಲಾರದೆ ಹೋದೆ

ಮದುವೆಯಾಗುವೆಯಾ ಎಂದು ಕೇಳಬೇಕೆಂದೆ
ಕೇಳಲಾರದೆ ಹೋದೆ

ನೀ ಕೇಳಿದಾ ಬಟ್ಟೇ ಕೋಡಿಸಬೇಕೆಂದೆ
ಕೊಡಿಸಲಾರದೆ ಹೋದೆ

ನೀ ನೇಡೆದಾ ದಾರಿಯಲಿ ಹೋಗಬೇಕೆಂದೆ
ಹೋಗಲಾರದೆ ಹೋದೆ

ಒಮ್ಮೆ ತಿರುಗಿ ನೋಡುವಳೆಂದುಕೋಂಡೆ
ತಿರುಗಿ ಕಣ್ಣು ಮಿಟಿಕಿಸಿ ಮುಗುಳ್ನಕ್ಕು ಓಡಿಹೋದೆ?

ಪ್ರಿತ್ಸೋಣ ಬಾ

ಪ್ರಿತ್ಸೋಣ ಬಾ...ಸಾರೋಣ ಬಾ ..
ಇಂದು ಎಂದು ಎಂದೆಂದು ನಾವುಗಳು
ನಿತ್ಯ ಪ್ರೇಮಿಗಳೆಂದು ಜಗಕೆ ತೋರಿಸಲು ... ಪ

ಕನಸಿನ ಲೋಕದ ಮೋಡವ ವಡೆದು
ನನಸಿನ ಮಳೆಯಲಿ ಮಿಂದು ಕುಣಿದು
ಮೈ ಮರೆಯುತ ನಲಿಯುವ ಬಾರಾ.... ೧

ಹಿರಿಯರ ಒಲವಿನ ಒಪ್ಪಿಗೆ ಪಡೆದು
ಕಿರಿಯರ ಜೊತೆಯಲಿ ಹರುಶದಿ ನಲಿದು
ಕೈ ಕೈ ಹಿಡಿಯುತ ನೆಡೆಯುವ ಬಾರಾ... ೨

ಗಿಡ ಮರದ ಅಂಚಲಿ ನೂಡುತ ಕುಳಿತು
ಗಿರಿ ಬನ ಊರೂರ ದಿನವೂ ಅಲಿದು
ಹಕ್ಕಿಯಂತೆ ಜೊತೆಯಲಿ ಹಾರುವ ಬಾರಾ....೩

ಪ್ರಿತೀಯ ಪಯಣಕೆ

ಮನದ ಮಂಟಪ ಸೇರಿ
ಆ ಚಂದದ ಮೊಗವ ತೋರಿ
ಮೋಹದ ತಂಗಾಳಿ ಬೀರಿ
ಉಲ್ಲಸದ ಚಿಲುಮೆ ಕಾರಿ
ಬಾರೆ ನೀ ನನ್ನ ಜೊತೆಗೆ ...ಪ್ರಿತೀಯ ಪಯಣಕೆ...

ಆ ಕಣ್ನಿನ ನೋಟದ ಲಹರಿ
ಮಿಂಚಂತೆ ಬಂತು ಹಾರಿ
ಕುಣಿಯಿತು ಮನ ಎಲ್ಲೆ ಮೀರಿ
ಸೆರೆಹಿಡಿಯಲು ಪ್ರತೀ ಸಾರಿ
ಬಾರೆ ನೀ ನನ್ನ ಜೊತೆಗೆ ...ಪ್ರಿತೀಯ ಪಯಣಕೆ...

ಬಳಕುವ ನೀರಿನ ಝರಿ
ಧುಮುಕುತಿದೆ ನಿನ್ನಂತೆ ಜಾರಿ
ಉಳುಕುತಿದೆ ನಡು ಈಪರಿ
ಪುಳುಕಿತನಾದೆ ಸೋಬಗ ಹೀರಿ
ಬಾರೆ ನೀ ನನ್ನ ಜೊತೆಗೆ ...ಪ್ರಿತೀಯ ಪಯಣಕೆ...

