ಲಾಲಿ ಹಾಡು

ಜೋ ಜೋ .. ಜೋ ಜೋ ಜೋ 

ಕಣ್ಣು ಬಿಟ್ಟು ನೋಡದಿರು

ಮತ್ತೆ ಎದ್ದು ಕೂರದಿರು

ಮುದ್ದಾಗಿ ನಗುತ ಮಲಗು ನನ್ನ ಮಗುವೇ

ಇರಿಳು ಸರಿದ ರಾತ್ರಿಯಲಿ 

ಅರ್ಧಚಂದ್ರ ನಗುತಿಹನು   

ಕಣ್ಣುಮುಚ್ಚಾಲೆ ಆಡುತಿರುವ

ಬಾನಿನಲ್ಲಿ ನಿನ್ನ ಕಣ್ಗಳಂತೆ 

ನೋಡುವೆ ಏನು ಕಿಟಿಕಿಯಲ್ಲಿ

ನಗು ಜಾರಿದ ಆ ತುಟಿಗಳಲ್ಲಿ

ಕನವರಿಸಿ ಏಳುವೆ ಏಕೋ

 ಆತಂಕ ಕಂಗಳಲ್ಲಿ 

ಚಂದಿರನ ಕರೆಸುವೆನು

ತಂಗಾಳಿ ಜೊತೆ ಬಂದು  

ಮಲಗಿದ ಮಂಚ ತೂಗಿ    

ದುಗುಡ ಓಡಿಸುವ ಅರೆಕ್ಷಣದಲ್ಲಿ 

ಚಂದ್ರ ಲೋಕಕೆಕರೆದೊಯ್ದು  

ಉಯ್ಯಾಲೆ ಆಡಿಸುವನು 

ತಾರೆಗಳಿಂದ ಲಾಲಿ ಹಾಡಿಸುವ

ಮಲಗು ಮುದ್ದು ಮಗುವೇ