ತಾಯೆ ನಿನ್ನ ಮಡಿಲಲಿ ಬಂದು

ತಾಯೆ ನಿನ್ನ ಮಡಿಲಲಿ ಬಂದು
ಪ್ರಕೃತಿಯ ಕಂಡು
ಮಗುವೇ ಆದೆ ನಾ 

ಬ್ರಹ್ಮಗಿರಿ ಕಾವೇರಿಯನೆ  ಕಂಡು 

ಮಂಜಿನಲಿ ಮಿಂದು 

ಧನ್ಯನಾದೆ ನಾ 

ಜೀವನದಿಯಾಗಿ ಹರಿವಳು ನೀನು 

ಹಸಿರಿನ ಉಸಿರು ನೀನು 

ರೈತರ ಮೊಗದಿ ನಗುವನು ತರಿಸಿ 

ದಿನವೂ ಸಾಕುವವಳು ನೀನು 

ಗಿಡಮರ ಜೀವ ಸಂಕುಲಕೆಲ್ಲಾ 

ನೀರುಣಿಸುವೆಯಲ್ಲಾ 

ಪ್ರೀತಿ ಇಂದಾನೇ

- ಪ್ರೀತಿ ಇಂದಾನೇ 

ತಾಯೆ ನಿನ್ನ ಮಡಿಲಲಿ ಬಂದು 

ಪ್ರಕೃತಿಯ ಕಂಡು

ಮಗುವೇ ಆದೆ ನಾ 

 

