ಮೊದಲ ಮಳೆ

ಋತು ಚೈತ್ರದ ಮೋಡ ಸರಿದು
ಮೊದಲ ಮಳೆ ಬಿತ್ತು ಭುವಿಯಲ್ಲಿ
ಬಿಸಿಲ ಝಳದ ಬೇಗೆಯನ್ನು
ಆರಿಸುತಿದೆ ತಂಪೆರೆದು ಎಲ್ಲೆಲ್ಲಿ

ಆರ್ಭಟಿಸುತಿದೆ ಸುಂದರ ಬೆಳಕಿನಾಟದ
ಗುಡುಗು ಕೋಲ್ಮಿಂಚು ಆಗಸದಲ್ಲಿ
ರಭಸದಿಂದ ಸೊಗಸಾಗಿ ಸುರಿಯುತಿದೆ
ಮಳೆ ಎಳೆ ಎಳೆಯಾಗಿ ಇರುಳಲ್ಲಿ

ಕಂಗೊಳಿಸುತಿದೆ ಚಿಗುರ ಹಸಿರು
ಧೂಳಿನಾ ಕವಚ ನಯವಾಗಿ ಕಳಚುತಲಿ
ಕೋಮಲ ಹೂಗಳು ನವ ಉಸಿರು
ತುಂಬಿ ಮೂಡಿದವು ಹಲವು ಬಣ್ನಗಳಲ್ಲಿ

ಕಲರವದಿ ಸಂವಾದ ಮಾಡುತಿವೆ
ಹಕ್ಕಿಗಳು ಮರ ಮರದ ತುದಿಯಲ್ಲಿ
ಕೂಗುತ ಹಾರಾತ ಹಾಡುತಿವೆ
ಸಂಗೀತ ಲಯಬಿಡದೆ ಸುಸ್ವರದಲ್ಲಿ

ಬೊರ್ಗರೆವ ತಂಗಾಳಿ ಸೋಕಿ
ಉಲ್ಲಾಸ ತಂದಿದೆ ನಮಗಿಲ್ಲಿ
ಬತ್ತಿ ಹೋದ ಮೋಹ ಹಿತವಾಗಿ
ಮೂಡಿ ಉತ್ಸಾಹ ತಂತು ಮನಸಲ್ಲಿ