ಕನಸಲ್ಲಿ ಕಂಡ ದಾರಿ
ಆ ಚಲ್ಲಿದ ಹೂ ದಳಗಳ ಏರಿ
ನೆಡೆಯೋಣ ಬಾ ಹೆಜ್ಜೆ ಊರಿ
ಕೈ ಹಿಡಿದು ಬಾರಿ ಬಾರಿ
ಬಾರೆ ನೀ ನನ್ನ ಜೊತೆಗೆ ...ಪ್ರಿತೀಯ ಪಯಣಕೆ...

ನಲಿಯೋಣ ಹಕ್ಕಿಯಂತೆ ಹಾರಿ
ಸುತ್ತೋಣ ಕೇರಿ ಕೇರಿ
ಹಂಚೋಣ ಒಲವಿನ ಓಲೆಗರಿ
ಸಾರೋಣ ಪ್ರಿತಿಸುವುದೇ ಎಲ್ಲರ ಗುರಿ
ಬಾರೆ ನೀ ನನ್ನ ಜೊತೆಗೆ ...ಪ್ರಿತೀಯ ಪಯಣಕೆ...

ನನ್ನನ್ನೇ ನೋಡುತಿರು

ಬಾ ಬೇಗ ಬಾ...
ಬಾ ಸನಿಹ ಬಾ...
ಮುಗಿಸಿ ಬೇಗ ಮನೆ ಕೆಲಸ
ಆರಿಸಿ ನಡು ಮನೆ ದೀಪ
ಕೇಸರಿ ಹಾಲು ತರುತಾ, ಬಾ
ಮೆಲ್ಲನೆ ಹೆಜ್ಜೇ ಇಡುತ

ಮಧು ಮಂಚದ ಹಾಸಿಗೆಗೆ
ಚಿತ್ತಾರದ ದಿಂಬು ಹೊದಿಕೆ
ವತ್ತಾಗಿ ಜೋಡಿಸಿರುವೆ
ಮಲ್ಲಿಗೇ ಗುಲಾಬಿ ಜೊತೆಗೆ

ಹೂ ಹೂವಿನೊಳಗಿಂದ
ಹಕ್ಕಿತಂದ ಜೇನಿಂದ
ಅದ್ದಿ ತೆಗೆದ ಹಣ್ಣುಗಳಾ
ಮುದ್ದು ಮಾಡುತ ಸವಿವ

ಗೆಜ್ಜೆ ಬಳೆ ಘಲ್ಲೆನಲು
ಝಲ್ ಎಂದಿತು ಎದೆಯು
ನನಸಾಗುತಿದೆ ಕನಸು
ಕಾಯುತಿದೆ ಮನಸು

ಬಾಗಿಲನ್ನು ಸರಸುತ್ತಾ
ನಾಚಿ ನೆಲ ಕೆರೆಯುತ್ತಾ
ಮೋಹ ತುಂಬಿದ ಕಣ್ಣು
ನನ್ನ ಮೇಲೆ ಹರಸುತ್ತಾ

ನನ್ನನ್ನೇ ನೋಡುತಿರು..
ನಕ್ಕು ದೂರ ಓಡದಿರು.
ಉಕ್ಕಿ ಬರುವಾ ಪ್ರೀತಿ..
ತೆಕ್ಕೆಯಲ್ಲಿ ಸೆರೆಹಿಡಿವೆ ..

ಮಂದಗಮನೆ ನೀನು
ಅಂದದಿ ಬಂದು ಸೇರು
ಚಂದಿರನ ತೋರುತಲಿ
ಚಂದದಿ ಮಲಗಿಸುವೆ

ಕರಗಿರುವೆ

ನೀ ಇಲ್ಲದೆ ಕರಗಿರುವೆ
ನನ್ನ ಬಿಟ್ಟು ಅಲ್ಲಿ ನೀ ಹೇಗಿರುವೆ
ಕನಸಲ್ಲಿಯೂ ಕಾಡುತಿರುವೆ
ಎಲ್ಲಿ ಇದ್ದರೂ ನೀ ನನ್ನ ಜೊತೆ ಇರುವೆ ....

