ಅಂತರಜಾಲದ ಬಿರುಗಾಳಿಗೆ
ನಿಧಾನಕೆ, ನಿಧಾನಕೆ, ಪುಸ್ತಕ ಮೂಲೆ ಸೇರಿದೆ
ಪುಸ್ತಕ ಓದುವುದು ಕಡಿಮೆಯಾಗಿದೆ
ಕಾದಂಬರಿ, ಕವನ, ಕಥೆ, ಪಠ್ಯ ವಿಮರ್ಶೆ ಪುಸ್ತಕಾ
ದಿನಪತ್ರಿಕೆ ಸಿಗುತ್ತಿತ್ತು, ಓದಲು ಎಲ್ಲರಿಗೂ ಉಚಿತಾ
ಗುಂಪುಮಾಡಿ ಜೋಡಿಸಿದ ಅಟ್ಟಕ್ಕೆ, ಹೆಸರಿತ್ತು ಇಷ್ಟುದಿನಾ
ಗುಂಪಾಗಿ ಬಿದ್ದಿವೆ, ಹುಡುಕಲು ಏನು ಮಾಡಲಿ ನಾ
ಮನಸನು ಕಾಡುತಾ, ನೆನಪು ತರುವ ಪುಸ್ತಕಾ
ನಲಿವನು, ನೋವನು, ಅನುಭವಿಸಿದೆ ಓದುತಾ
ಜನರ ಸೆಳೆದು ಗ್ರಂಥಾಲಯಕ್ಕೆ, ಜೀವ ತುಂಬಿದ್ದೆ ಇಷ್ಟುದಿನಾ
ಜನರಿಲ್ಲದೆ ಒಣಗುತ್ತಿದೆ ಈಗ ಏನು ಮಾಡಲಿ ನಾ
