ನನ್ನ ಒಲವೇ

 ಕನಸೊಂದು ಬಿದ್ದಿತ್ತು
ಹೂವೊಂದು ನಗುತಿತ್ತು
ವರ್ಣಿಸಲಿ ಹೇಗೆ ನಿನ್ನ ಚಲುವೆ

ತಂಗಾಳಿ ಬಿಸಿತ್ತು
ಮೋಡಗಳು ತೇಲುತಿತ್ತು
ಚಂದಿರನಂತೆ ಬಂದೆ ನನ್ನ ಒಲವೇ

ಮುಂಗುರುಳು ಬಾಗಿತ್ತು
ಕೆಂದುಟಿ  ಮಿಂಚುತಿತ್ತು
ದಾಳಿಂಬೆಯಂತೆ ದಂತ ನಿನ್ನ ನಗುವೇ

ಕಣ್ಣು ಹೊಳೆಯುತ್ತಿತ್ತು
ನಡು ಸಣ್ಣ ಬಳುಕುತಿತ್ತು
ಬಳ್ಳಿಯಂತೆ  ನೀ ನನ್ನ ನವಿಲೇ

ಮೆತ್ತನೆಯ ಪಾದವಿತ್ತು
ಹೆಜ್ಜೆ ಮೇಲೆ ಹೆಜ್ಜೆ ಇತ್ತು
ಜಿಂಕೆಯಂತೆ ನಾಚಿ ನಿನ್ನ ನಡುಗೆ

ಸಾವಿರದ ಕನಸಿತ್ತು
ಹೃದಯ ಕುಣಿಯುತಲಿತ್ತು
ಪ್ರೀತಿತುಂಬಿ ಬಂದೆ ನೀ ನನ್ನ ಕಡೆಗೆ

-ಪ್ರಭಂಜನ.