ಹಸಿರ ಸೀರೆ ಉಡಿಸಿ ಭುವಿಗೆ 

ಬಳೆಯ ತೊಡಿಸುವೆ ನೀನು 

ಆರತಿ ಎತ್ತಿ ಇಳಿಯನು ತೆಗೆದು 

ಸೀಮಂತ ಮಾಡಿ ನಲಿವೆಯೇನು 

ಹುತ್ತರಿ ಹಬ್ಬವನೇ ಮಾಡಿ 

ನಗುವ ಮಕ್ಕಳ ನೋಡುವೆ  

ಪ್ರೀತಿ ಇಂದಾನೇ

- ಪ್ರೀತಿ ಇಂದಾನೇ 

ತಾಯೆ ನಿನ್ನ ಮಡಿಲಲಿ ಬಂದು 

ಪ್ರಕೃತಿಯ ಕಂಡು

ಮಗುವೇ ಆದೆ ನಾ 

ನಿನ್ನಂಥ ತಾಯಿ ಇರುವ ವರೆಗೆ 

ಇಲ್ಲಿ ಯಾವ ಚಿಂತೆಯೂ ಇಲ್ಲ

ಉಸಿರಿರೋವರೆಗೂ ನಿಂತಮೇಲೆಯೂ  

ನಿನ್ನ ಮಡಿಲೇ ನಮಗೆಲ್ಲ 

ಮಕ್ಕಳ ಸಾಧನೆಯ ನೋಡಿ 

ಮುಕ್ತಿ ನೀನು ಕೊಡಿಸುವೆ 

ಪ್ರೀತಿ ಇಂದಾನೇ

- ಪ್ರೀತಿ ಇಂದಾನೇ 

*ಮೈಸೂರ್ ಪಾಕ್*

ತುಪ್ಪದಲ್ಲಿ ಹುರಿದು 

ಸಕ್ಕರೆ ಪಾಕದಲ್ಲಿ ಸೇರಿಸಿ 

ಸಣ್ಣ ಉರಿಯಲ್ಲಿ ಕುದಿಸಿ 

ತೆಗೆದರೆ ಮೈಸೂರ್ ಪಾಕ್ 

ಆಯತಾಕಾರದಲ್ಲಿ ಇದ್ದರೆ 

ನೀ ಕಲ್ಲಾಗಬಹುದೆಂದು 

ಹೃದಯದಾಕಾರ ಕೊಟ್ಟು 

ನಿನ್ನ ಮೃದುವಾಗಿಸಿಹರು 

ಆಕಾರವೇನೇ ಇರಲಿ 

ಮಾಡುವವರು ಸಿಹಿಯಾಗಿದ್ದರಾಯ್ತು  

ಜೊತೆ ಜೊತೆಯಾಗಿ ಕುಳಿತು  

ಸವಿದರೆ ಬಾಯಲ್ಲಿ ನೀರೂರಬೇಕು  

*ನೀಲಿಕನ್ನಿಕೆ*

ನಿನ್ನ ಕಂಗಳ 

ನೋಟ ನೋಡುತ 

ರವಿಯು ಅವಿತನು ಮೋಡದಿ 

ಬುವಿಯಲೆಲ್ಲಾ 

ನಿನ್ನದೇ ಪ್ರಭೆ 

ಕವಿಯು ಹಿಡಿದನು ಕವಿತೆಲಿ 

ನೀಳವೇಣಿಯೇ 

ನೀಲಿಮಣಿಯದು  

ಮಿನುಗುತಿದೆ ಬೈತಲೆಯಲಿ 

ನೀಲಿ ಹಾರವು 

ನಗುತ ಹೊಳೆದಿದೆ    

ತುಟಿಗೆ ಕಂಪನು ಕೊಡುತಲಿ 

ನೀಲಿ ರವಿಕೆಯು 

ನೀಲಿ ಸೀರೆಯು 

ನವಿಲ ಹೋಲಿಕೆ ನಡುವಲಿ 

ನೀಲಿಯಾಯಿತು 

ಭೂಲೋಕವೆಲ್ಲಾ 

ನೀಲಿ ಕಂಗಳ ಚಲುವಲಿ

ನೀಲಿ ನೋಟಕೆ 

ನೀಳವಾಯಿತು 

ಮನಸು ಹುದಗಿತು ನಿನ್ನಲಿ 

ನಾಗಲೋಕದ 

ನೀಲಿಕನ್ನಿಕೆ 

ನಾ ಸಿಂಧೂರವಿಡಲೇ ಹಣೆಯಲಿ 

ಜಡೆ

 ಹೂವು ಹಾವಾಗದಿರಲಿ 

ಹಾವು ಜೆಡೆಯಾಗದಿರಲಿ 

ಹೂವು ಜಡೆಯಲ್ಲಿ ಮುಡಿದವರು 

ಬುಸುಗುಟ್ಟದೆ ಇರಲಿ 

ಬುಸುಗುಟ್ಟಿದರೂ ಸರಿ 

ಎಂದೂ ಹೆಡೆ ಬಿಚ್ಚಿ ಹೊಡೆಯದಿರಲಿ

ನನ್ನ ಹೆಂಡತಿಯ ಕೂದಲೂ 

ಕಪ್ಪು ದಪ್ಪ 

ಜಡೆ ಇತ್ತು ಮಾರುದ್ದ 

ಈಗಲೂ ಇದೆ ಕೂದಲು 

ಹೂಬಿಟ್ಟ ಕೊತ್ತಂಬರಿ ಕಟ್ಟು 

ಜಡೆ ಮಾತೇ ಇಲ್ಲ 

ಆನೆಯ ಬಾಲದ ತುದಿಯುದ್ದ 😂😂😂

ಅಯೋಧ್ಯಾ ಪುರಿಗೆ ಹೋಗೋಣ

ಬನ್ನಿ ಗೆಳೆಯರೆಲ್ಲ ನಾವು
ಅಯೋಧ್ಯಾ ಪುರಿಗೆ ಹೋಗೋಣ
ಬಾಲ ರಾಮನನ್ನು ನೋಡಿ
ಬಂದ ಭಕ್ತರ ದರ್ಶನ ಮಾಡೋಣ

ರಾಮನೇನು ಹೊಸಬನಲ್ಲ
ನನ್ನ ಹಾಗೆ ದೇವನು
ಹಾಲು ಮೊಸರು ಬೆಣ್ಣೆ ತಿನ್ನದೇ
ಬಾಲ ಲೀಲೆ ತೋರಿದ ಮಹಿಮನು

ಸುಳ್ಳು ನನಗೆ ಸಾರಾಗ
ಅವನು ಸತ್ಯ ನಿಷ್ಠನು
ಕೊಟ್ಟು ಮಾತು ಮರೆಸುವೆ ನಾನು
ಅವ ರಾಮ ಪಿತೃವಾಕ್ಯ ಪರಿಪಾಲಕನು