ಹಗಲಿರುಳು ವಿಮಾನದಲಿ ಕುಳಿತಾಗ
ಆ ಬಿಳೀ ಮೋಡದ ಮೇಲೆ ತೇಲಿದಾಗ
ಸುರ್ಯನ ಕೆಂಚ ಕಿರಣಗಳು ಸೋಕಿದಾಗ
ಭುವಿ ಅಂಚಿನಲಿ ನೀ ಕಂಡು ಮುಗುಳ್ನಕ್ಕಾಗ ....೧

ಆ ನೀಲಿ ಹಡಗಿನಲ್ಲಿ ಸಾಗಿದಾಗ
ಸಮುದ್ರದ ಅಲೆಗಳು ಬಂದು ತಾಗಿದಾಗ
ಬಿರುಗಾಳಿ ಧೂಳಿನ ಕವಚ ಎಬ್ಬಿಸಿದಾಗ
ಆಗಸದಿ ನಿನ್ನ ರೂಪ ಮೂಡಿ ಸರಿದಾಗ... ೨

ಸ್ವರ್ಣ ಸೇತುವೆ ಮೇಲೆ ನೆಡೆದಾಗ
ಪ್ರೆಮಿಗಳು ಮೈ ಮರೆತು ವಿಹರಿಸುವಾಗ
ಆ ಕೋರೆಯಿಸುವ ತಂಗಾಲಿ ಬೀಸಿದಾಗ
ದಪ್ಪನೆಯ ಹೊದ್ದ ಶಾಲಿನಲಿ ನಿನ್ನ ಕಂಡಾಗ...೩

ಕಾನನದ ಕಾಲ್ನಡಿಗೆಲಿ ಹೋಗುವಾಗ
ದಟ್ಟ ಮಂಜು ನನ್ನನು ಆವರಿಸಿದಾಗ
ಕಾಣದಾ ಕೈಯೊಂದು ಬಿಗಿದಪ್ಪಿಕೊಂಡಾಗ
ಮುತ್ತಿಕ್ಕಿ ನೀ ಪ್ರೀತಿ ಸುರಿಸಿದಂತೆ ಭಾಸವಾದಗ ೪

ನನ್ನ ನಲ್ಲೇ

ನೀನೆ ನನ್ನ ನಲ್ಲೇ ಏನು
ಹುಡುಕಿ ಹುಡುಕಿ ಸೋತೆ ನಾನು
ನೀನು ಇಲ್ಲೇ ಇರುವೆ ಏನು
ಹಾಗೆ ಬಂದು ಸೇರು ನನ್ನನು

ಶೃಂಗಾರ ವಿಲ್ಲದಾ ಚಲುವು
ತೋರುಸುವೆ ಅದೆಂಥ ಒಲವು
ಕನಸುಗಳು ಬೀಳುತಿವೆ ಹಲವು
ನೆನೆದು ನೆನೆದು ನಿನ್ನನು

ಮೈಸೂರು ಮಲ್ಲಿಗೆ ಮುಡಿದು
ಬಳೆಗಳ ದನಿಯನ್ನು ಹಿಡಿದು
ಹಸಿರ ಸೀರೆ ಉಟ್ಟು ನೆಡೆದು
ನೋಟದಿ ಸೆಳೆವೆ ಎನ್ನನ್ನು

ಮಂದಹಾಸ ಮುಗುಳ ನಗೆಯು
ಹೊಮ್ಮುವುದು ಜೇನಿನ ಧ್ವನಿಯು
ಮೋಹ ತುಂಬಿದ ನಿನ್ನ ಮನವು
ಗಟ್ಟಿ ಭಂದಿಸಿದೆ ನನ್ನನು

