ಬುಧವಾರ, ಏಪ್ರಿಲ್ 25, 2018

ಬೆಳೆದೆರೆಡು ಹೂವುಗಳು


ತೆಳ್ಳನೆಯ ಚಪ್ಪರದಿ 
ಬಳ್ಳಿಯು ತುದಿಯಲ್ಲಿ 
ಬೆಳ್ಳನೆಯ ಹೂಗಳ  ನೋಡೋ 

ಬಾಳೆಂಬ ತೋಟದಲಿ 
ಬೆಳೆದೆರೆಡು ಹೂವುಗಳು 
ಬಳುಕುತಾ ತಲೆದೂಗಿವೆ ನೋಡೋ 

ಅಂಬರದಿ ಸುವಾಸನೆಗೆ  
ದುಂಬಿಗಳ ಹಾರುತಿವೆ 
ತುಂಬಿದ ಮೊಗವ ನೋಡೋ 

ನೈದಿಲೆಯು ನಾಚಿಕೆಗೆ 
ಬೈತಲೆಯು ಎರಡಾಗಿ 
ಕೈ ಹಿಡಿದ ನಗುವ ನೋಡೋ   

ಬಟ್ಟಲು ಗಣ್ಣನು ಬಿಟ್ಟು 
ಬೆರಗಾಗಿ ಸುತ್ತ ನೋಡುತ್ತಿವೆ   
ಬಳಿಸಾಗಿ ಸೊಬಗ ಸವಿಯಬೇಕು ನಾವು 

ಕಾಮೆಂಟ್‌ಗಳಿಲ್ಲ:

ಕಾಮೆಂಟ್‌‌ ಪೋಸ್ಟ್‌ ಮಾಡಿ