ಕಂಡೆ ನಿನ್ನನ

ಮೋಡಗಳ ಅಂಚಿನಲ್ಲಿ ಕಂಡೆ ನಿನ್ನನ
ಹೇಗೆ ಹೇಳಲಿ ಅದನು ನಾ ಹಾಡಾಗಿ

ನಿನ್ನ ರೂಪಕ್ಕೆ ಮನಸಾಗಿ
ಸೋಕಿದೆ ಮಂಜು ಮೃದುವಾಗಿ
ದುಂಡು ಮೊಗದ ನೋಟಕ್ಕೆ
ನಿಂತಿವೆ ತರುಲತೆಗಳು ಬೆರಗಾಗಿ

ಹೊಳಪಿನ ಕೂದಲು ಹಾರುತಿವೆ
ಬೀಸುವ ತಂಗಾಳಿಗೆ ನವಿರಾಗಿ
ಚಿಕ್ಕ ಚೊಕ್ಕ ತುಟಿಗಳು ಮಿನುಗುತಿವೆ
ಅರಳಿದ ಕೆಂಗುಲಾಬಿ ಹೂವಾಗಿ

ಪಿಸುಮಾತಿನ ಆ ಮದುರಕ್ಕೆ
ಬಡಿಯುತಿದೆ ಹೃದಯ ಜೋರಾಗಿ
ನೀಳವಾದ ತೊಳ್ಬೇರೆಳುಗಳು
ಹೊಳೆಯುತಿವೆ ಕೋಮಲವಾಗಿ

ತುಳುಕುತಿರುವ ಆ ನಡಿಗೆಗೆ
ಬಳುಕುತಿದೆ ಸೊಂಟ ಸೊಗಸಾಗಿ
ತಿದ್ದಿ ತೀಡಿದ ಈ ಮೈ ಮಾಟಕ್ಕೆ
ನಾ ಬರೆದೆ ಕವಿತೆ ಕವಿಯಾಗಿ

ಸದ್ದು ಮಾಡದೇ ಬಂದನೆ

ಅಂಬೆಗಾಲಿದುತ ಬಂದ ನವನೀತ ಚೋರ.... ಕೃಷ್ಣ!
ಹೆಜ್ಜೆ ಮೇಲೆ ಹೆಜ್ಜೆ ಇಟ್ಟು ಸದ್ದು ಮಾಡದೇ ಬಂದನೆ .

ಗೊಲ್ಲ ಬಾಲಕರೋದಗೂಡಿ ಓಡೋಡುತ ಬಂದ
ಗೋವುಗಳ ಕಾಯಲು ಕೊಳಲು ಪಿಡಿದು ಬಂದನೆ .

ಹಾಲು ಮೊಸರು ತುಪ್ಪ ಹಸಿ ಬೆಣ್ಣೆ ಕದಿಯಲು ಬಂದ
ಚುಡಾಯಿಸಿ ಗೋಪಿಯರ ಕೈ ಹಿಡಿದೆಳೆಯಲು ಬಂದನೆ

ಹಿಂಡು ಕಟ್ಟಿಕೊಂಡು ಚಂಡು ಆಟ ಆಡಲು ಬಂದ
ಚಂಡು ನೆಪದಿ ಕಾಳಿಂಗನ ಸೊಕ್ಕು ಮುರಿಯಲು ಬಂದನೆ
ಹಿಡಿ ಮಣ್ಣು ತಿಂದು ಬ್ರಹ್ಮಾಂಡವ ತೋರಲು ಬಂದ
ಎದೆ ಹಾಲು ನೆಪದಿ ಪೂತನಿಯ ಪ್ರಾಣ ಹೀರಲು ಬಂದನೆ

