ಶುಕ್ರವಾರ, ಸೆಪ್ಟೆಂಬರ್ 14, 2012

ನನ್ನವಳು

ಮೃದುವಾದ ಮೊಗದವಳು
ಮೊಗ್ಗಿನಂತೆ ಅರಳದವಳು
ಅರಳುವಳು ನನ್ನ ಮನಸಿನಲ್ಲಿ

ಬಿಸಿಲಿಗೂ ಹೆದರದವಳು
ಚಳಿಗೂ ಬೆದರದವಳು
ಬೆದರಿಸುವಳು ಪುಟ್ಟ ನೋಟದಲ್ಲಿ

ಹೂವಿನ ತೂಕದವಳು
ಗಾಳಿಗೆ ಹಾರದವಳು
ಹಾರುವಳು ನನ್ನ ಹೃದಯದಲ್ಲಿ

ಹೊಗಳಿಕೆಗೆ ಉಬ್ಬದವಳು
ತೆಗಳಿಕೆಗೆ ಕುಗ್ಗದವಳು
ಕುಗ್ಗುವಳು ನಾನಿಲ್ಲದೆ ಎದುರಿನಲ್ಲಿ

ಅಲ್ಲಿಯೂ ನಗದವಳು
ಎಲ್ಲಿಗೂ ಬರದವಳು
ಬರುವಳು ನಗುತ ಪ್ರೀತಿ ಚಲ್ಲಿ

ಯಲ್ಲಿಯೂ ಇರದವಳು
ಯಾರಿಗೂ ಸಿಗದವಳು
ಸಿಗುವಳು ನನಗೆ ಮಾತ್ರ ಕನಸಿನಲ್ಲಿ

ಕಾಮೆಂಟ್‌ಗಳಿಲ್ಲ:

ಕಾಮೆಂಟ್‌‌ ಪೋಸ್ಟ್‌ ಮಾಡಿ