*ನೀಲಿಕನ್ನಿಕೆ*

ನಿನ್ನ ಕಂಗಳ 

ನೋಟ ನೋಡುತ 

ರವಿಯು ಅವಿತನು ಮೋಡದಿ 

ಬುವಿಯಲೆಲ್ಲಾ 

ನಿನ್ನದೇ ಪ್ರಭೆ 

ಕವಿಯು ಹಿಡಿದನು ಕವಿತೆಲಿ 

ನೀಳವೇಣಿಯೇ 

ನೀಲಿಮಣಿಯದು  

ಮಿನುಗುತಿದೆ ಬೈತಲೆಯಲಿ 

ನೀಲಿ ಹಾರವು 

ನಗುತ ಹೊಳೆದಿದೆ    

ತುಟಿಗೆ ಕಂಪನು ಕೊಡುತಲಿ 

ನೀಲಿ ರವಿಕೆಯು 

ನೀಲಿ ಸೀರೆಯು 

ನವಿಲ ಹೋಲಿಕೆ ನಡುವಲಿ 

ನೀಲಿಯಾಯಿತು 

ಭೂಲೋಕವೆಲ್ಲಾ 

ನೀಲಿ ಕಂಗಳ ಚಲುವಲಿ

ನೀಲಿ ನೋಟಕೆ 

ನೀಳವಾಯಿತು 

ಮನಸು ಹುದಗಿತು ನಿನ್ನಲಿ 

ನಾಗಲೋಕದ 

ನೀಲಿಕನ್ನಿಕೆ 

ನಾ ಸಿಂಧೂರವಿಡಲೇ ಹಣೆಯಲಿ