ಗೆಳೆಯ

ಇರುವನು ಜೊತೆಯಲ್ಲಿ ಇದ್ದರು ಇರದಂತೆ 

ತರುವನು ನಗುವನು ಲತೆಯೇ ನಾಚುವಂತೆ  

ಎಳೆಯ ಚಿಗುರಿನಲಿ ಹೊಳೆವ ಇಬ್ಬನಿಯಂತೆ

ಬಿಳಿಯ ವಜ್ರದಲಿರುವ ಚಲುವ ಬಣ್ಣಗಳಂತೆ   

ಬೆಳಗುವ ದೀಪದಲಿ ತಿಳಿ ಎಣ್ಣೆ ಇದ್ದಂತೆ  

ಗೆಳೆಯ ನೀ ಇರುವೆ  ಚಂದಿರನ ಬೆಳಕಂತೆ 

ನೀರಿನಲಿ ತೇಲುವ ಕಮಲದೆಲೆಯಂತೆ ಸಾ-

ಗರದೊಳಗೆ ಹುದುಗಿದ ರತ್ನ ಪರ್ವತದಂತೆ 

ಹೂರಣದಲಿ ಸಿಹಿಯಾದ ಬೆಲ್ಲ ಬೆರೆತಂತೆ   

ಇರುವೆ ನೀ ಗೆಳೆಯ ಎಲೆಮರೆ ಕಾಯಂತೆ

ಮಳೆಗಾಲದಲಿ ಸಿಗುವ ಆಸರೆಯ ಮರದಂತೆ 

ಚಳಿಗಾಲದಲಿ ಹೋದೆವ ಕರಿ ಕಂಬಳಿಯಂತೆ 

ಬಳಲಿದ ಬೇಸಿಗೆಯಲ್ಲಿ ಬರುವೆ ತಂಗಾಳಿಯಂತೆ 

ಗೆಳೆಯ ನೀ ಇರುವೆ  ಚುಲುಮೆಯ ಸೆಲೆಯಂತೆ 

--ಜೀವನ ಜ್ಯೋತಿಯಂತೆ