***ಸೋಲು ಗೆಲವು***

ಛಳಿಯ ಗಾಳಿಯ ಮಧ್ಯ
ಹೊಳೆವ ನೀಲಿ ಬಣ್ಣದ ಬಟ್ಟೆ
ಹಸಿರ ಹಾಸಿನ ಅಂಗಳದ ನಡುವೆ
ಹೊಸ ಚಂಡು ದಂಡಿನಾಟದ ಸೊಬಗು

ಎರೆಡು  ಗುಂಪುಗಳ ಕರೆದು
ಬೆರಳಿನಲಿ ತೋರಿ ಚುಮ್ಮಿಸಿದ
ಬಿದ್ದ ಬಿಲ್ಲೆಯ ಮೆಲ್ಪಕ್ಕ ರಾಣಿಎಂದು
ಗೆದ್ದವರು ಆಡಿದರು ಮೊದಲು ಬಂದು

ಓಡಿ ಬಂದು ಎಸೆದ ಚಂಡು
ಹೊಡೆದರು ಗೆರೆಯ ದಾಟಿ  ಆರು
ಓಟದ ಎಣಿಕೆ ಏರುತ ಪಂದ್ಯ
ಎಟುಕದ ಪರ್ವತದಂತೆ ಬೆಳೆದು

ಸುತ್ತಲಿದ್ದ ಜನ ಸಾಗರ ಎದ್ದು
ಮತ್ತೆ ಮತ್ತೆ ಚಪ್ಪಾಳೆ ಹೊಡೆದು
ಹುರಿದುಂಬಿಸಿದರು ಗೆಲ್ಲಲು ಆದರೆ
ಕರೆಯಿತು ಕೈ ಬೀಸಿ ಪಂದ್ಯ ಸೋಲು

ಅತ್ತವರು ಅಲ್ಲಿ ನಗು ಬೀರುತ್ತಿದರೆ
ಇತ್ತಲಿದ್ದವರು ಕೈ ಕುಲುಕಿ ಕುಣಿದರು
ಎತ್ತ ನೋಡಿದರು ಬಿರಿಸು ಬಾಣವೇ
ಚತ್ತ ಎಲ್ಲರದು ಅವಳ ಮುಖದ ಮೇಲೆ

ಅವಳು ಬರದಿದ್ದರೆ ಅವನು ಆಡುತ್ತಿದ್ದ
ಬೆವರಿಳಿಸಿದರೂ ಟೀಕೆಗಳ ಸುರಿಮಳೆ
ಸೋಲು ಗೆಲವುಗಳು ಹಲವು ಸಮಪಾಲು
ಆದರೆ ನಮ್ಮ ಜನಗಳದು ಅದೇ ಗೋಳು