ಕಣ್ಣಲಿ ಏನೋ ಮಿನುಗಿದಹಾಗೆ

 ಕಣ್ಣಲಿ ಏನೋ ಮಿನುಗಿದಹಾಗೆ
ತಾರೆಯೇ ಧರೆಗೆ ಇಳಿದಂತಿದೆ

ಮೊಗದಲಿ ಪೂರ್ಣಚಂದಿರನಾ ಕಂಡೆ
ಆ ನಗುವಲಿ ಏನೋ ಸೆಳೆತವಿದೆ

ಪ್ರೀತಿಯ ನುಡಿಯೇ ಮಧುರವಾಗಿ
ದುಂಬಿಯು ಹಾಡಿದಂತೆ ಕೇಳುತಿದೆ
ಹೆಜ್ಜೆಯ ಮೇಲೆ ಹೆಜ್ಜೆಯನಿಡುವ
ಮೃದು ಪಾದಗಳ ಸೊಬಗ ವರ್ಣಿಸಲೇ

ತರು ಲತೆ ಯಂತೆ ಬಳಕುವೆ ನಿನ್ನ
ಗಾಳಿಯು ಸೋಕಿ ನಾ ನಲಿದಾಡಿದೆ
ನವಿಲಿನ ಹಾಗೆ ನೆಡೆಯುವೆ ನಿನ್ನ
ನಡುಗೆಗೆ ಹೋಲಿಕೆ ಬೇರೇನಿದೆ

ಮನಸಿನ ತುಂಬಾ ಅವರಿಸಿರುವೆ
ನಿನ್ನ ನೋಡದೆ ಹೇಗೆ ಜೀವಿಸಲೇ
ಸಾಗರದಂಚಲಿ ಕಾಯುವೆ ನಾನು
ಚಂದಿರನಂತೆ ಬಾ ನನ್ನೊಲವೆ