ತಂಪು ಕನ್ನಡಕ

ಕೊಳ್ಳಿ ಹೊಸಾ ತಂಪು  ಕನ್ನಡಕ 

ಕಣ್ಣನ್ನು ಇಂದೇ ಕಾಪಾಡಿಕೊಳ್ಳಿ    

ಪ್ರೇಯಸಿಯ ಕಣ್ಣಲ್ಲಿ ಕಣ್ಣಿಟ್ಟು ನೋಡಲು 

ಆಗದವರು ಇದನ್ನು ಮೊದಲು ಹಾಕಿಕೊಳ್ಳಿ   

ಕನ್ನಡಕಗಳು ನಗುನಗುತ ನಿಂತಿವೆ   

ಮಿನುಗುತಾ ಸೆಳೆಯುತ ನಿಮ್ಮಗಳನ್ನ  

ಯುವತಿಯ ಕಣ್ಣಲ್ಲಿ ಕಣ್ಣಾಗುವ ಆಸೆ 

ಕೆಲವಕ್ಕೆ, ಯುವಕರ ಕಣ್ಣಲ್ಲಿ ತೇಲುವಾಸೆ  

ಯುವಕರ ತೀಕ್ಷ್ಣ ಕಿರಣಗಳ ತಡೆವುದು   

ಯುವತಿಯರ ಕೋಪದಾ ಕಿರಣ ತಾಕದು 

ಸೂರ್ಯ ಕಣ್ ಹೊಡೆಯುವುದ ಹಿಡಿವುದು  

ಚಂದ್ರನಂತೆ ತಂಪು ಕೊಡುವುದು ಕಣ್ಣಿಗೆ 

ಕಪ್ಪು ಕೆಂಪು ನಸುಗಂಪು ಗಾಜುಗಳು  

ಮುಖತೋರಿ ಹೇಳಿವೆ ನಾ, ತಾ ಮುಂದು

ಯಾರಿಗೆ ಯಾವ ಅದೃಷ್ಟವಿದೆಯೋ ಕಾಣೆ 

ಬಿಕಾರಿಯಾದರೆ ಹೊಟ್ಟೆತುಂಬುವುದು ಜಾಣೆ