ಪೇಟೆಗೆ ಹೋಗೋಣ

ಪೇಟೆಗೆ ಹೋಗೋಣ ಬಾರೋ
ನನ್ನ ಸುಕುಮಾರಾ
ಕಿಸೆಯಲ್ಲಿ ಕಾಸಿಲ್ಲ ಹೋಗೇ
ನನ್ನ ಸುಕುಮಾರಿ

ಚೂಡೀದಾರ ಕೇಳೋದಿಲ್ಲ
ಪ್ಯಾಂಟ್ ಷರ್ಟ್ ಬೇಕಾಗಿಲ್ಲ
ಚಪ್ಪಲಿ ಅಂತೂ ತೋಗೋಳೋದೇಇಲ್ಲ ಸರದಾರ
ರೇಷ್ಮೇ ಸೀರೆ ಕೋಡ್ಸೋ ಸಾಕು ಸುಕುಮಾರಾ

ಮುತ್ತಿನ ಸರ ಹಾಕೋದಿಲ್ಲ
ಬೆಳ್ಳಿ ಕಾಲ್ಗೆಜ್ಜೆ ಬೇಡೋದಿಲ್ಲ
ಬಂಗಾರದ ನೆಕ್ಲಸ ಮಾಡಿಸೋದಿಲ್ಲ ಸರದಾರ
ಪ್ಲಟಿನಂ ಉಂಗುರ ಕೋಡ್ಸೊ ಸಾಕು ಸುಕುಮಾರ

ಪಪ್ ಕಾರ್ನ್, ಕೋಕ್ ನೋಡೋದಿಲ್ಲ
ಪಾನಿಪುರಿ, ಪೀಟಝ್ಹ ತಿನ್ನೋದಿಲ್ಲ
ಮಸಾಲೆ ದೋಸೆ, ಕಾಫಿ ಕುಡಿಯೋದಿಲ್ಲ ಸರದಾರ
ಲೀಲಾಪ್ಯಾಲೇಸಲಿ ಊಟ ಮಾಡ್ಸೊ ಸುಕುಮಾರ

ಪ್ಲಾಟಿನಂಅಂತೆ ಹೋಳೆವಾ ಮೋಗವು
ರೇಷ್ಮೆಯಂತೆ ವೈಯಾರದ ಆ ಚಲುವು
ನಿನ್ನ ನೊಡುತ ಕೂಡಲು ಈ ಅರಮನೆ ಇರಲು
ಪೇಟೆಗೆ ಹೋಗಲೇಬೇಕಾ ಸುಕುಮಾರಿ ರಾಜಕುಮಾರಿ!

***ಮಳೆ ನಿಲ್ಲುವ ಮುನ್ನ***

***ಮಳೆ ನಿಲ್ಲುವ ಮುನ್ನ***
ಬರಿಯಬೇಕು ಕವನ
ಮಳೆ ನಿಲ್ಲುವ ಮುನ್ನ
ಗುಡುಗು ಸಿಡಿಲು
ಹೊಡೆಯುವ ಮುನ್ನ
ಆಣೇಕಲ್ಲು ಕರಗಿ
ನೀರಾಗುವ ಮುನ್ನ
ಆಗಸದಿ ಕೋಲ್ಮಿಂಚು
ಸುಳಿದು ಜಾರುವ ಮುನ್ನ
ಕರಿಮೋಡದ ಮುಂದೆ
ಕಮನ ಬಿಲ್ಲು ಮಾಸುವ ಮುನ್ನ
ಚಲಿಸುವ ಮೋಡ ತಂಗಾಳಿ
ಜೋತೆ ಸಾಗುವ ಮುನ್ನ
ಏಲೆ ತುದಿಯಿಂದ ಹನಿಯು
ಭುವಿಗೆ ಬೀಳುವ ಮುನ್ನ
ರಂಬೆ ಕೂಂಬೆಗಳು
ಮುರಿದು ಹೋಗುವ ಮುನ್ನ
ಹಕ್ಕಿ ಪಕ್ಷಿಗಳು
ಗೆರಿ ಕೆದರಿ ಹಾರುವ ಮುನ್ನ
ವಿದ್ಯುತ್ ದೀಪ
ಕಡಿದು ಆರುವ ಮುನ್ನ
ಮಕ್ಕಳು ಕಾಗದದ ಹಡಗು
ನೀರಲ್ಲಿ ತೇಲಿ ಬಿಡುವ ಮುನ್ನ
ನನ್ನ ನಲ್ಲೆ ಮಳೆಯಲ್ಲಿ ಮಿಂದು
ಒಮ್ಮೆ ಓರೆ ನೋಟದಿ ನೋಡುವ ಮುನ್ನ

