ಸಾಧನಾ

 ಹೆಸರೊಂದು ನಿನಗಿಡಲು
ಹೊಸ ಹೆಸರು ಹುಡುಕುತಿರುವೆ
ಹೊಳೆಯುವ ತಾರೆ ನನ್ನ ಮಗಳೇ 

ರಾಗಗಳ ಹೆಸರಿಡಲೇ 

ಸಾಗರದ ಹೆಸರಿಡಲೇ 

ಮೊಗ ಚಂದಿರನಂತಿದೆ ನನ್ನ ಮಗಳೇ 

 

ಮುತ್ತೈದೆಯರೆಲ್ಲರೂ  

ಎತ್ತಿ ಆರತಿ ಹಾಡುತಿಹರು 

ಕತ್ತು ತಿರುಗಿಸಿದ ಮಗಳೇ ಏನು ಹೆಸರಿಡಲೇ 

ತೊಟ್ಟಿಲು ತೂಗುತ್ತಿರಲು 

ಬಟ್ಟಲು ಕಣ್ಣು ಬಿಟ್ಟು ನೋಡುತ್ತಿರಲು 

ಕೊಟ್ಟು ಬಿಡಲೇ  ನಿನಗೆ ಹೆಸರು ಮಗಳೇ

ಶೋಧಿಸಿ ಪ್ರಜ್ಞಾನಂತರ್ಜಾಲ  

ಸಾಧನೆ ನಿನ್ನ ಉಸಿರಾಗಲಿ ಎಂದೆಣಿಸಿ 

ಸಾಧನಾ ಎಂದು ಹೆಸರಿಸಿರುವೆ ನನ್ನ ಮಗಳೇ 

ವಿದ್ಯಾ ವಿನಯ ಒಳ್ಳೆಹೆಸರು

ಶುದ್ಧ ಪ್ರೀತಿ ಜೀವನದಲ್ಲಿ 
ಸಾಧಿಸಿ ಬೆಳೆಯುತ್ತಿರು ನನ್ನ ಪ್ರೀತಿಯ ಮಗಳೇ