ವೇಣುನಾದವ ಮಾಡಿ ಮೋಹ ಪಸರಿಸಲು ಬಂದ
ಜಲಕ್ರೀಡೆಯಲಿ ಹೆಂಗಳೆಯರ ಸೀರೆ ಕದಿಯಲು ಬಂದನೆ

ಗೋವರ್ಧನ ಗಿರಿಯ ಎತ್ತಿ ಗೋವುಗಳ ರಕ್ಷಣೆಗೆ ಬಂದ
ತೊಡೆಯ ತಟ್ಟಿದ ಮಾವ ಕಂಸನ ಕೊಲ್ಲಲ್ಲು ಬಂದನೆ

ನನ್ನ ಹೆಸರಿತ್ತು

ನೀ ಎಸೆದ ಕಲ್ಲಿನಲ್ಲಿ ನನ್ನ ಹೆಸರಿತ್ತು,
 ಹುಡುಕೋ ಹೋದೆ ನದಿಯಲ್ಲಿ
 ಜೀವವೇ ಕಳೆದುಕೊಂಡಂತೆ

ಎದ್ದ ಅಲೆಗಳ ನಡುವೆ
ಹಾರಿ ಮುಳುಗಿದೆ ಆಳದಲಿ
ಬಿಟ್ಟು ಕಣ್ಣು ನೀರಿನಲ್ಲಿ ಮೀನಿನಂತೆ

ಕೆಂಪು ಕಲ್ಲು ಕಪ್ಪು ಕಲ್ಲು
ಮಧ್ಯ ಹಳದಿ ಸ್ಪಟಿಕದ ಕಲ್ಲು
ನಿಂತಿತ್ತು ಆ ಕಲ್ಲು ಹೊಳೆವ ವಜ್ರದಂತೆ

ಬಾಚಿ ಹಿಡಿದೆನು ಅದನ್ನು
ಕೈಜಾರಿ ಹೋಗದಂತೆ
ನೀರಿನಿಂದೆದ್ದೆ ಹೊಸ ಉಸಿರು ಬಂದಂತೆ

ತಬ್ಬಿಕೊಂದೆನು ಎದೆಗೆ
ಕಣ್ಣಿಗೆ ಹಿಡಿದು ನೋಡಿದೆನು ಕೆತ್ತಿದ್ದೆ
ನಿನ್ನ ಹೆಸರನ್ನ ನನ್ನ ಹೆಸರಿನ ಜೊತೆಗೆ
 
ನಿನ್ನ ಮನಸಿನ ಆಸೆಗಳು
ಹೀಗೆ ಅರಳುತಿರಲಿ ನನ್ನಲ್ಲಿ
ನಿನ್ನ ಪ್ರೀತಿಸುವೆ ಹಗಲಿರುಳು ಉಸಿರಿನಂತೆ

ಭರಚುಕ್ಕಿ

ಅಂಬರದಿಂದ ಗಿರಿಯ ತುದಿಯಿಂದ
ಸರಸರದಿ ಧರೆಗೆ ಇಳಿದೆ
ಭರಚುಕ್ಕಿಯಲಿ ನಲಿವೆ
ಕಾವೇರಿ .ನೀ ಜಾರಿದೆ

ತಂಗಾಳಿ ಸಿಂಚನ ತರುವೆ
ಮನಸಿಗೆ ಮುದವ ಕೊಡುವೆ
ಹಸಿರಿಗೆ  ಶ್ವೇತಸೀರೆ  ಉಡಿಸಿ 
ಮನಸಿನ ದುಗುಡ ಕಳೆವೆ 

ಗೆಜ್ಜೆಕಟ್ಟಿ ಕುಣಿಯುತ ಬರುವೆ
ಕಣ್ಣು ಮಿಟುಕದಾ ನೋಟ ಕೊಡುವೆ
ಮುತ್ತಿನರಾಸಿ ಚಲ್ಲಿದಂತೆ ಚದುರಿ 
ಹಾರುವ ಮಾಯಾಂಗನೆ ನೀ ಚಲುವೆ  

ಧರೆಗೆ ತಿಳೀ ಬಿಳಿ ಹಾಲನ್ನು ಎರೆವೆ
ನಿನ್ನ ವೈಯಾರಕೆ ಸಾಟಿ ಇದೆಯೇ
ಸುರಲೋಕದ ಸೊಗಸು ಸುರಿಸಿ
ಭೋರ್ಗರೆಯುತ ಕೈಬೀಸಿ ಕರೆವೆ

-ಪ್ರಭಂಜನ. 