ಮೊದಲ ಮಳೆ

ಋತು ಚೈತ್ರದ ಮೋಡ ಸರಿದು
ಮೊದಲ ಮಳೆ ಬಿತ್ತು ಭುವಿಯಲ್ಲಿ
ಬಿಸಿಲ ಝಳದ ಬೇಗೆಯನ್ನು
ಆರಿಸುತಿದೆ ತಂಪೆರೆದು ಎಲ್ಲೆಲ್ಲಿ

ಆರ್ಭಟಿಸುತಿದೆ ಸುಂದರ ಬೆಳಕಿನಾಟದ
ಗುಡುಗು ಕೋಲ್ಮಿಂಚು ಆಗಸದಲ್ಲಿ
ರಭಸದಿಂದ ಸೊಗಸಾಗಿ ಸುರಿಯುತಿದೆ
ಮಳೆ ಎಳೆ ಎಳೆಯಾಗಿ ಇರುಳಲ್ಲಿ

ಕಂಗೊಳಿಸುತಿದೆ ಚಿಗುರ ಹಸಿರು
ಧೂಳಿನಾ ಕವಚ ನಯವಾಗಿ ಕಳಚುತಲಿ
ಕೋಮಲ ಹೂಗಳು ನವ ಉಸಿರು
ತುಂಬಿ ಮೂಡಿದವು ಹಲವು ಬಣ್ನಗಳಲ್ಲಿ

ಕಲರವದಿ ಸಂವಾದ ಮಾಡುತಿವೆ
ಹಕ್ಕಿಗಳು ಮರ ಮರದ ತುದಿಯಲ್ಲಿ
ಕೂಗುತ ಹಾರಾತ ಹಾಡುತಿವೆ
ಸಂಗೀತ ಲಯಬಿಡದೆ ಸುಸ್ವರದಲ್ಲಿ

ಬೊರ್ಗರೆವ ತಂಗಾಳಿ ಸೋಕಿ
ಉಲ್ಲಾಸ ತಂದಿದೆ ನಮಗಿಲ್ಲಿ
ಬತ್ತಿ ಹೋದ ಮೋಹ ಹಿತವಾಗಿ
ಮೂಡಿ ಉತ್ಸಾಹ ತಂತು ಮನಸಲ್ಲಿ

ಅಕ್ಕ

ಅಕ್ಕ ನಿನ್ನ ಗಂಡ ಆಗೋರು ತುಂಬಾ ಕಪ್ಪು ಕಣೇ
ಪಕ್ಕದ ಮನೆಯ ಹುಡುಗನಿಗಿಂತ ಬೆಳ್ಳಗೆ ಇಲ್ಲವೇನೇ

ಕೆಕ್ಕರಿಸಿ ನಿನ್ನ ನೋಡೋ ನೋಟ ಸೊಟ್ಟ ಇಲ್ಲವೇನೇ
ಅಕ್ಕರೆಯಿಂದ ನೋಡೋವಾಗ ಕಾಣೋದು ಸೋಟ್ಟನೇ ಕಣೇ

ನಕ್ಕರೆ ಕಾಣೋ ಕೋರೆ ಹಲ್ಲು ಎಸ್ಟು ಅಂದಾನೇ
ದಂತ ವೈದ್ಯರ ಹತ್ರ ಹೊಗಿ ಸರಿ ಮಾಡಿಸ್ತೇನೆ

ಕೂಗಿ ಕರೆದರೂ ಕೇಳಿಸದಾಕಿವಿ ಸೂಕ್ಷ್ಮ ಅಲ್ವೇನೇ
ಕೆಟ್ಟ ವಿಷಯ ಕಿವಿಗೆ ಬೀಳದೇ ಇರೊದು ಒಳ್ಳೇದೇ ಕಣೇ

