*ಶೀರ್ಷಿಕೆ*

ಏನೆಂದು ಹೆಸರಿಡಲಿ ಓ ನನ್ನ ಕವನ
ಹೆಸರು ಇನ್ನೊಂದೇಕೆ ನಿನ್ನ  ಹೆಸರೇ ಕವನ

*ಕ*ನ್ನಡ ಪದಗಳ ಜೊತೆ ನಿತ್ಯ ನೆಡೆಯುವುದು ಮಥನ
*ವ*ರವಿಹುದು ನನಗೆ ಬರೆಸಿಕೊಳ್ಳುವೆ ನೀನೆ ನಿನ್ನ
*ನ*ನ್ನರಿವಿನೊಳ್ ನೀ ಜನಿಸಿ  ಹೊರಬರುವೆ ಎಷ್ಟು ಚೆನ್ನ

ಹೆರುವ ನೋವಿದ್ದರೂ ಸಹಿಸಿರುವೆ ಹೆಣ್ಣಂತೆ  ನಿನ್ನ
ಹೆತ್ತು ಸುಮ್ಮನಿರಲಾರೆ ತೋರಿ ನಲಿವೆ ಜಗಕೆಲ್ಲ ಕವನ

ನೋವಿನ ಅನುಭವವಿದ್ದರೂ ಮತ್ತೆ ಭಾವಗರ್ಭಕೆ 
ಸಿದ್ಧನಾಗುವೆ ಬರೆಯಲು ನಾನು ಮತ್ತೊಂದು ಕವನ

-ಪ್ರಭಂಜನ ಮುತ್ತಿಗಿ