ಮುಗಿಲಾಚೆಗೆ

ಹಸಿರೆ ಹಸಿರೆ ನನ್ನ ಕೈಬೀಸಿ 

ಕರೆದು ಬಿಡು

ಉಸಿರೇ ಉಸಿರೇ ನೀ ನಗುತ 

ಜೊತೆ ನಲಿದಾಡು

ಮುಗಿಲು ಮುಟ್ಟಿದ ಮರಗಿಡದ 

ಸೊಬಗ ನೋಡದೆ ಇರಲಾರೆ

ಕೈ ಬೀಸಿ ಕರೆವ ಜಲಪಾತದಲ್ಲಿ 

ಇಳಿದು ಆಡದೆ ಬರಲಾರೆ

ಆ ಚಹಾ ತೋಟದ ಏರಿಳಿತದಲ್ಲೂ 

ನಿನ್ನನ್ನೇ ನಾ ಕಾಣುವೆ

ಝುಳು ಝುಳು ಹರಿವ ತೊರೆ ಅಂಚಿನಲ್ಲಿ 

ಅಪ್ಪಿ ಮುದ್ದಾಡುವ ಬಾರೆ

ಹಗಲೆಲ್ಲ ಬಿಸಿಲ ಹಣ್ಣನ್ನೇ ತಿಂದು 

ಮೈಯಲ್ಲ ನಾ ಬೆವೆತೆ

ಇರುಳಲ್ಲಿ ಮುಳುಗೋ ರವಿಯನ್ನ ಕಾಣಲು 

ಬೆಟ್ಟದಂಚಿನಲಿ ನಾ ಕುಳಿತೆ

ನಾಮುಂದು ತಾಮುಂದು ಚಲಿಸುತ 

ಮೋಡಗಳು ತಾಕಿದವು ಎನ್ನೆದೆಗೆ 

ಮಂಜು ಮುಸುಕಿದ ತಂಗಾಳಿಯಲ್ಲಿ 

ಹೃದಯ ಕೊರಗಿತು ನೀನಿಲ್ಲದೆ

ಸವಿಗನಸಿನಲ್ಲಿ  ಕೈ ಹಿಡಿದು ನಡೆವೆ 

ಮುಂಜಾವುನ ಇನಿದನಿಯಗೆ

ಮೈ ಮರೆತು ಗರಿಕೆದರಿದ ನವಿಲಿನ 

ನಾಟ್ಯಕೆ ನಿನ್ನದೇ ಇದೆ ಹೋಲಿಕೆ

ಕಾಡೊಳಗೆ ಹುಡುಕುತ ನಿನ್ನ ಹೆಸರನ್ನ 

ಕೂಗಿದೆ ಮುಖಮಾಡಿ ಮುಗಿಲಾಚೆಗೆ

ಬಳಿ ಬಂದು ಪ್ರೀತಿಸಿ ಮುತ್ತಿಕ್ಕು ಒಮ್ಮೆ 

ಅದೊಂದೇ ಧನ್ಯತೆಗೆ  ನಾ ಕಾಯುವೆ

ಬಹುದೂರ

ದೂರ ಬಹುದೂರ ಹೋಗಿರುವೆ ಎಲ್ಲೇ
ರಹದಾರಿ ಕಾಣದೆ ತಿರುಗುತಿರುವೆ ನಾ ಇಲ್ಲಿ

ಹೇಗಿರುವೆ ಎಲ್ಲಿರುವೆ ನನ್ನ ನಲ್ಲೆ
ಕಳಿಸುವೆ ಚಂದಿರನ ನೀ ಇರುವಲ್ಲೇ
ಬೆಳದಿಂಗಳ ಹೀರಿ ಒಂದು ನಗು ಚೆಲ್ಲೇ
ತಲುಪಿಸುವ ಅಂಬುಜ ನಾ ಇರುವಲ್ಲೇ

