ಸೋತೆ

ಮನಸೇ ಮನಸೇ ನಿನ್ನ ಮೌನಕೆ ನಾ ಸೋತೆ 

ಕನಸೇ ಕನಸೇ ನೀ ಏಕೆ ಕಾಡುತಿರುವೆ 

ಬೊಗಸೆ ಕಣ್ಣಿಲಿ ಹೊಳಪೊಂದು ಮಿಂಚಿದೆ 

ಅದನೋಡುತ ಕಳೆದುಹೋದೆ   

ಸೊಗಸಾಗಿ ನೈದಿಲೆ ಲತೆಯಂತೆ ಬಳಕುತಿದೆ

ಅದುಹಾರಲು ಮದವೇರಿತೇ   

ಬಾಗಿಲನ್ನು ಹಾಕಿ ಬೆಚ್ಚಗೆ ಇಡುತಿದೆ ರೆಪ್ಪೆ 

ಬಿಗಿದಪ್ಪಿ ಕರೆದಂತಿದೆ  

ಕಮಲದ ಎಲೆಯಂತೆ ಸೆಳೆಯುತಿದೆ  ಕಣ್ಣು 

ಜಿಂಕೆಯ ಚಲುವಿಗೆ ಇದೆ ಹೋಲಿಕೆ 

ಬಿಸಿಲಲ್ಲಿ ನರಳು ಕೊಡೆಯಂತೆ ಬಾಗಿದ  ಹುಬ್ಬು 

ಪ್ರೀತಿಯ ಮಳೆಯಲ್ಲಿ ಮಿಂದಂತಿದೆ 

ಉಸಿರಿಗೆ ಹೊಸತನ ಬರುವಂತಿದೆ ನಾಸಿಕವು 

ಸುಮಧುರ ಪರಿಮಳವ ಸೂಸಿದೆ   

ಬೆಸುಗೆಯ ಬಯಸುತ ತುಟಿ ನಲಿದಾಡುತಿವೆ 

ಇನಿಯನ ಸನಿಹಕೆ ಕಾದಂತಿವೆ 

ಹುಣ್ಣಿಮೆ ಚಂದ್ರನ ಹೋಲುವ ಆ  ದುಂಡುಮುಖ  

ನನ್ನ ಮನಸು ಹೃದಯವ ಸೆಳೆದಿದೆ