ಹರಕು ಮುರುಕು ಕೂದಲು ಅವನ ಬೈತಲು ನಾ ಕಾಣೇ
ತಲೆ ಸ್ನಾನ ಮಾಡ್ಸಿ ಬಾಚಿದರೆ ಸ್ಪುರದ್ರೂಪಿ ಆಗ್ತಾನೇ

ಸೊಕ್ಕು ತುಂಬಾ ಜಾಸ್ತಿ ಅವನು ಈಗಲೇ ತೋರಿಸ್ತಾನೆ
ರೊಕ್ಕ ಇರೋ ಹುಡುಗರಿಗೆ ಅದು ಸಹಜ ಅಲ್ಲವೇನೇ

ಸಿಕ್ಕ ಸಿಕ್ಕ ಹುಡಿಗಿಯರ ಹಿಂದೆ ಓಡಿ ಹೋಗ್ತಾನೇ
ಕೊಕ್ಕೆ ಹಾಕಿ ಹಿಡಿದು ತರಲು ಬೇಗ ಮದುವೆ ಅಗ್ತೀನೇ

ಚಿಕ್ಕ ಚಿಕ್ಕ ವಿಷಯಕ್ಕೆಲ್ಲಾ ತುಂಬಾ ತರಲೆ ಮಾಡ್ತಾನೇ
ಚೊಕ್ಕವಾಗಿ ಜೀವನ ನೆಡೆಸೊರು ಸ್ವಲ್ಪ ಹಗೇನೇ ಕಣೇ

ಕೋಪ ಮಡ್ಕೊಂಡು ಕೂಡೋ ನಿನ್ನ ಹೇಗೇ ಸಾಕ್ತಾನೇ
ಸಕ್ಕರೆಯಂತೆ ಮುದ್ದಿಸಿ ನನ್ನ ಕರಗಿಸಿ ಬಿಡುವನೇ

ಅಕ್ಕ ಏನೇ ಹೇಳು ಅವನು ನಿನಗೆ ಸರಿ ಹೊಂದೋದಿಲ್ಲವೇ
ಪಕ್ಕ ಅವನ್ನೇ ಮದುವೆ ಅಗಿ ನಾನು ಸುಖವಾಗಿ ಇರ್ತ್ತೇನೇ

ಅಕ್ಕ ನನ್ನ ಅವನ ಜೋಡಿ ಚನ್ನಾಗಿ ಇರೋದಿಲ್ವೇನೆ
ಬಚ್ಚಿಟ್ಟ ನಿನ್ನ ಮನಸಿನ ಆಸೆ ಮುಂಚೆನೆ ಗೊತ್ಹಿತ್ತು ಕಣೆ!