ಮನಸಿನ ಭಾರ ಕಾಣಿಸುವುದು ಎದೆಯಲ್ಲಿ
ಹಸಿ ಕನಸು ಸೊರಗುವವು ನೀನಿಲ್ಲದಿಲ್ಲಿ
ಬಹಳದಿನ ಕೊರಗುತ ನೀ ನಿಲ್ಲದಿರು ಅಲ್ಲಿ
ಹತ್ತು ಉಗಿಬಂಡೆಯನ್ನು ನನ್ನ ನೆನಪಲ್ಲಿ

ಬೀಸಬಹುದು ಬಿಸಿಗಾಳಿ ಹಗಲಿನಲ್ಲಿ
ತಂಗಾಳಿಯಾಗಿ ನಾ ಬರುವೆ ಇರುಳಲ್ಲಿ
ಮೈ ಮರೆಯೋಣ ಚಂದಿರನ ಬೆಳಕಲ್ಲಿ
ಎಲ್ಲರ ಜೊತೆ ನಲಿಯೋಣ ಈ ಜೀವನದಲ್ಲಿ

ಕಳಿಬೇಡಿ

ಕಳಿಬೇಡಿ ಕಳಿಬೇಡಿ ಟೈಮ್ಅನ್ನು ಕಳಿಬೇದ್ರಿ

ಬರೀ ಕೆಲಸ ಮಾಡುತ ಹಾಳಾಗಿ ಹೋಗಬೇದ್ರಿ :)

ಜೆಂಸ್ ಪ್ಯಾಂಟ್, ಟೈಟ್ ಟಾಪ್ , ಬ್ಲಾಕ್ ಕೂಲಿಂಗ್ ಗ್ಲಸ್ಸ್

ಕ್ಯಾಟ್ ವಾಕ್ , ಶಾರ್ಟ್ ಸ್ಕರ್ಟ್, ಕೈಯಲ್ಲಿ ಚಾಕಲೇಟ್ !

ಕೊಲ್ಲಬೇದ್ರಿ ಕೊಲ್ಲಬೇದ್ರಿ ಹೇಗೆ ಹುಡುಗರ ಕೊಲ್ಲಬೇದ್ರಿ

ಹುಡುಗರೇ ಹುಡುಗಿ ಹಿಂದೆ ಬಿದ್ದು ಹಾಳಾಗಿ ಹೋಗಬೇದ್ರಿ !

ಏನ್ ಮಚ್ಚ ಸರಿ ನ.. ಎಷ್ಟು ಆಯಿತು ಮಗ ಕೌಂಟ್

೧,೨,೩,೪........ಕಳಿಬೇಡಿ... :)

ಗೂಗಲೇ ಚಾಟ್, ಫೇಸ್ ಬುಕ್, ಡೇ ಫುಲ್ ಆನ್ಲೈನ್ ಲೈನು

ಪಿಕ್ ಅಪ್ ಪಾಯಿಂತು ಲಾಂಗ್ ಡ್ರೈವ್, ಮತ್ತೆ ನೈಟ್ ಡ್ರಾಪ್ !

ಹೋಗಬೇದ್ರಿ ಹೋಗಬೇದ್ರಿ ಹೇಗೆ ಹೋಗಬೇದ್ರಿ

ಹುಡುಗರ ಜೊತೆ ಸುತ್ತಾಡಿ ನೀವು ಹಾಳಾಗಬೇದ್ರಿ :ದ

ಹೋಟೆಲ್ ಬ್ರೇಕ್ ಫಾಸ್ಟ್, ಆಫೀಸ್ ಕ್ಯಾಬ್, ಟ್ರಾಫಿಕ್ ನಲ್ಲೆ ಸ್ಲೀಪಿಂಗ್

ಸ್ವಲ್ಪ ಕೋಡಿಂಗ್, ಫುಲ್ ಮೀಟಿಂಗ್, ಆಫೀಸ್ ನಲ್ಲೆ ಜಾಗಿಂಗ್

ಕಳಿಬೇಡಿ ಕಳಿಬೇಡಿ ಟೈಮ್ಅನ್ನು ಕಳಿಬೇದ್ರಿ

ಬರೀ ಕೆಲಸ ಮಾಡುತ ಹಾಳಾಗಿ ಹೋಗಬೇದ್ರಿ :)