ಜರಿದ ಮನಸು

ಕನಸುಗಳು ಖಾಲಿಯಾಗಿವೆ 

ಮನಸು ಜರಿದ ಮೇಲೆ 
ಅಣುಕಿಸುತಿದೆ ಬಿಂಬಗಳು  
ಕನ್ನಡಿ ಒಡೆದು ಹೋದಮೇಲೆ 

ಇಳೆ ಬೆಳೆಯಲು ಮಳೆಯೇ ಬೇಕು  
ಮಳೆ ಮೋಡದ ಮುಲಾಜು 
ತಾಳ್ಮೆ ಸಾಗರದ ಆಳ ಅಗಲ  
ಅಳಿದು ತೂಗಿ ಮೋಡ  ಪ್ರಸವ 

ಕಳೆದುಕೊಳ್ಳುವುದೇನಿದೆ 
ಕೊಳೆತು ಹೋದಮೇಲೆ ಪ್ರೀತಿ
ಕಳೆ ತೆಗಿಯದಷ್ಟು ಬೆಳೆದಿದೆ 
ಕಾಳು ಬೆಳೆಯಲು ಸಾಧ್ಯವೇ  
 
ಹಣ ಚೆಲ್ಲಬಹುದು ಸಿಗದು
ಋಣವಿರಬೇಕು ಪ್ರೀತಿಗೂ 
ಒಣ ಮರ ತಾನಾಗೇ ಚಿಗುರದು  
ಹೆಣದ ಮೇಲೆ ಹಣ ಬಿದ್ದಂತೆ 

ಹುಟ್ಟು ಸಾವು ಒಂದು ಚಕ್ರ 
ಬಿಟ್ಟು ಬದುಕುವುದು  ವಕ್ರ 
ಕೊಟ್ಟು ಕ್ಕೊಳ್ಳುವುದು ಪ್ರೀತಿಗೆ ಹತ್ರ 
ಪಟ್ಟು ಹಿಡಿದರೆ ಬರೀ  ಅನರ್ಥ.