ಅಮೇರಿಕಾದ ತುಂಬಾ

ಹೊಗಳಲು ಬರೋದಿಲ್ಲ

ಜನ ಹೊಗಳದೆ ಇರೋದಿಲ್ಲ

ಅದರ ತುಸು ವರ್ಣನೆ ಈ ಕವನ ತುಂಬಾ

ಬೈಕುಗಳ ಸುಳಿಯೋದಿಲ್ಲ

ಬಸ್ಸು ರೈಲು ಬರೋದು ತಡ ಆಗೋಲ್ಲ

ಕಾರುಗಳದೆ ದರಬಾರು ರಸ್ತೆ ತುಂಬಾ

ಮಿಂಚು ಅತಿಯಾಗಿ ಮೂಡುವುದಿಲ್ಲ

ಅಂಚಿನಲ್ಲಿ ಗುಡುಗು ಸಿಡಿಲಿನ ಭಯವಿಲ್ಲ

ಸಿಂಚನ ದಂತೆ ಮಳೆ ಇಲ್ಲಿ ಭುವಿಯ ತುಂಬಾ

ಹೊಗೆ ಧೂಳು ಹರಡುವುದಿಲ್ಲ

ಹೆಚ್ಹು ಪ್ರಖರ ಬಿಸಿಲು ಬೀಳೋದಿಲ್ಲ

ಹಚ್ಹ ಹಸಿರು ಚಾಚಿದೆ ಈ ಊರ ತುಂಬಾ

ಇಡ್ಲಿ ದೋಸೆ ತಿನ್ನೋದಿಲ್ಲ

ಬ್ರೆಡ್ ಬೆಣ್ಣೆ ಜಾಮು ಬಿಡೋದಿಲ್ಲ

ಕೊಬ್ಬಿರದ ಹಾಲು ಹಣ್ಣುಗಳೇ ತಿಂಡಿ ತುಂಬಾ

ನೀರು ಜಾಸ್ತಿ ಕುಡಿಯೋದಿಲ್ಲ

ನೀರೆಯರು ಮೊಸರು ತಿನ್ನುವರಲ್ಲ

ಇಳಿಸುವರು ಅಲ್ಕೋಹಾಲು ಬಾಯಿ ತುಂಬಾ

ಬಟ್ಟೆ ಬೆಚ್ಹಗೆ ಹಾಕುವರಲ್ಲ

ಬೊಜ್ಜು ಕರಗಿಸಲು ಓಡುವರಲ್ಲ

ಬಿಸಿಲಿಗೆ ಮೈಯನ್ನು ಒಡ್ಡುವರು ಬೀಚು ತುಂಬಾ

ಮುಚ್ಚು ಮರೆ ಎಂಬೋದು ಇಲ್ಲ

ತುಚ್ಚವಾಗಿ ಯಾರನ್ನು ಕಾಣೋದಿಲ್ಲ

ಸ್ವೇಚ್ಛ ಪ್ರೀತಿ ತುಂಬಿದೆ ಎಲ್ಲರ ಮನದ ತುಂಬಾ

ಸಂಸಾರಕೆ ಬೇಗ ಬೀಳೊರಲ್ಲ

ಸರಸಕೆ ಜಾಗ ಇಂಥದ್ದೇ ಬೇಕಾಗಿಲ್ಲ

ಸಮಯವೇ ಅತಿಮುಖ್ಯ ಇವರಿಗೆ ಜೀವನ ತುಂಬಾ

ಭಾವನೆಗಳಿಗೆ ಬೆಲೆ ಇಲ್ಲ

ಬವಣೆಗಳಿಗೆ ಹೆದರೋದಿಲ್ಲ

ಬದುಕು ಸಾಗಿಸುವರು ಹೀಗೆ ಅಮೇರಿಕಾದ ತುಂಬಾ

ಅಮೆರಿಕಾದ ಹುಡುಗಿ

ಅಮೆರಿಕಾದ ಹುಡುಗಿ
ನೋಡಲು ಎಂಥ ಬೆಡಗಿ

ಕೊಂಪು ಮೊರೆ ಮುಖವ ಹೊತ್ತು
ತೀಡುತಾಳೆ ಹುಬ್ಬು ಕಪ್ಪು
ಹಾರುವುದು ಕುದುರೆ ಜುಟ್ಟು
ಹಾಕುವಳು ಕನ್ನಡಕ ಕಪ್ಪು

ತುಂಡು ಬಟ್ಟೆ ನಾಚುತ ನಿಂತು
ಉನಬಡಿಸುವಳು ಕಣ್ಣು ತಂಪು
ಬೆಕ್ಕು ಹೆಜ್ಜೆ ಇಡುತ ನೆಡೆದು
ಬಳುಕುತಿದೆ ನಡು ಸಣ್ಣಗೆ ಸೆಳೆದು

