ಮನ್ಮಥನಾರೇ

ಪಚ್ಛೆ ತುಂಬಿದ ನಡು ಬೈತಲು ಪದಕ  ಹೇಳುತಿದೆ 

ಬೆಚ್ಚನೆಯ ನೋಟಕ್ಕೆ  ಜಾರಿಬಿಡುವ ಭಯಾನನಗೆ    

ಹಚ್ಚಿದಾ ಗುಲಾಬಿ ತುಟಿಬಣ್ಣ ಮಿಂಚಿ ಮುನುಗುತಿದೆ 

ಕಚ್ಚಿ ಮುದ್ದಾಡಲು ಹುಟ್ಟಿದ  ಅದೃಷ್ಟದವನಾರೇ  

ಹೊಚ್ಚ ಹೊಸಾ ತಿಳಿನೀಲಿ ಬಣ್ಣದ ರೇಷ್ಮೆ ಸೀರೆ 

ಚುಚ್ಚುತ್ತಿಹುದೇನೋ ಕಚಗುಳಿ ಒಳಗೊಳಗೇ

ಹುಚ್ಚು ಹಿಡಿಸುತಿದೆ ಈ ನಿನ್ನ ಮಧುರ ಮುಗುಳ್ನಗೆ

ಮುಚ್ಚಿದಾ ರೆಪ್ಪೆಯಲಿ ನೀ ಕಂಡ ಮನ್ಮಥನಾರೇ  

ಬಿಚ್ಚಿ ಮುಂಗುರುಳುಗಳು ನಯವಾಗಿ ಹಾರಿವೆ 

ಬಚ್ಚಿಡಲೇ ಈ ಚಲುವೆಯನ್ನ ನನ್ನ ಎದೆಯೊಳಗೆ 

ಗುಚ್ಛಹರಳಿನಾ ಕಿವಿಯೋಲೆ ನವಿರಾಗಿ ಸೆಳೆಯುತಿದೆ    

ಮೆಚ್ಚಿ ಮನಸೋತೆ ಪ್ರೀತಿಸುವೆ,  ಒಪ್ಪಿ ಪ್ರೀತಿಸು ಬಾರೆ!