ಹೊಸತು

ಋತು ಋತುಗಳು ಉರಳಿ ಉರಳಿ

ಯುಗಾದಿ ಮರಳಿ ಬಂದಿದೆ

ತಿಳೀ ಹಸಿರ ನಸುಗಂಪು ಹರಡಿ

ಉಲ್ಲಾಸ ಹರುಷ ತಂದಿದೆ

ತಳಿರ ರಂಗು ಮನಸಿಗಿಂದು

ಮರು ಯೌವ್ವನ ಕೊಡುತಿದೆ

ಎಳೆಯ ಎಲೆ ಅರಳಿ ಹೊರಳಿ

ಸೊಗಸಾದ ಕಂಪು ಬೀರಿದೆ

ಹಚ್ಚ ಹಸಿರ ಟೊಂಗೆಗಳಲ್ಲಿ

ಬೇವಿನ ಹೂವು ಮಿನುಗುತಿದೆ

ಹಳೆಯ ಬಾಗಿಲಿಗೆ ಕಳೆ ಕಟ್ಟಿ

ಹೊಸಾ ತೋರಣ ನಗುತಿದೆ

ಹೊಸತು ಬಟ್ಟೆ ಹಾಕಿಕೊಂಡ

ಚಿಣ್ಣರು ಕುಣಿದು ನಲಿದಾಡುತಿವೆ

ಹೂರಣದ ಭೂರಿ ಭೋಜನಕ್ಕೆಂದು

ನೆಂಟರ ದಂಡು ದಂಡು ಬರುತಿದೆ

ಹೊಸ ವರುಷ ಬಂದಿತೆಂದು

ನಮ್ಮೆಲ್ಲರ ನಾಡಿ ಮಿಡಿಯುತಿದೆ

ಬೇವು ಬೆಲ್ಲ ಬೆರೆತುಕೊಂಡು

ಜೀವನದ ನಿತ್ಯ ಸತ್ಯ ಸಾರುತಿದೆ