ಕಂಠ ಪೂರ್ತಿ ಕುಡಿದರು ಅವಳು
ತೂರಾಡದೆ ಹಾಗೆ ನಿಲ್ಲುವಳು
ಚಿಕ್ಕ ಚೀಲ ಹೆಗಲಲಿ ಹಿಡಿದು
ಮೆತ್ತಗೆ ನೆಡೆವಳು ತಾಳಕ್ಕೆ ಕುಣಿದು

ನೋಟದಲ್ಲಿ ಮನಸ ಕೊಟ್ಟು
ಪ್ರೀತಿಯನ್ನು ಹರಿಯಲು ಬಿಟ್ಟು
ತಬ್ಬಿ, ಉಸುರುವಳು ಕಿವಿಯಲಿ ಗುಟ್ಟು
ಮುದ್ದು ಮಾಡುವಳು ತುಟಿಗೆ ತುಟಿಯನು ಇಟ್ಟು

ಅಮೆರಿಕದಲ್ಲಿನ ಕೋಣೆ

ವಿಶಾಲವಾದ ಕೋಣೆಯ ಒಳಗೆ
ರತ್ನ ಕಂಬಳಿಯ ಮೆತ್ತನೆಯ ಹಾಸು
ಮಧ್ಯ ಮಂಚದ ಹಾಸಿಗೆಯ ಮೇಲೆ
ಮೃದುವಾದ ಎರೆಡು ತಲೆದಿಂಬು

ತಿಳಿ ಬಿಳಿಯ ಹೊದಿಕೆಯ ನಡುವೆ
ಸುಂದರ ಹೂವಿನ ಕುಂಚದ ಚಿತ್ರ
ಗೋಡೆಯ ಮೇಲೆ ತೂಗು ಹಾಕಿದ
ಅಗೋಚರ ಅರ್ಥದ ಚಿತ್ರ ವಿಚಿತ್ರ

ಚಿಕ್ಕದಾಗಿ ಉರಿವ ದೀಪದ ಮುಂದೆ
ಕಾಣುವ ನೀಳವಾದ ಹೂವಿನ ಕುಂಡ
ತಳಿರ ಹಸಿರ ಎಲೆಗಳ ನಡುವೆ
ಕಾಣುತಿದೆ ಕೆಂಪು ಗುಲಾಬಿ ದಂಡು

ನಯವಾಗಿ ರೆಗಿಸುತಿವೆ ನನ್ನ ಹೇಗಿದೆ
ನಮ್ಮ ಈ ವಯ್ಯಾರದ ಮೋಹಕ ನೋಟ
ಹೇಳಿದೆ ನಾ ನೀ ಜೊತೆ ಇದ್ದಿದ್ದರೆ
ಎಷ್ಟು ಚಂದ ಇರುತಿತ್ತು ನಮ್ಮ ಚಲ್ಲಾಟ

ಇಂಥಹ ಚಲುವಿಗೆ ಬೆರಗಾದ ಮನಸು
ಹೊಸ ಪದಗಳ ಹುಡುಕಿ ಹಾಡುತ
ಆಕಾಶದ ಎತ್ತರಕ್ಕೆ ಹಾರುತಿದೆ
ನವಿರಾಗಿ ನಲಿಯುತ ಮೈಮರೆಸುತಿದೆ

ಬಿರಿಸು ತಂಗಾಳಿಯಲಿ ಅಂಚಿನಲ್ಲಿ ತೇಲಿ
ಬರುತಲಿದೆ ಯಾವುದೋ ಕಾಣದ ಪ್ರೀತಿ
ಅಲ್ಲಿ ಇಲ್ಲಿ ಎಲ್ಲಲ್ಲೂ ಸಂಚು ಮಾಡುತ
ಹುಡುಕುತಿವೆ ಕಣ್ಣುಗಳು ನಿನ್ನ ಹಲವು ರೀತಿ