ಸುಪ್ರಭಾತ

ಏಳು ಎನ್ನಯ ಮಡದಿ ಬಿನ್ನಾಣದ ಬೆಡಗಿ

ಏಳು ಜಂಬದ ಹುಡುಗಿ ನೀ ಭಾರಿ ಧಗಡಿ

ಕುಂಭಕರ್ಣನ ತಂಗಿ ನೀ ಬೇಗನೆ ಏಳು

ಏಳು ಸಮಯ ಮೀರಿದೆ ಚಲುವೆ ಬೆಳಗಾಯಿತು

ಉದಯಿಸಿದ ಸೂರ್ಯ ತಲೆ ಮೇಲೆ ಬಂದಾಯಿತು

ಮಂಜು ಸರಿದು ಭಿವಿಯಲ್ಲಿ ಬಿಸಿಲು ಹೆಚ್ಚಾಯಿತು

ಹಕ್ಕಿಗಳು ಕಾಳು ಹುಡುಕಲು ಹೋಗಯಿತು ಏಳು

ಏಳು ನನ್ನಯ ಒಲವೆ ಬೆಳಗಾಯಿತು

ಮನೆಯನೆಲ್ಲ ಸಾರಿಸಿ ವರಸಿ ರಂಗೋಲಿ ಹಾಕಯಿತು

ಹಾಲು ತರಕಾರಿ ತಂದು ರುಚಿ ಅಡುಗೆ ಮಾಡಾಯಿತು

ಮಕ್ಕಳಿಗೆ ಉಣಬಡಿಸಿ ಶಾಲೆಗೇ ಕಳಸಾಯಿತು ಏಳು

ಏಳು ಮುದ್ದು ಸೋಮಾರಿ ಮಡದಿ ಬೆಳಗಾಯಿತು ....

ಬಿಸಿನೀರು ಕಾಸಿ ತನ್ನಿರಿಗೆ ಬೆರಸಿ ತೋಡಾಯಿತು

ಒಗೆದ ವಸ್ತ್ರಗಳ ಸ್ನಾನದ ಮನೆಯಲ್ಲಿ ಇರಿಸಾಯಿತು

ಸಾಬೂನು ಶಿಗೆಕಾಯಿ ಬಟ್ಟಲಲ್ಲಿ ಇಟ್ಟಾಯಿತು ಏಳು

ಏಳು ಬೇಗ ಶುಚಿಯಾಗು ಬೆಡಗಿ ಬೆಳಗಾಯಿತು

ಮಧುಚಂದ್ರ

ಮೊದ ಮೊದಲು ನಾವಿಬ್ಬರು ಜೊತೆಗಿರಲು ಒಟ್ಟಿಗೆ ..

ಮಧುಚಂದ್ರಕೆ ಹೋದೆವು ಹಚ್ಚ ಹಸಿರಿನ ಪಚ್ಚಿಮ ಘಾಟಿಗೆ

ಹೆಜ್ಜೆ ಹಾಕಿದೆವು ಮಂಜು ಮುಸುಕಿದ ಸೋಂದ ಕಾನನಕೆ

ಅ ಪ್ರಶಾಂತ ಕಾಡಿನ ತಪೋವನದಲಿ ಗುರುಗಳ ದರ್ಶನಕೆ

ಅಡಿಕೆ ತೆಂಗು ಬಾಳೆ ಮೆಣಸು ಏಲಕ್ಕಿ ಬೆಳೆವ ತೋಟಕೆ

ಹೋಗಿ ನಲಿದೆವು ಮುತ್ಸಂಜೆಯ ಆ ಚಳಿಯು ಅಲ್ಹಾದಕೆ

ಬಳಕುತ ಹರಿಯುತಿತ್ತು ಶಾಲ್ಮಲಿ ಹಸಿರವನದ ಮಧ್ಯಕೆ

ಅ ಸೊಗಸು ನೋಡುತ ಮೈ ಮನ ಮರೆತೆವು ನದಿಅಂಚಿಗೆ

ಹೊಸವರ್ಷ ಸ್ವಾಗತಿಸಲು ತೆರಳಿದೆವು ಮಲ್ಪೆ ಸಮುದ್ರಕೆ

ತಿಳಿ ಹಾಲಂತೆ ತಂಗಾಳಿ ಸಹಿತ ಅಲೆ ಮುತ್ತಿಕುತ್ತಿತು ಕಾಲಿಗೆ

ಪ್ರಭಂಜನ ಬಾಲ್ಯದ ಮಹಿಮೆ ಕಾಣಲು ಹೋದೆವು ಪಾಜಕಾಕ್ಕೆ

ಕಡಗೋಲು ಪಿಡಿದ ಕೃಷ್ಣನ ದರ್ಶನವಾಯಿತು ಪ್ರಜ್ಞ ಜೋತೆಗೆ

ಮಲಗುವ ಮಂಚದ ವಾಹನದಲಿ ಪಯಣಿಸಿದೆವು ಊರಿಗೆ

ಬೆಳಗಾಗುವುದರೊಳಗೆ ಮಧು ಯಾತ್ರೆ ಮುಗಿಸಿ ಸೇರಿಸೆವು ಮನೆಗೆ

ಚಂದಿರನ ಬೆಳದಿಂಗಲಿ ಜೇನು ಹುಡುಕಲು ಹೋದೆವು ಕಾಡಿಗೆ

ಸವಿ ಜೇನು ಸವಿದು ಮರಳಿ ಬಂದೆವು ನಗುತ ನಾಡಿಗೆ