ರಾಧೆ ಗೋಪಿಯರು ನನ್ನ
ಹುಡುಕಿ ಹುಡುಕಿ ಕಾದರೂ
ರಾಮನಾದರೂ ಸೀತೆಗಾಗಿ
ಭಾರತ ಖಂಡ ಪೂರ್ತಿ ನೆಡೆದನು 

ಪುತನಿ ಕಾಳಿಂಗ ರಾಕ್ಷಸರು
ನಾ ಇರುವಲ್ಲೇ ಬಂದರು
ರಾಮ ರಾಕ್ಷಸರಾ ಕೊಲ್ಲಲು
ಅವರಿರಿವಲ್ಲೇ ಹೋದನು

ದುಷ್ಟ ಶಿಕ್ಷೆ ಶಿಷ್ಟ ರಕ್ಷೆ
ರಾಮ ಕೃಷ್ಣರ ಅವತಾರವು
ಹಿಂದೂ ಸನಾತನ ಧರ್ಮದಿ
ನಿತ್ಯ ಬೆಳಗಲಿ ಭಾರತವು 

ಪ್ರಭಂಜನ ಮುತ್ತಿಗಿ

ಇಂಗ್ಲಿಷ್ ಹೊಸ ವರ್ಷ

ಇಂಗ್ಲಿಷ್ ಹೊಸ ವರ್ಷದಲ್ಲಿ
ಬಾರುಗಳದ್ದೆ ದರ್ಬಾರು
ಮತ್ತಿನಲ್ಲಿ ತೇಲುವ ಈ ಜನಕ್ಕೆ 
ಬುದ್ದಿ ಹೇಳುವರಾರು

ಯುಗಾದಿಗೆ ಪ್ರಕೃತಿಯಲ್ಲೂ
ಕಾಣಿವುದು ಹೊಸ ಚಿಗುರು
ನಮ್ಮಂತೆ ಹೊಸ ವರ್ಷಾಚಾರಣೆ
ಪ್ರಾಣಿ ಪಕ್ಷಿಗಳಲ್ಲೂ ಜೋರು

ದೀಪ ಆರಿಸಿ ಕೆಕ್ ಕಟ್ ಮಾಡಿ
ಪಟಾಕಿ ಸಿಡಿಸಿ ಮರೆಯುತ್ತಿದ್ದೇವೆ ನಮ್ಮ ಬೇರು

ಯುಗಾದಿ ಹಬ್ಬಕೆ ದೀಪ ಹಚ್ಚಿ
ಉಳಿಸಿವ ಸಂಸ್ಕೃತಿ ನಾವೆಲ್ಲರು

ಹೊಸವರ್ಷಕೆ ಬೇವು ಬೆಲ್ಲ ಹಂಚಿ 

ಯುಗಾದಿ ಸಂಭ್ರಮಿಸೋಣ  ನಾವೆಲ್ಲರೂ 🙏🏼

 

