ಸುಪ್ರಭಾತ

ಏಳು ಎನ್ನಯ ಮಡದಿ ಬಿನ್ನಾಣದ ಬೆಡಗಿ

ಏಳು ಜಂಬದ ಹುಡುಗಿ ನೀ ಭಾರಿ ಧಗಡಿ

ಕುಂಭಕರ್ಣನ ತಂಗಿ ನೀ ಬೇಗನೆ ಏಳು

ಏಳು ಸಮಯ ಮೀರಿದೆ ಚಲುವೆ ಬೆಳಗಾಯಿತು

ಉದಯಿಸಿದ ಸೂರ್ಯ ತಲೆ ಮೇಲೆ ಬಂದಾಯಿತು

ಮಂಜು ಸರಿದು ಭಿವಿಯಲ್ಲಿ ಬಿಸಿಲು ಹೆಚ್ಚಾಯಿತು

ಹಕ್ಕಿಗಳು ಕಾಳು ಹುಡುಕಲು ಹೋಗಯಿತು ಏಳು

ಏಳು ನನ್ನಯ ಒಲವೆ ಬೆಳಗಾಯಿತು

ಮನೆಯನೆಲ್ಲ ಸಾರಿಸಿ ವರಸಿ ರಂಗೋಲಿ ಹಾಕಯಿತು

ಹಾಲು ತರಕಾರಿ ತಂದು ರುಚಿ ಅಡುಗೆ ಮಾಡಾಯಿತು

ಮಕ್ಕಳಿಗೆ ಉಣಬಡಿಸಿ ಶಾಲೆಗೇ ಕಳಸಾಯಿತು ಏಳು

ಏಳು ಮುದ್ದು ಸೋಮಾರಿ ಮಡದಿ ಬೆಳಗಾಯಿತು ....

ಬಿಸಿನೀರು ಕಾಸಿ ತನ್ನಿರಿಗೆ ಬೆರಸಿ ತೋಡಾಯಿತು

ಒಗೆದ ವಸ್ತ್ರಗಳ ಸ್ನಾನದ ಮನೆಯಲ್ಲಿ ಇರಿಸಾಯಿತು

ಸಾಬೂನು ಶಿಗೆಕಾಯಿ ಬಟ್ಟಲಲ್ಲಿ ಇಟ್ಟಾಯಿತು ಏಳು

ಏಳು ಬೇಗ ಶುಚಿಯಾಗು ಬೆಡಗಿ ಬೆಳಗಾಯಿತು