ಏನಿದೇನಿದು
ಸೂರ್ಯನುದಯವು
ಭುವಿಯಲಿ ಬಂಗಾರದ ಬಣ್ಣವು

ಮೊಡದೋಳಗಣ
ಮಂಜು ಸರಿಸಿ
ಕೊಡುವೆ ನಿತ್ಯ ಉಲ್ಲಾಸವು

ಜೀವ ಸಂಕುಲಕೆಲ್ಲ
ಚೇತನ ತುಂಬಿದೆ
ನಗುಮೊಗದ ನಿನ್ನ ನೋಟವು 

ಮರದ ಮರೆಯಲಿ
ನಿಂತು ನೀ ಆಡುವೆ
ಕಣ್ಣು ಮುಚ್ಚಾಲೆ ಆಟವು

ಆಟ ನೋಟದ ಮಧ್ಯ
ಸಾರುವೆ ಕಾಯಕವೇ ಕೈಲಾಸವು

ನಿತ್ಯ ಉದಯಿಸಿ ಮುಳುಗಿ ತಿಳಿಸುವೆ
ಇದುವೇ ಜೀವನದ ಪರಿ ಪಾಠವು

:ಪ್ರಭಂಜನ

ನನ್ನೊಳಗೆ ನೀನು

 ನನ್ನೊಳಗೆ ನೀನು
ನಿನ್ನೊಳಗೆ ನಾನು
ಇರುವಾಗ ಮಾಡದು ಊನೇನೇನು

ನನ್ನ ಹೃದಯವನು
ಸೆರೆಹಿಡಿದವನು ನೀನು
ಆಗಲೂ ಮಾಡಲಿಲ್ಲ ಊನೇನೇನು

ನನ್ನ ಮನಸಲ್ಲಿ ನೀನು
ನಿನ್ನ ಕನಸೇ ನಾನು
ಮನಸು ಮನಸು ಬೇರೆತಾಗ ಮಾಡದು ಊನೇನೇನು 

ಬದುಕು

 ನಿನ್ನ ಬದುಕು ನೋಡಿ
ನಾಚಬೇಕು ಬದುಕು
ಬದುಕಿಬಿಡು ಮನುಜ
ರಾಜ ಬದುಕಿದಂತೆ

ಬದುಕಿ, ಬದುಕಲು ಬಿಡು
ನೀ ಬದುಕಿದರೆ ಬದುಕು
ಬದುಕೇ ಬಂದು ಹೊಗಳಬೇಕು
ಬದುಕಿದರೆ ಹೀಗೆ ಬದುಕಬೇಕೆಂದು 

ನಿತ್ಯದಾ ಬದುಕು (ಬದುಕು= ಕೆಲಸ - ಉ ಕರ್ನಾಟಕದಲ್ಲಿ ಪ್ರಯೋಗ ಇದೆ)
ಬದುಕಿಗೆ ದಾರಿಯಾಗಬೇಕು
ಬದುಕು ಮಾಡುತ್ತಲೇ ಇರು
ಬದುಕು ಬೆಳಕಾಗಿ ಬದುಕು ಮುಗಿಯುವವರೆಗೆ

ನೀ ಇರೋವರೆಗೂ

 ನೀ ಇರೋವರೆಗೂ 
 ಭಯವಿಲ್ಲ ನನಗೆ
ನೀ ಇರುವಾಗ
ಗುಂಡಿ ಬೇಕಿಲ್ಲ ಬಟ್ಟೆಗೆ

ಸೀರೆ ಉಡುವಾಗೆಲ್ಲ ನೀನಿರಲೇ ಬೇಕು
ನೀನಿಲ್ಲದೆ ಉಡಲಾರೆ ಆ ಉಡುಪು
ಆಪದ್ಭಾ೦ದವ ಹೋದಕಡೆಯಲ್ಲಾ   
ಅಳುಕಿಲ್ಲದೆ ಉಪಯೊಗಿಸದವರಿಲ್ಲ  - ಪಿನ್ನು 

ಸರ ಸರಿದು ಹೋದರು ಬರುವೆ ನೀನು
ಚಪ್ಪಲಿ ಕಿತ್ತರೂ ಹೇಳುವೆ ನಾನಿಲ್ಲವೇನು
ಚೀಲ ಸಾಮಾನು ಕಾಪಾಡುವೆ ನೀನು
ನಿನಗೆ ಸರಿ ಸಾಟಿ ಯಾರೂ ಇಲ್ಲವೇನೋ    

ನೀ ನಿಜವಾದ ಪಾಠಶಾಲೆ
ಬಾಗುವೆ ಯಾರೇ ಹೇಗೆ ಬಗ್ಗಿಸಿದರುನೂ
ಒಮ್ಮೊಮ್ಮೆ ಚ್ಚುಚಿ ನೋವುಮಾಡುವೆ ನೀನು
ಕ್ಷಮಿಸುವೆ ಉಪಯೋಯೋಗಿಸಿ ಬಿಸಾಡಿದರುನೂ 

-ಪ್ರಭಂಜನ